Yuwele 2:28 - BIBELE Mahungu Lamanene

²⁸ “Endzhaku ka sweswo, nkarhi wu ta fika lowu ndzi nga ta chela moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, lava dyuhaleke va n'wina va ta lorha milorho, vana va n'wina va majaha va ta vona swivono.

Xitsonga (Bibele)

²⁸ “Endzhaku ka sweswo, ndzi ta chela moya wa mina ehenhla ka nyama hinkwayo, ku ta profeta vana va n'wina va xinuna ni va xisati; swidyuhati swa n'wina swi ta lorha milorho, ni majaha ya n'wina ma vona mahlori.

Yuwele 2:28 Referans Kwoze

Ezekiele 39:29

Ndzi nga ka ndzi nga ha fularheli Vaisraele, hikuva ndzi ta va ndzi chululerile Moya wa mina ehenhla ka vona. Ndzi vula sweswo mina HOSI N'wini wa hinkwaswo!”

Timhaka 2:39

hikuva xitshembiso lexi xi endleriwe n'wina ni vana va n'wina, ni va le kule hinkwavo lava nga ta vitaniwa hi Hosi Xikwembu xa hina.”

Esaya 32:15

Kambe ku ta fika siku leri hi nga ta chululeriwa Moya lowu humaka ehenhla, kutani mananga ma ta hundzuka nsimu ya misava yo nona, kasi nsimu leyi nga ni misava leyo nona yi ta tlhuma hi mirhi ya mihandzu.

Esaya 44:3

Ndzi ta chululela mati etikweni leri nga ni torha, swinambyana swi ta hobomulana emisaveni leyi omeke; ndzi ta chululela Moya wa mina ehenhla ka vatukulu va n'wina, vana va n'wina, ndzi ta va katekisa.

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Swivuriso 1:23

Yingisani, ndzi mi laya mina vutlhari, ndzi lombeni tindleve ndzi mi tsundzuxa, ndzi mi byela leswi nga mbilwini ya mina.

Yohane 7:39

Hi ku vula sweswo, a a ringanisa Moya lowu lava pfumeleke eka yena va nga ta nyikiwa wona. Ku fikela nkarhi wolowo, Moya lowo Kwetsima a wu nga si nyikiwa, hikuva Yesu a a nga si tlakusiwa.

Timhaka 2:33

Sweswi ke ú tlakuriwile a ya evokweni ra xinene ra Xikwembu; ú amukele Moya lowo Kwetsima lowu tshembisiweke, wu nga lowu humaka ka Tatana, kutani ú cherile ehenhla ka hina leswi mi swi vonaka ni leswi mi swi twaka.

Luka 3:6

kutani munhu un'wana ni un'wana ú ta vona hilaha Xikwembu xi ponisaka vanhu hakona.’ ”

Vagalatiya 3:28

Hikokwalaho, a ku na Muyuda kumbe Mugriki, a ku na hlonga kumbe muntshunxeki, a ku na wanuna kumbe wansati, hikuva hinkwenu mi un'we eka Kriste Yesu.

Esaya 40:5

kutani ku dzuneka ka HOSI ku ta tikomba, vanhu hinkwavo va ta ku vona. Loyi a vulaka sweswo i HOSI Xikwembu hi xiviri.”

Tinhlayo 12:6

kutani xi ku ka vona: “Yingisani marito ya mina: Loko ku ri ni muprofeta exikarhi ka n'wina, mina HOSI Xikwembu ndzi tikomba eka yena hi xivono, ndzi vulavula na yena hi norho.

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Timhaka 21:9

A a ri ni vana va vanhwanyana va mune lava a va vula Rito.

Yeremiya 23:28

Munhu loyi a lorhaka, n'wi tshikeni a hlamusela milorho ya yena! Kambe muprofeta loyi mina ndzi n'wi rhumeke, a a hlamusele marito ya mina hi ku tshembeka, kutani mi ta vona ku tiya ka mhaka leyi nge: ‘Mungu ni mavele a swi hlangani!’

Esaya 54:13

Lava va ku akaka hi vuntshwa, va ta dyondzisiwa hi mina, ndzi ta va nyika minkateko ni ku rhula.

Luka 1:67

Kavaloko Zakariya tata wa yena a tala hi Moya lowo Kwetsima, a vulavula a ku:

Vaheveru 1:1

Hi minkarhi leyo tala ni tindlela leto tala, Xikwembu xi vulavurile khale na vatatana, hi milomo ya vaprofeta.

Tinhlayo 11:17

Mina ndzi ta rhelela ndzi ta vulavula na wena kona; ndzi ta hunguta moya lowu wu nga eka wena, ndzi avela vakulukumba lava, leswaku va ta ku pfuna ku rhwala ndzhwalo wa ku rhangela Vaisraele, kutani a wu nga ha wu rhwali u ri wexe.

1 SAMIELE 19:20

Kavaloko Sawulo a rhumela vanhu ku ya khoma Davhida. Loko varhumiwa lava va fika, va vona ntlawa wa vaprofeta lava a va ri eku vhumbheni, va rhangeriwile hi Samiele, kutani na vona va ngheniwa hi Moya wa Xikwembu, va sungula ku vhumbha.

1 SAMIELE 28:6

Kutani a vutisa mhaka leyi eka HOSI Xikwembu, kambe xona xi nga n'wi hlamuli, hambi hi norho, kumbe hi vuhlolotwana, kumbe hi vaprofeta.

Esaya 49:26

Lava va mi xanisaka, ndzi ta endla leswaku va dlayana hi xivona, va dakwa hi ngati ya va ka vona wonge hi loko yi ri vhinyo, kutani vanhu hinkwavo va ta swi tiva leswaku mina HOSI, ndzi muponisi wa n'wina, ni leswaku ndzi mukutsuri wa n'wina, ndzi ntamu wa va ka Yakobo.”

Yeremiya 23:25

Vaprofeta lava mina ndzi nga va rhumangiki, ndzi va twile loko va hemba va ku: ‘Hi lorhile! Hi lorhile!’

Ezekiele 36:27

Ndzi ta mi nyika moya wa mina, kutani wu ta mi fambisa etindleleni ta mina, wu mi dyondzisa ku hlayisa milawu ya mina.

Ezekiele 37:14

Ndzi ta mi nyika Moya wa mina, kutani mi ta kuma ku hanya; ndzi ta mi tshamisisa etikweni ra n'wina, kutani mi ta tiva leswaku loyi a mi tshembiseke swilo leswi a tlhela a swi endla, hi mina HOSI. Ndzi vula sweswo ndzi tiyisile!’ ”

Daniele 7:1

Hi lembe ro sungula ra ku fuma ka Belxatsara hosi ya le Babilona, Daniele loko a etlele, ú lorhile norho, a vona ni xivono, kutani a tsala norho wa kona ni timhaka ta wona,

1 SAMIELE 19:21

Loko Sawulo a byeriwa timhaka leti, a rhumela van'wana vanhu, kutani na vona va fika va sungula ku vhumbha. Sawulo a engeta a rhumela ntlawa wa vunharhu, na wona wu fika wu sungula ku vhumbha.