Yuwele 2:3 - BIBELE Mahungu Lamanene

³ Emahlweni ka vona va rhangisile ndzilo lowu herisaka, kasi endzhaku ka vona ku ni langavi leri vuvumelaka. Loko va nga si fika, tiko a ri fana ni ntanga wa Edeni, kambe loko va hundzile, ri sala ri fana ni mananga lama omeke swinene, a ku na nchumu lexi kotaka ku va balekela.

Xitsonga (Bibele)

³ Emahlweni ka rona ku ni ndzilo lowu phorhaka ni ndzhaku ka rona ku ni langavi leri hisaka. Emahlweni ka rona tiko ri fana ni ntanga wa Edeni, kutani loko ri hundzile, tiko ri sala ri va mananga lama chavisaka; a ku sali nchumu endzhaku ka yena.

Yuwele 2:3 Referans Kwoze

Esaya 51:3

“Muti wa Yerusalema, ndzi ta wu tiyisa mina HOSI, vanhu hinkwavo lava tshamaka emarhumbini ya wona, ndzi ta va twela vusiwana. Tindhawu ta wona leti hundzukeke mananga, ndzi ta ti hundzula ti fana ni ntanga wa Edeni; lomu ku omeke, ku ta fana ni ntanga wa mina. Muti lowu wu ta tala hi ntsako ni minkhuvo, eka wona ku ta twala minkulungwana ni tinsimu ta ku nkhensa.

Genesa 2:8

Kutani HOSI Xikwembu xi endla ntanga le Edeni evuxeni, kutani xi teka munhu loyi xi n'wi vumbeke, xi ya n'wi veka kwale ntangeni.

Zakariya 7:14

Kutani ndzi va hangalasele etinxakeni hinkwato leti a va nga ti tivi, kutani tiko leri ro saseka, leri va ri sukeleke, ri sala ri ri rhumbi, ku pfumaleka na munhu loyi a nga famba-fambaka eka rona.”

Eksoda 10:15

ti funengeta hinkwako laha hansi, ku sala ku lo tshwukelana hi tona. Ti dyetetela swimilana hinkwaswo etikweni, ti dya ni mihandzu hinkwayo ya mirhi leyi poneke xihangu; a ti siyanga ni xilo ni xin'we xa rihlaza ematlhelweni hinkwawo ya tiko ra Egipta, ti dya hambi yi ri mirhi kumbe swimila-milani emasin'wini.

Eksoda 10:5

Tinjiya leti ti ta funengeta hinkwako laha hansi, ku sala ku nga ha vonaki; ti ta dya swilo swa n'wina leswi poneke xihangu, ti dya ni mirhi ya n'wina hinkwayo leyi hlukeke enhoveni.

Amosi 7:4

Kutani HOSI N'wini wa hinkwaswo a tlhela a ndzi komba leswi hi xivono: A a ri karhi a tilulamisela ku tshinya vanhu hi ndzilo, wu phyisa xidziva lexikulu ehansi ka misava, kutani wu sungula ni ku herisa tiko.

Yeremiya 5:17

Va ta onha leswi mi swi tshoveleke emasin'wini, va dya ni vuswa bya n'wina. Va ta dlaya vana va n'wina va xinuna ni va xisati, va tlhava swifuwo swa n'wina leswikulu ni leswitsongo. Va ta tsema mirhi ya n'wina ya vhinya ni ya minkuwa, va mbundzumuxa miti ya n'wina ya makhokholo, leyi a mi titwa mi hlayisekile eka yona.”

Pisalema 50:3

Xikwembu xa hina xa ta, xi nga ka xi nga miyeli; xi rhangeriwe hi ndzilo lowu pfurhaka swinene, xi rhendzeriwa hi xidzedze lexo chavisa.

Genesa 13:10

Kutani Lota a tlakusa mahlo, a vona leswaku tindhawu ta le nkoveni wa Yordani, ni ku ya fika eSowara, ti ni mati yo tala ku fana ni ntanga wa HOSI Xikwembu, ni tiko ra Egipta. (Enkarhini lowu, HOSI Xikwembu a xi nga si herisa muti wa Sodoma ni muti wa Gomora.)

Pisalema 97:3

Ndzilo wu xi rhangela emahlweni, wu herisa valala va xona matlhelo hinkwavo.

Esaya 9:18

Lavo homboloka va le ku pfurheni, ku fana ni mitwa ni swigatlu leswi herisiwaka hi ndzilo; va kota xihlahla xo tlhuma lexi tshwaka, musi wu tuvika wu ya henhla.

Esaya 9:19

Vukari bya HOSI ya matimba hinkwawo byi le ku hiseni ka tiko, vanhu va fana ni tihunyi leti hlanganyetiwaka! A ku na munhu la tsetselelaka makwavo,

Esaya 14:17

Xana a hi yena loyi a endleke leswaku misava yi hundzuka mananga, a herisa ni miti, a ala ni ku ntshunxa vabohiwa, xana?’

Esaya 15:6

Swinambyana swa Nimri swi phyile; byanyi byi omile, a ka ha hluki nchumu, ku pfumaleka ni xa rihlaza.

Ezekiele 36:35

Kutani va ta ku: ‘Tiko leri, a ri hundzukile mananga, kambe sweswi ri fana ni ntanga wa Edeni; miti ya rona a yi hirimuxiwile yi hundzuka marhumbi layo chavisa, kambe sweswi yi ni vanhu, i makhokholo!’

Esaya 33:4

kutani swilo swa vona swi phanghiwa wonge swi lo nghenela hi switsotso, vanhu va swi tlulela, wonge vo va tinjiya.

Habakuku 1:6

Ndzi yingiseni ke: Ndzi karhi ndza pfuxa Vakalediya, rixaka leri ro leva, ra xihatla. Va handzula mananga ma sala ma hlangana, va ya phangha matiko lama nga riki ya vona.