Yuwele 3:4 - BIBELE Mahungu Lamanene

⁴ “Xana mi ni mhaka muni na mina, n'wina va le Tiri, ni va le Sidoni, ni va swifundzha hinkwaswo swa Vafilista, xana? Xana ku ni leswi mi rihiselaka swona eka mina xana? Loko swo va tano, hi ku copeta ka tihlo, leswi mi swi endlaka, ndzi ta hatla ndzi swi vuyisela eka n'wina,

Xitsonga (Bibele)

⁴ “Na n'wina Tiri na Sidoni mi ni mhaka yihi na mina? Na wena tiko hinkwaro ra Vafilista? Xana mi ri mi ta tirihisela eka mina? Kumbe mi ta ndzi endla swin'wana xana? Loko mi ku mi ta tirihisela, hi ku hatlisa ndzi ta tlherisela ku rihisa ka n'wina ehenhla ka tinhloko ta n'wina.

Yuwele 3:4 Referans Kwoze

Yeremiya 47:4

Ri fikile siku leri Vafilista hinkwavo va fanelaka ku herisiwa: Va ta dlawa, ku nga ha sali na un'we la nga yaka a ya lwela miti ya Tiri na Sidoni. Vafilista, vona masalela ya lava khale a va akile exihlaleni xa Kreta, ndzi ta va herisa mina HOSI.

Esaya 59:18

Un'wana ni un'wana, xi ta n'wi ba hi nkhavi lowu ringanaka leswi a endleke swona; valala va xona, xi ta va karihela xi va ba, lava nga matikweni ya le kule, na vona va ta biwa.

Esaya 34:8

HOSI Xikwembu xi na rona siku ro tirihisela, ra ta lembe leri xi nga ta rihiseta valala va muti wa Siyoni.

2 Vatesalonika 1:6

Xikwembu xi ta endla leswi lulameke: Xi ta ba lava va mi xanisaka, xi va vangela maxangu,

Timhaka 9:4

Kutani a wela ehansi, a twa rito leri nge ka yena: “Sawulo, Sawulo! U ndzi xanisela yini?”

Luka 18:7

Kutani, xana Xikwembu a xi nga avanyiseri vahlawuriwa va xona, ni ku va lehisela mbilu, vona lava huwelelaka eka xona vusiku ni nhlekanhi, xana?

Matewu 11:21

a ku: “U ni khombo wena Korazini, na wena Betsayida, hikuva mahlori lama nga endliwa exikarhi ka n'wina, loko onge ma endliwile le Tiri ni le Sidoni, ingi miti leyi yi hundzukile khale, yi ambele leswo khwaxa, yi tshamile enkumeni.

Yeremiya 51:6

Humani emutini wa Babilona, tiponiseni hinkwenu! Mi nga tshuki mi dlayiwa swin'we ni va le Babilona, hikuva lowu hi wona nkarhi wa HOSI wo tirihisela, yi rihiseta leswi endliweke emutini lowu.

2 TIKRONIKA 21:16

Kutani HOSI Xikwembu xi hlohlotela Vafilista, ni Maarabu lama tshamaka kusuhi ni va le Etiyopiya, leswaku va pfukela Yehoramu,

Vaavanyisi 11:12

Kutani Yefta a rhuma vanhu eka hosi ya Vaamoni, a va rhwexa rito leri nge: “Xana hi vangisana yini mina na wena, leswi u taka, u ta hlasela tiko ra mina, xana?”

Duteronoma 32:35

ku kondza ku fika siku leri ndzi nga ta va ba ha rona ndzi rihisela, ri nga siku leri va nga ta rhetemuka va wa; siku ra vona ra khombo a ri le kule, va ta hela ku nga ri khale.

Matewu 11:22

Hambiswiritano, ndza mi byela leswaku, hi siku ra ku avanyisiwa, miti ya Tiri na Sidoni yi ta vevukiseriwa ku tlula n'wina.

Luka 10:13

“U ni khombo, wena Korazini, na wena Betsayida, hikuva mahlori lama endliweke eka n'wina, loko onge ma endliwile le Tiri na Sidoni, ingi miti leyi yi hundzukile khale yi ambele swiambalo leswo khwaxa, yi tshamile enkumeni.

Luka 10:14

Nisweswi miti ya Tiri na Sidoni yi ta vevukiseriwa ku tlula n'wina hi siku ra ku avanyisiwa.

Esaya 14:29

“Nhonga leyi a mi gembeteriwa ha yona, n'wina Vafilista, yi tshoveleriwile, kambe sweswo swi nga tshuki swi mi tsakisa, hikuva loko nyoka yi fa, ku ta huma mhiri; eka mandza ya nyoka leyi, ku ta tlhotlhorhiwa ximememe!

Yeremiya 47:1

Lawa i mahungu hi tlhelo ra tiko ra Vafilista, lawa HOSI Xikwembu xi ma nyikeke muprofeta Yeremiya loko hosi Faro a nga si hlasela muti wa Gaza.

Yuwele 2:2

Siku ra kona ri to va ra munyama, ri to khwìxìì! ri ta va siku ra mapapa ni hunguva! Ku ni vanhu lavo tala va matimba, lava khubumeteke tintshava ku fana ni xinyami; vo fana na vona a va si tshama va voniwa, naswona endzhaku ka vona a ku nga ha voniwi vo tano, hilaha ku nga heriki.

Yuwele 2:10

Loko va fika, misava ya tsekatseka, matilo wona ma rhurhumela. Dyambu ni n'weti swi hundzuka munyama, tinyeleti ta timeka.