Yuwele 3:18 - BIBELE Mahungu Lamanene

¹⁸ “Hi siku ra kona, tintshava ti ta pfempfa vhinyo yo nandziha; ntswamba wu ta khuluka eswintshabyanini, swinkobyana hinkwaswo swa tiko ra Yuda swi ta hobomulana. Endlwini ya mina HOSI, ku ta baleka nthavela, mati ma ta huma ma ya cheleta Nkova-wa-Xitimi.

Xitsonga (Bibele)

¹⁸ “Enkarhini wolowo, tintshava ti ta pfelela dzova ra vhinyo, switsunga swi ta khuluka ntswamba, ni milambu hinkwayo ya Yuda yi ta tshama yi va ni mati lama khulukaka, kutani nseledyana yi ta huma endlwini ya Yehovha yi tsakamisa rivala ra Xitimi.

Yuwele 3:18 Referans Kwoze

Zakariya 14:8

Hi siku rolero mati ma ta khuluka ma huma emutini wa Yerusalema, ma ya chela elwandle ra le vuxeni, laman'wana ma ya chela elwandle ra vupeladyambu, ma endlisa sweswo hi ximumu ni xixika.

Esaya 35:6

swilema swi ta tlula-tlula ku fana ni timbavala, timbheveve ti ta ba minkulungwana ya ntsako, emananga ku ta baleka mati, ni le makwandzasini ku ta khuluka milambu;

Esaya 30:25

Esikwini lerikulu ra ku hluriwa ka valala, loko swihondzo swa vona swi ta va swi wile, ku ta va ni swinambyana leswi nga ta khuluka etintshaveni hinkwato leto leha ni le swintshabyanini hinkwaswo.

Tinhlayo 25:1

Enkarhini lowu Vaisraele a va govile eXitimi, vavanuna va sungurile ku tsutsuma-tsutsuma ni vavasati va tiko ra Mowabu.

Pisalema 46:4

Ku ni nambu lowu khulukaka wu tisaka ntsako emutini wa Xikwembu; muti lowu i ndhawu ya Loyi a nge henhla-henhla, wu hlawulekile ku tlula tindhawu hinkwato.

Ntirho 29:6

Ntswamba a ndzi hlamba ha wona onge i mati, hambi ma ri masimu ya le makwandzasini a ma ndzi nyika mafurha layo tala.

Eksoda 3:8

Hikokwalaho, ndzi rhelerile ku ta va lamulela emavokweni ya Vaegipta, ndzi va humesa etikweni leriya, ndzi va yisa etikweni lero nona, leri anameke, tiko leri khulukaka ntswamba ni vulombe, ku nga laha ku akeke Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Mikiya 6:5

N'wina vanhu va mina, ehleketani makungu lawa Balaka hosi ya Mowabu a a ma bohile, mi tsundzuka ni ndlela leyi Balaama n'wana Beyori a hlamuleke Balaka ha yona; mi nga rivali na leswi humeleleke ku sukela eXitimi ku ya fika eGiligala, mi ta tiva ndlela leyi mina HOSI ndzi mi poniseke ha yona.”

Esaya 44:3

Ndzi ta chululela mati etikweni leri nga ni torha, swinambyana swi ta hobomulana emisaveni leyi omeke; ndzi ta chululela Moya wa mina ehenhla ka vatukulu va n'wina, vana va n'wina, ndzi ta va katekisa.

Esaya 45:8

“N'wina matilo, nisani mberha ya leswo lulama, mapapa a ma swi chululele ehansi. Wena misava, pfuleka leswaku ku ta huma leswi ponisaka, ni leswo lulama swi ta mila eka wena; swilo leswi swi endliwile hi mina HOSI.”

Esaya 55:1

HOSI Xikwembu xi ri: “N'wina hinkwenu mi nga ni torha, tanani mi ta nwa mati, na n'wina mi nga riki na mali, tanani mi ta teka swakudya mi dya! Hambi mi nga ri na mali, tanani mi ta kuma vhinyo ni ntswamba, a mi nga hakeli nchumu.

Esaya 66:11

Mi kumile manana loyi a nga ta mi mbuwetela a mi mamisa mi kolwa; ú ni mafi layo tala lawa mi nga ta mama mi tiphina ha wona.”

Yeremiya 31:12

Va ka Yakobo va ta ta entshaveni ya Siyoni va ri karhi va yimbelela, va ta ba huwa ya ntsako; va ta tlangela vunene bya mina HOSI, hikuva ndzi ta va nyika mavele ni vhinyo ni mafurha, ndzi andzisa swifuwo swa vona leswikulu ni leswitsongo. Va ta hanya va tsakile, va nga ha twi torha, va fana ni ntanga lowu cheletiwaka.