Yuwele 3:17 - BIBELE Mahungu Lamanene

¹⁷ “Hikokwalaho, mi ta swi tiva leswaku mina HOSI, ndzi Xikwembu xa n'wina, ndzi tshama entshaveni ya mina leyo hlawuleka ya Siyoni. Muti wa Yerusalema wu ta va lowu hlawulekeke, kutani vanhu vambe va nga ka va nga ha tsemakanyi hi le xikarhi ka wona, ni siku ni rin'we.

Xitsonga (Bibele)

¹⁷ “Kutani mi ta tiva leswaku hi mina Yehovha, Xikwembu xa n'wina; mina la tshameke eSiyoni, entshaveni ya mina leyi hlawuriweke, Yerusalema, u ta va xivandla lexi hlawuriweke; vamatiko a va nga ha hundzi eka yena.

Yuwele 3:17 Referans Kwoze

Yuwele 2:27

Mi ta swi tiva leswaku ndzi kona exikarhi ka Vaisraele, ni leswaku mina HOSI, ndzi Xikwembu xa n'wina; a ku na xin'wana ehandle ka mina. Hakunene vanhu va mina a va nga ha tlheli va khomiwa hi tingana, ni siku ni rin'we.”

Nahume 1:15

Langutani! Murhumiwa wa ta hi le tintshaveni; ú tisa mahungu lamanene, ni ku tivisa timhaka ta ku rhula. N'wina vanhu va Yuda, cinani minkhuvo ya n'wina, hetisani leswi mi swi hlambanyeke, hikuva muonhi a nga ka a nga ha hlaseli tiko ra n'wina, ni siku ri rin'we, ú heriseriwe ra makumu.

Esaya 52:1

We muti wa Siyoni, suka u yima, yima u komba leswaku u ni matimba; we Yerusalema, muti lowo hlawuleka, ambala swiambalo swa wena leswo saseka, hikuva lava nga yimbangiki ni lava nga tengangiki va nga ka va nga ha ngheni eka wena.

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.

Esaya 4:3

Hinkwavo lava va nga ta va va ha hanya emutini wa Siyoni, lava nga ta va va ha kumeka eYerusalema, va ta vuriwa lava hlawulekeke, hikuva mavito ya vona ma ta va ma tsariwile eYerusalema, leswaku va hanya.

Yeremiya 31:23

HOSI ya matimba hinkwawo Xikwembu xa Israele xi vurisa sweswo xi ri: “Siku ndzi nga ta tlhela ndzi katekisa tiko ra Yuda ni miti ya kona, vaaki va kona va ta tlhela va tirhisa marito lawa ya nge: “ ‘HOSI a yi ku katekise wena muti wa Xikwembu xo lulama, wena ntshava ya Muhlawuleki!’

Yuwele 3:21

Ngati ya vona, ndzi ta yi rihisela; lava nga ni nandzu, a ndzi nga va tshiki ntsena. Mina HOSI, ndzi tshama eSiyoni!”

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Mikiya 4:7

Lava lamaleke, va ta va masalela ya mina, lava hlongoriweke, ndzi ta va endla rixaka ra matimba; kutani mina HOSI ndzi ta va mufumi wa vona entshaveni ya Siyoni, ku sukela sweswi ni hilaha ku nga heriki.

Daniele 11:45

Ú ta dzima mintsonga ya yena ya vuhosi exikarhi ka lwandle ni ntshava leyo hlawuleka etikweni lero saseka ra Israele, hambiswiritano ú ta dlayiwa, ku ri hava ni loyi a nga n'wi lamulelaka.”

Ezekiele 48:35

Rirhangu hinkwaro leri rhendzelaka muti matlhelo ya mune, ri ta va ri lehile 9 000 m. Eminkarhini leyi taka, muti wa Yerusalema wu ta thyiwa vito lerintshwa ra “Vukona-bya-HOSI-Xikwembu”!

Ezekiele 43:12

Nawu wa Tempele hi lowu: Ndhawu ya yona hinkwayo ehenhla ka ntshava, a yi ve leyi hlawulekeke swinene, matlhelo hinkwawo. Lowu hi wona nawu wa Tempele!”

Esaya 35:8

Etikweni ku ta va na gondzo lerikulu, leri nga ta thyiwa Gondzo-ro-Hlawuleka; vanhu lava nga tengangiki va nga ka va nga fambi ha rona, ri ta va ra lavo tenga ntsena, la fambaka ha rona, hambi a nga tivi ndlela, a nga ka a nga lahleki.

Esaya 12:6

Banani minkulungwana, mi tsaka, n'wina vaaki va Siyoni, hikuva Xikwembu lexikulu, xona Muhlawuleki wa Israele, xi tshama exikarhi ka n'wina.”

Pisalema 76:2

Yerusalema i muti wa xona, xi tshama entshaveni ya Siyoni.

Pisalema 9:11

Yimbelelani mi dzunisa HOSI leyi fumaka yi ri eSiyoni, rungulani mintirho ya yona ematikweni!

Eksoda 16:12

“Ku dzumadzuma ka Vaisraele, ndzi ku twile! Va tivise leswaku namadyambu va ta dya nyama, nimpundzu va ta dya vuswa va xurha; kutani hi kona va nga ta tiva leswaku mina HOSI, ndzi Xikwembu xa vona!”

Esaya 11:9

Hinkwako entshaveni leyo hlawuleka ya HOSI Xikwembu, a ku nga vi na ku vavisana kumbe ku dlayana, hikuva vanhu lava tivaka HOSI Xikwembu va ta va va tatile tiko, ku fana ni mati lama funengetaka hinkwako elwandle.

Esaya 46:13

Siku leri ndzi nga ta mi ntshunxa ha rona, ndzi ri tshinete kusuhi, a ra ha ri kule; ri nge hlweli ku fika, siku leri ndzi nga ta mi ponisa ha rona; muti wa Siyoni wu ta kuma ku pona, tiko ra Israele, ndzi ta ri nyika ku dzuneka ka mina.”

Esaya 56:7

vanhu volavo, ndzi ta va pfumelela ku ta entshaveni ya mina leyo hlawuleka, ndzi ta va nyika ku tsaka endlwini ya mina yo khongelela ka yona; magandzelo ya vona lama hisiwaka ni lama dyiwaka, ndzi ta ma amukela alitarini ya mina, hikuva yindlu ya mina yi ta vuriwa ‘yindlu ya xihongelo eka vanhu va matiko hinkwawo’.”

Yeremiya 31:40

Tindhawu leti landzelaka ti ta nyiketiwa eka HOSI Xikwembu: Nkova hinkwawo wa mintsumbu ni minkuma, ni masimu hinkwawo ku ya fika exinambyaneni xa Kidroni ni le ka ‘Nyangwa-ya-Tihanci’ hi tlhelo ra le vuxeni. Muti wa Yerusalema a wu nga ha hlaseriwi kumbe ku herisiwa, hilaha ku nga heriki.”

Ezekiele 20:40

“Mina HOSI N'wini wa hinkwaswo ndzi ri, hinkwenu mi ta ndzi tirhela etikweni ra mina, mi ri entshaveni ya mina leyo hlawuleka yi nga ntshava leyo leha ya n'wina Vaisraele, kutani ndzi ta mi amukela kona; ndzi ta langutela ku tiseriwa hi n'wina minkhenso ni tinyiko ni magandzelo lamanene ya swilo leswo hlawuleka.

Ezekiele 37:6

Ndzi ta mirisa misiha ya n'wina, ndzi hlukisa nyama ya n'wina, ndzi mi funengeta hi nhlonge, ndzi hetelela hi ku mi nyika moya wa vutomi leswaku mi tlhela mi kuma ku hanya, kutani mi ta tiva leswaku HOSI Xikwembu, hi mina!’ ”

Ezekiele 44:9

Hikokwalaho mina HOSI N'wini wa hinkwaswo ndzi ri: Vamatiko lava nga yimbangiki, lava nga riki na mhaka na mina, hambiloko va tshama exikarhi ka n'wina Vaisraele, va nga ka va nga pfumeleriwi ku nghena eTempeleni ya mina.”

Daniele 9:16

Wena N'wini wa hina, u hi lwerile minkarhi leyo tala. Namuntlha, hi kombela leswaku u rheleta vukari bya wena, u tshika ku hlundzukela muti wa Yerusalema entshaveni ya wena leyo hlawuleka, hikuva matiko hinkwawo lawa ya hi rhendzeleke, ma hlekule muti lowu ma monya na hina vanhu va wena, hi mhaka ya leswi hi ku dyoheleke, hina ni vatata wa hina.

Ntirho 15:19

siku va nyikiweke tiko ri va ra vona ntsena, ku nga si nghena vanhu vambe exikarhi ka vona.