Tisani vukhume hinkwabyo endlwini ya vuhlayiselo, leswaku ku va ni swakudya eTempeleni ya mina. Kutani mina HOSI ya matimba hinkwawo ndzi ri: Ndzi ringeteni hi ndlela yeleyo, mi vona loko ndzi nga mi pfuleli mafasitere ya le tilweni, ndzi mi nisela minkateko hi ntalo.
HOSI yi vula sweswo, yi ri: “Vonani, masiku ma ta, lawa murimi ni mutshoveri va nga ta landzelelana emasin'wini, ni mubyari wa vhinya a nga ta landzelelana ni mukhi wa yona; tintshava ti ta mpfempfa vhinyo leyi nga si vilaka, ni swintshabyana hinkwaswo swi ta khuluka hi yona.
“Hi siku ra kona, tintshava ti ta pfempfa vhinyo yo nandziha; ntswamba wu ta khuluka eswintshabyanini, swinkobyana hinkwaswo swa tiko ra Yuda swi ta hobomulana. Endlwini ya mina HOSI, ku ta baleka nthavela, mati ma ta huma ma ya cheleta Nkova-wa-Xitimi.
Nghenisani rihwevo, hikuva nkarhi wa ku tshovela wu fikile. Nghenani mi pyanya, hikuva mihandzu ya vhinya yi tele ngopfu. Makhuwana a ma khape hi vhinyo, hikuva swidyoho swa vona swa chavisa!
Ntshovelo wa lembe rin'we, mi ta wu dya ku kondza ku fika ntshovelo wa lembe leri landzelaka; mi ta kala mi wu humesela eswitlatini leswaku mi ta kuma ndhawu ya ntshovelo lowuntshwa.
“Yingisani n'wina tintshava ta Israele: Mirhi ya n'wina yi ta phaka marhavi, yi tswala mihandzu leyi nga ta dyiwa hi Vaisraele vanhu va mina, hikuva va ta vuya ku nga ri khale.