Yuwele 3:12 - BIBELE Mahungu Lamanene

¹² Matiko a ma suke ma yima, ma ta eka Nkova wa Yoxafati, hikuva hi kona ndzi nga ta tshama ehansi, ndzi avanyisa matiko hinkwawo ya matlhelo hinkwawo.

Xitsonga (Bibele)

¹² Vamatiko a va pfuke, a va te enkoveni wa Yoxafati; hikuva kona ndzi ta tshamisa ku avanyisa matiko hinkwawo ya le matlhelweni.

Yuwele 3:12 Referans Kwoze

Yuwele 3:2

ndzi ta hlengeleta vanhu va matiko hinkwawo, ndzi va yisa eka Nkova wa Yoxafati; kwale, ndzi ta boxa nandzu wa vona, hi mhaka ya leswi va swi endleke eka Vaisraele, vanhu va mina ni ndzhaka ya mina, hikuva va va hangalasile ematikweni, va avelanile ni tiko ra mina.

Esaya 3:13

HOSI Xikwembu xi lava ku tengisa vanhu milandzu, xi tilulamisela ku avanyisa vanhu va xona.

Esaya 2:4

HOSI Xikwembu xi ta avanyisa timhaka ta matiko, hi xona xi nga ta tsema milandzu ya vanhu lavo tala; kutani va ta fula matlhari ya vona va endla swikomu, va endla ni mikwana yo khutulela ha yona; tiko rin'wana ri nga ka ri nga ha pfuki rin'wana, ni vanhu a va nga ha dyondzisiwi ku lwa nyimpi.

Pisalema 98:9

loko HOSI Xikwembu xi ta ku ta fuma misava. Xi ta yi avanyisa hi ku lulama, vamatiko xi ta va fambisa hi nawu.

Pisalema 96:13

hikuva HOSI Xikwembu xa ta ku ta fuma misava; xi ta yi avanyisa hi ku lulama, xi fambisa vamatiko entiyisweni wa xona.

Zakariya 14:4

Hi siku rolero HOSI Xikwembu xi ta yima ehenhla ka Ntshava ya Mitlhwari, yona leyi langutaneke na Yerusalema hi tlhelo ra vuxa, kutani ntshava leyi yi ta pandziwa hi le xikarhi, ku huma nkova lowukulu, wu sukela evuxeni wu ya fika evupeladyambu. Hafu ya ntshava yoleyo yi ta ntlhentlhela en'walungwini, hafu leyin'wana yi ta ntlhentlhela edzongeni.

Mikiya 4:3

HOSI Xikwembu xi ta avanyisa timhaka ta vanhu lavo tala, hi xona xi nga ta tsema milandzu ya matiko layo tiya ya le kule; kutani vaaki va wona va ta fula matlhari ya vona va endla swikomu, va endla ha wona mikwana yo khutulela ha yona; tiko rin'wana ri nga ka ri nga ha pfuki rin'wana, ni vanhu a va nga ha dyondzisiwi ku lwa nyimpi.

Yuwele 3:14

Vanhu i mintshungu ni mintshungu, enkoveni lowu timhaka ti tsemiwaka eka wona, hikuva siku ra mina HOSI ri le kusuhi, ri ta fika enkoveni lowu.

Pisalema 7:6

We HOSI, suka u yima u hlundzukile, tlakuka u tela valala va mina lava levaka; pfuka u ndzi lwela, wena u lavaka leswaku timhaka ti avanyisiwa hi ku lulama.

Nhlavutelo 19:11

Endzhaku ka swona, ndzi vona tilo ri pfuriwile, kutani, hi nomu lo, ku vonaka hanci yo basa. Loyi a gadeke yona, mavito ya yena va ri i “Mutshembeki”, ni “Ntiyiso”. Ú avanyisa ni ku lwa hi ku lulama.

Ezekiele 39:11

“Enkarhini wolowo ndzi ta tsema ndhawu etikweni ra Israele, leyi Gogo ni mavuthu ya yena va nga ta lahliwa eka yona, wu nga ‘Nkova-wa-Vaendzi’ evuxeni bya Lwandle-ra-ku-fa. Masirha ya Gogo ni mavuthu ya yena ma ta hingakanya ndlela, kutani vaendzi va ta tsandzeka ku hundza; hikokwalaho ndhawu ya kona yi ta vuriwa ‘Nkova-wa-Mavuthu-ya-Gogo’.

Ezekiele 30:3

Hakunene siku ra kona ri fikile, ri nga leri mina HOSI ndzi nga ta tirha ha rona; eka vamatiko hinkwavo, siku leri ri ta tisa xinyami ni maxangu.

2 TIKRONIKA 20:26

Hi siku ra vumune, va hlengeletana eka Rivala-ra-Beraka, (hileswaku Rivala-ra-ku-tlangela), va tlangela HOSI Xikwembu va ri erivaleni rero. (Vito ra “Beraka” ra ha tirhisiwa ninamuntlha.)

Esaya 22:1

Lawa i mahungu hi tlhelo ra Nkova wa Swivono: Xana swi lo yini ke, leswi mi khandziyeke eswihlungwanini swa tindlu hinkwenu ke?