Yuwele 3:2 - BIBELE Mahungu Lamanene

² ndzi ta hlengeleta vanhu va matiko hinkwawo, ndzi va yisa eka Nkova wa Yoxafati; kwale, ndzi ta boxa nandzu wa vona, hi mhaka ya leswi va swi endleke eka Vaisraele, vanhu va mina ni ndzhaka ya mina, hikuva va va hangalasile ematikweni, va avelanile ni tiko ra mina.

Xitsonga (Bibele)

² ndzi ta hlengeleta matiko hinkwawo, ndzi ma xikisela enkoveni wa Yoxafati, ndzi ta tengisana na vona hikwalaho ka Israele tiko ra mina, ni ndzhaka ya mina, loyi va n'wi hangalaseke exikarhi ka matiko va ko va avelana tiko ra mina.

Yuwele 3:2 Referans Kwoze

Sofoniya 3:8

“Hikokwalaho, ndzi languteleni, mi yimela siku leri ndzi nga ta suka ndzi yima, ndzi vula nandzu wa n'wina. Makungu ya mina i ku hlengeleta vanhu va matiko ni va mimfumo hinkwayo, leswaku ndzi chela ku hlundzuka ka mina ehenhla ka vona, ndzi va hisa hi vukari bya mina lebyi pfurhaka, hikuva misava hinkwayo yi ta hisiwa endzilweni wa rilondzo ra mina.”

Esaya 66:16

Hinkwavo lava nga ta kumeka va ri ni nandzu loko HOSI Xikwembu xi avanyisa vanhu, va ta dlayiwa hi ndzilo ni fumu, ku ta fa vanhu vo tala swinene.

Ezekiele 38:22

Siku ndzi va avanyisaka, va ta dlawa hi mintungu ni tinyimpi. Ndzi ta nisa mpfula leyikulu, ni xihangu xo chavisa, ni ndzilo wa xivavula, swi wela Gogo ni mavuthu ya yena ni masocha ya yena layo tala lama humaka ematikweni man'wana.

Nhlavutelo 16:16

Kutani mimoya yi hlengeleta tihosi endhawini leyi va nge i Armagedoni hi ririmi ra Xiheveru.

Yuwele 3:12

Matiko a ma suke ma yima, ma ta eka Nkova wa Yoxafati, hikuva hi kona ndzi nga ta tshama ehansi, ndzi avanyisa matiko hinkwawo ya matlhelo hinkwawo.

Ezekiele 39:11

“Enkarhini wolowo ndzi ta tsema ndhawu etikweni ra Israele, leyi Gogo ni mavuthu ya yena va nga ta lahliwa eka yona, wu nga ‘Nkova-wa-Vaendzi’ evuxeni bya Lwandle-ra-ku-fa. Masirha ya Gogo ni mavuthu ya yena ma ta hingakanya ndlela, kutani vaendzi va ta tsandzeka ku hundza; hikokwalaho ndhawu ya kona yi ta vuriwa ‘Nkova-wa-Mavuthu-ya-Gogo’.

Ezekiele 35:10

“N'wina va le Edomu mi ri: ‘Vaisraele ni va ka Yuda, ku katsa ni matiko ya vona, i swa hina. Matiko ya kona, hi ta va tekela wona!’ Kasi ndzi kona mina HOSI!

Yeremiya 25:31

yi twiwa ku ya fika evugimamusi, hikuva HOSI Xikwembu xi lava ku boxa nandzu wa vamatiko, xi va avanyisa hinkwavo, lavo homboloka, xi va herisa hi matlhari. HOSI Xikwembu xi vula sweswo.’ ”

Nhlavutelo 20:8

kutani ú ta huma a xisa vamatiko lava akeke ematlhelweni hinkwawo ya misava, va nga vona va ka Gogo na Magogo. Sathana ú ta huma nyimpi na vona, va ringana sava ra lwandle hi ku tala.

Nhlavutelo 16:14

leyi i mimoya ya mademona leyi endlaka masingita, leyi rhendzelekaka hi tihosi ta misava hinkwayo, yi ti rhamba nyimpi, ku ya lwa ni Xikwembu xa matimba hinkwawo hi siku lerikulu ra kona.

Nhlavutelo 16:6

Hikuva vanhu va halatile ngati ya vahlawuriwa va wena ni ya vaprofeta, kutani u va nyikile ngati va nwa. I hakelo ya vona.”

Amosi 1:11

HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Edomu, hikuva va dyoha va vuyelela-vuyelela: Va hlotile vamakwavo ku va dlaya, va ala ku va twela vusiwana; va hlundzukile swi nga heli, va nga pfumeli ku tshika vukari bya vona.

Ezekiele 36:5

Kambe mina HOSI N'wini wa hinkwaswo ndzi ri, ndzi lwa ni vamatiko lava, na vona va le Edomu hinkwavo, ndzi lwa na vona; ndzi va tshinya hi vukari bya mina lebyi pfurhaka, hikuva va titekerile tiko ra mina, va ku i ra vona, va ri karhi va tsaka swinene, va endlela ku kuma madyelo ya rona ya swifuwo ma va ya vona, va sandza ni Vaisraele.

Ezekiele 25:8

HOSI N'wini wa hinkwaswo ú ri: “Vanhu va le Mowabu ni va le Seyira va vula leswaku a ku na ku hambana exikarhi ka va ka Yuda ni vanhu va tinxaka tin'wana hinkwato;

Yeremiya 49:1

Ta Vaamoni hi leti: HOSI Xikwembu xi vurisa sweswo xi ri: “Lava gandzelaka Milikomo xikwembu xa Vaamoni va tekise ku yini tiko ra Gadi, va tshamisise ku yini emitini ya kona xana? Xana exikarhi ka Vaisraele a ku na vavanuna lava fanelaka ku teka tiko leri ri va ra vona ke?

Yeremiya 12:14

HOSI Xikwembu xi vurisa sweswo xi ri: “Vamatiko hinkwavo lava akelaneke ni Vaisraele vanhu va mina, va bihile. Loko vo tshuka va khumba tiko leri ndzi ri nyikeke Vaisraele leswaku ri va ra vona, ndzi ta va hlongola ematikweni ya vona, kutani ndzi kutsula va ka Yuda emavokweni ya vona.

2 TIKRONIKA 20:26

Hi siku ra vumune, va hlengeletana eka Rivala-ra-Beraka, (hileswaku Rivala-ra-ku-tlangela), va tlangela HOSI Xikwembu va ri erivaleni rero. (Vito ra “Beraka” ra ha tirhisiwa ninamuntlha.)

Nhlavutelo 11:18

Vanhu va matiko a va tele ku hlundzuka, kambe siku ra vukari bya wena ri fikile; i nkarhi wa ku avanyisa lava feke. I nkarhi wa ku nyika hakelo eka vaprofeta malandza ya wena, ni ka vahlawuriwa va wena hinkwawo, ni ka hinkwavo lava va ku chavaka, lavakulu ni lavatsongo. I nkarhi wa ku herisa lava herisaka misava.”

Esaya 66:18

Ndzi tiva mintirho ya vona ni miehleketo ya vona! “Ndza karhi ndza ta ndzi ta hlengeleta vanhu va matiko hinkwawo, hi ku hambana ka tindzimi ta vona, leswaku va ta va ta vona ku dzuneka ka mina.

Yeremiya 50:17

HOSI Xikwembu xi ri: “Vaisraele va fana ni swinyimpfana leswi hlotiwaka ni ku hangalasiwa hi tinghala. Ku rhange hosi ya Asiriya yi va dlaya yi dya nyama ya vona, Nebukadnetsara hosi ya Babilona yena a sala a phorha marhambu.

Ezekiele 34:6

Ti famba-fambile hinkwako etintshaveni, ni le switsungeni hinkwaswo; ti hangalakile etikweni hinkwaro, ku ri hava loyi a tikarhatelaka tona kumbe ku ti landza a vuya na tona.’ ”

Ezekiele 36:1

Xikwembu xi vulavula na Ezekiele xi ku: “Wena munhu, vulavula ni tintshava ta Israele, u ti lerisa ku yingisa rito ra mina,

Yuwele 3:14

Vanhu i mintshungu ni mintshungu, enkoveni lowu timhaka ti tsemiwaka eka wona, hikuva siku ra mina HOSI ri le kusuhi, ri ta fika enkoveni lowu.

Mikiya 4:12

Kambe vanhu lava a va swi tivi leswaku HOSI Xikwembu xi ehleketa yini, makungu ya xona a va ma tivi, ku nga ku va hlengeleta endhawini yin'we ku fana ni mavele exivuyeni.