Yuwele 2:32 - BIBELE Mahungu Lamanene

³² Enkarhini wolowo, un'wana ni un'wana la nga ta huwelela eka mina, ú ta ponisiwa. Entshaveni ya Siyoni ni le mutini wa Yerusalema, va kona lava nga ta pona, hilaha ndzi vuleke hakona mina HOSI. Kutani eka lava nga ta sala, ndzi ta hlawula van'wana.”

Xitsonga (Bibele)

³² “Kutani un'wana ni un'wana la khongelaka vito ra Yehovha u ta pona; hikuva entshaveni ya Siyoni, ni le Yerusalema, ku pona ku ta va kona, hilaha Yehovha a vuleke hakona, exikarhi ka lava nga ta sala van'wana hi lava nga ta vitiwa hi Yehovha.

Yuwele 2:32 Referans Kwoze

Varhoma 11:26

Hi mukhuva wolowo tiko hinkwaro ra Israele ri ta ponisiwa, hilaha ku tsariweke hakona va ku: “Muponisi ú ta huma eSiyoni, a endla leswaku Yakobo a tshika tindlela ta yena to fularhela Xikwembu.

Yeremiya 31:7

HOSI Xikwembu xi vurisa sweswo xi ri: “Yimbelelani mi ba ni minkulungwana, mi tsakela Yakobo, yena murhangeri wa vamatiko. Ndzi dzuniseni swinene, mi ku: ‘HOSI Xikwembu xi ponisile vanhu va xona, wona masalela ya Vaisraele.’

Esaya 46:13

Siku leri ndzi nga ta mi ntshunxa ha rona, ndzi ri tshinete kusuhi, a ra ha ri kule; ri nge hlweli ku fika, siku leri ndzi nga ta mi ponisa ha rona; muti wa Siyoni wu ta kuma ku pona, tiko ra Israele, ndzi ta ri nyika ku dzuneka ka mina.”

Varhoma 9:27

Na yena Esaya wa huwelela hi ta Israele, a ku: “Hambiloko ntsengo wa Vaisraele wu kotisa sava ra lwandle, ku ta ponisiwa masalela ntsena;

Yeremiya 33:3

‘Ndzi huweleleni, kutani ndzi ta mi hlamula, ndzi mi komba swilo leswikulu leswi tumbeleke, leswi ni ku swi tiva mi nga swi tiviki.

Obadiya 1:17

“Entshaveni ya Siyoni, van'wana va ta pona; ntshava leyi yi ta va yi hlawulekile. Va ka Yakobo va ta tlhela va kuma leswi nga swa vona.

Esaya 11:11

Eminkarhini yoleyo, N'wini wa hinkwaswo ú ta tlhela a tlakusa voko ra yena, a vuyisa masalela ya vanhu va yena lava nga ta va va ha ri le Asiriya, ni le Egipta, ni le Patroso, ni le Etiyopiya, ni le Elamu, ni le Xinara, ni le Hamata, ni le swihlaleni.

Pisalema 50:15

Hi siku ra khombo, ndzi vitaneni, ndzi ta mi lamulela, kutani mi ta dzunisa vito ra mina.”

1 Vakorinto 1:2

hi tsalela kereke ya Xikwembu leyi nge Korinto, va nga lava vitaniweke ku va vahlawuriwa va Xikwembu ni ku basisiwa eka Kriste Yesu; hi tsalela ni hinkwavo lava nge matikweni hinkwawo, lava khongelaka vito ra Hosi ya hina Yesu Kriste yi nga Hosi ya vona ni ya hina, hi ri:

Timhaka 2:39

hikuva xitshembiso lexi xi endleriwe n'wina ni vana va n'wina, ni va le kule hinkwavo lava nga ta vitaniwa hi Hosi Xikwembu xa hina.”

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Yohane 10:16

Naswona ndzi ni tinyimpfu tin'wana leti nga riki ta tshanga leri; na tona ndzi fanele ku ti vuyisa; ti ta yingisa rito ra mina, kutani ti ta endla ntlhambi wun'we, ti va ni murisi un'we.

Yohane 4:22

N'wina mi gandzela lexi mi nga xi tiviki; hina hi gandzela lexi hi xi tivaka; hikuva ku ponisiwa ku huma eka Vayuda.

Mikiya 5:3

Hikokwalaho, ku tshikiwa ka vona ku ta hela siku leri wansati la tikeke a velekaka n'wana wa mufana, kutani Vaisraele lava nga sala evukhumbini, va ta vuya karikwavo.

Esaya 11:16

Ku sukela le Asiriya, ku ta va ni gondzo lerikulu, leri masalela ya vanhu va HOSI Xikwembu ma nga ta famba ha rona; ri ta fana ni leri Vaisraele va fambeke ha rona, loko va huma etikweni ra Egipta.

Esaya 10:22

Hambileswi vanhu va wena Israele va nga ta tala kukota sava ra lwandle, ku ta vuya ntsena va nga ri vangani. Mhaka ya ku biwa ka vona yi tsemiwile, leswi va avanyisisiweke xiswona, swi lulamile ngopfu.

Esaya 4:2

Ri ta ta siku leri ximila xa HOSI xi nga ta hluka, xi saseka ni ku dzuneka; Vaisraele lava nga ta va va ponile, va ta tinyungubyisa, va tidzunisa hi leswi swi mileke etikweni.

Vaheveru 12:22

Kambe n'wina, mi tshinelele ntshava ya Siyoni ni muti wa Xikwembu lexi hanyaka, Yerusalema wa le tilweni, ni le ka tintsumi leti nga hlayekiki hi ku tala. Mi tile enkhubyeni wa ku tsaka,

Varhoma 11:7

Xana hi nga vula yini? Leswi Vaisraele a va swi lava, a va swi kumanga, kambe lava hlawuriweke hi Xikwembu va swi kumile. Lavan'wana va nonon'hwisiwile,

Varhoma 9:24

Swibya leswi, hi hina lava xi hi vitaneke, hina hi humaka ku nga ri exikarhi ka Vayuda ntsena, kambe ni le xikarhi ka vamatiko.

Timhaka 15:17

leswaku vanhu lavan'wana hinkwavo va ta kota ku lava Hosi, vona vamatiko hinkwavo lava ndzi nga va vitana leswaku va va vanhu va mina hakunene.

Obadiya 1:21

Valamuleri va ta tlhandlukela entshaveni ya Siyoni, leswaku va fuma va le ntshaveni ya Esawu. HOSI Xikwembu hi xiviri, hi xona xi nga ta va hosi.

Varhoma 11:5

Swa ha ri tano ni namuntlha: Ku ni masalela ya vanhu lava Xikwembu xi va hlawuleke hi tintswalo.

Genesa 4:26

Seta na yena a kuma n'wana wa mufana, kutani a n'wi thya vito ra Enosi. Enkarhini wa kona, vanhu va sungula ku khongela HOSI Xikwembu hi vito ra xona.

Amosi 9:8

Vonani, mina HOSI N'wini wa hinkwaswo, ndzi vekile tihlo ehenhla ka mfumo lowu wa vadyohi, ndzi ta wu herisa wu nyamalala laha misaveni, kambe vatukulu va Yakobo, ndzi nga ka ndzi nga va heriseli makumu. Ndzi vula sweswo mina HOSI.