Yuwele 3:13 - BIBELE Mahungu Lamanene

¹³ Nghenisani rihwevo, hikuva nkarhi wa ku tshovela wu fikile. Nghenani mi pyanya, hikuva mihandzu ya vhinya yi tele ngopfu. Makhuwana a ma khape hi vhinyo, hikuva swidyoho swa vona swa chavisa!

Xitsonga (Bibele)

¹³ Nghenisani sikela hikuva mavele ma vupfile; tanani, mi kandziya, hikuva xikhuvuto xi tele, ni makhuwana ma halaka; hikuva ku biha ka vona kukulu.

Yuwele 3:13 Referans Kwoze

Marka 4:29

kutani loko ti vupfile, va hatla va nghenisa rihwevo, hikuva ku tshovela ku fikile.”

Hosiya 6:11

Na n'wina va ka Yuda, siku ra n'wina ra ku avanyisiwa ri vekiwile, ri nga siku leri ndzi nga ta tlhela ndzi vuyisa vanhu va mina ha rona.

Esaya 63:3

“Ina, ndzi huma eku pyanyeni ka vhinya, ndzi tirhe ndzi ri ndzexe, a ndzi pfuniwanga hi munhu. Eku kariheni ka mina, ndzi pyanyeterile vanhu va matiko man'wana, ndzi va kandziyerile evukarini bya mina, kutani ngati ya vona yi tlhambukele swiambalo swa mina yi swi thyakisa hinkwaswo.

Matewu 13:39

Nala la byaleke mfava i Diyavulosi; ku tshovela i ku hela ka minkarhi; vatshoveri vona i tintsumi.

Yeremiya 51:33

HOSI ya matimba hinkwawo, Xikwembu xa Israele, xi ri: “Muti wa Babilona i xivuya xo hulela eka xona, nkarhi wo xi rhidela wu fikile, ku lo sala nkarhinyana ntsena ku nga si tisiwa mavele!”

Swirilo 1:15

“N'wini wa hinkwaswo ú fularherile tinhenha ta mina hinkwato ndzi ri karhi ndzi swi vona. Ú rhambile ntshungu ku ta lwa na mina, leswaku wu fayetela majaha ya mina. Mina Yerusalema nhwana wa Yuda, ú ndzi pyanyile kukota mihandzu ya vhinya exikhuvutelweni.

Duteronoma 16:9

“Ku sukela siku leri mi sungulaka ku tshovela mavele ha rona, hlayelani mavhiki ya 7,

Genesa 18:20

Kutani HOSI Xikwembu xi ya emahlweni xi ku: “Swivilelo hi tlhelo ra muti wa Sodoma ni muti wa Gomora swi tele ngopfu, ni swidyoho swa vona swa chavisa;

Genesa 15:16

Kambe vatukulu-xinguwe va wena va ta tlhela va vuya etikweni leri, hikuva sweswi vubihi bya Vaamori a byi si fika emakumu ka byona.”

Genesa 13:13

wu nga muti wa vanhu vo homboloka, lava a va dyohela ngopfu HOSI Xikwembu.

Nhlavutelo 14:14

Ndzi languta kutani ndzi vona papa lero basa; ehenhla ka rona a ku tshamile un'wana la fanaka ni N'wana-wa-Munhu, a ri ni harhi ya nsuku enhlokweni ya yena ni rihwevo lero kariha evokweni ra yena.

Nhlavutelo 19:15

Enon'weni wa yena ku huma banga lero kariha, leri a nga ta tsema matiko ha rona, kutani ú ta ma fuma hi nhonga ya nsimbhi. Ú ta kandziyela xikamelo xa vhinya ya vukari lebyo chavisa bya Xikwembu lexi nga ni matimba hinkwawo.

Esaya 17:5

Swi ta fana ni loko vanhu va tsema koroni, va hlengeleta min'woko ya kona, kumbe loko va ya eku khwajeni, emasin'wini ya le nkoveni wa Refayimi: