Yuwele 2:6 - BIBELE Mahungu Lamanene

⁶ Loko va fika, vanhu va hela matimba, tinghohe hinkwato ta basuluka.

Xitsonga (Bibele)

⁶ Emahlweni ka vona, matiko ma rhurhumela, mimombo hinkwayo yi hundzuka.

Yuwele 2:6 Referans Kwoze

Nahume 2:10

Muti wa Ninivha wu herile, wu herisiwile, wu hundzuke rhumbi! Va hela mbilu, matsolo ya vona ma gudlagudla, va twa switlhavi emirini hinkwawo, hinkwavo va hundzuka tinghohe hi ku chava.

Esaya 13:8

va ta tshukisiwa ngopfu, va khomiwa hi switlhavi, va xaniseka kukota wansati loko a ri kusuhi ni ku tintshunxa; va ta langutana, va hlamala, va dzuka nyuku hi ku chava.

Yeremiya 30:6

Famba u ya vona hi wexe, u tivutisa: Xana swa endleka leswaku wanuna a veleka n'wana xana? Hikwalaho ka yini ndzi vona vavanuna hinkwavo va tikhomelerile makhwiri ku fana ni wansati la nga ku tintshunxeni xana? Hikwalaho ka yini hinkwavo va basulukile swikandza xana?

Swirilo 4:8

Kambe namuntlha va hundzukile, va tshwile; munhu a nge va tivi loko o hlangana na vona endleleni; tinyama ta vona ti khanyanile, nhlonge yi khomana ni marhambu, yi omile kukota rihunyi.

Yeremiya 8:21

Ndzi hela ntamu loko ndzi vona ku vaviseka ka vanhu va ka hina; ndza rila, ndzi khomiwa hi gome.

Pisalema 119:83

Hambileswi ndzi punyaleke kukota mbita exitikweni, ndzi nga ka ndzi nga rivali milawu ya wena.

Nahume 2:11

Xana ri kwihi bako ra tinghala xana, ni ndhawu ya swinghalana yi kwihi xana, laha nghala a yi tisa nhloto wa yona kona, ni laha swinghalana swa yona a swi tshama kona, swi nga karhatiwi hi nchumu, xana?