Yuwele 2:21 - BIBELE Mahungu Lamanene

²¹ “N'wina masimu, mi nga chavi, tsakani, mi yimbelela, hikuva mina HOSI ndzi endlile swilo leswi hlamarisaka.

Xitsonga (Bibele)

²¹ “U nga chavi, wena misava; u tsaka, u tsaka ngopfu; hikuva Yehovha u ta endla leswikulu.

Yuwele 2:21 Referans Kwoze

Esaya 54:4

“U nga chavi, hikuva a wu nga ha khomiwi hi tingana; u nga tipandzisi nhloko, hikuva a wu nga ha vangeriwi leswi nga ta ku nyumisa; tingana leti u veke na tona loko wa ha ri ntsongo, u ta ti rivala, ni leswaku a wu hlekuriwa loko u nga ha ri na nuna, a wu nga ha swi tsundzuki.

Esaya 41:10

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

Yeremiya 33:3

‘Ndzi huweleleni, kutani ndzi ta mi hlamula, ndzi mi komba swilo leswikulu leswi tumbeleke, leswi ni ku swi tiva mi nga swi tiviki.

Esaya 35:1

Mananga ni tindhawu leti omeke swi ta tsaka, makwandzasi ma ta ba minkulungwana, ku ta mila swiluva swa nhova, swi baleka swinene,

1 SAMIELE 12:16

Loko swi ri tano, yimani mi hlalela mahlori lamakulu lawa HOSI Xikwembu xi nga ta ma endla emahlweni ka n'wina.

Zakariya 8:15

Kambe sweswi ndzi tilulamisele ku tlhela ndzi katekisa muti wa Yerusalema ni tiko ra Yuda; hikokwalaho mi nga tshuki mi chava!

Yuwele 2:20

“Lava taka hi le n'walungwini, ndzi ta va hlongola va ya kule na n'wina, ndzi ta va yisa emananga, etikweni leri omeke swinene. Lava rhangeke emahlweni, ndzi ta va byisela eLwandle-ra-ku-fa, lava saleke endzhaku ka vona, ndzi ta va nghenisa eLwandle-ra-Mediteraniya. Mintsumbu ya vona yi ta nun'hwa yi ku ngù-ngù-ngù, hikuva va mi hoxele ngopfu.

1 SAMIELE 12:24

Chavani HOSI Xikwembu, mi xi tirhela hi ku tshembeka, hi timbilu ta n'wina hinkwato, mi ri karhi mi anakanya mintirho ya xona ya matimba leyi xi mi endleleke yona.

Duteronoma 4:32

“Kambisisani swinene leswi humeleleke eminkarhini ya khale loko n'wina mi nga si va kona, mi sukela kwale sikwini leriya Xikwembu xi tumbuluxeke munhu emisaveni ha rona, mi kambisisa hinkwako ku ya fika evugimamusi. Xana swilo swo tano swi tshama swi humelela, kumbe ú kona loyi a nga tshama a twa swo fana ni leswi xana?

Pisalema 98:8

Milambu a yi phokotele mavoko, tintshava hinkwato a ti be minkulungwana,

Genesa 15:1

Endzhaku ka timhaka leti, HOSI Xikwembu xi tikomba eka Abrama hi ku vulavula na yena, xi ku: “Abrama, u nga chavi, hikuva hi mina xitlhangu xa wena; u ta va ni minkateko leyo tala!”

Hosiya 2:21

“Mina HOSI ndzi ri, eminkarhini yoleyo, ndzi ta hlamula! Ndzi ta vulavula ni matilo, matilo ma vulavula ni misava;

Esaya 44:23

N'wina matilo, yimbelelani, hikuva loyi a tirheke swilo leswi i HOSI Xikwembu; n'wina tindhawu leti nga marhumbyini ya misava, banani minkulungwana; sumani tinsimu mi yimbelela, n'wina tintshava, na n'wina swihlahla, yimbelelani ni mirhi ya n'wina hinkwayo, hikuva HOSI Xikwembu xi kutsurile va ka Yakobo, kutani xi ta dzunisiwa etikweni ra Israele.

Esaya 55:12

“Mi ta huma mi tsakile mi fambisiwa hi ku rhula; tintshava ni swintshabyana swi ta yimbelela swi ba minkulungwana emahlweni ka n'wina, mirhi hinkwayo yi ri karhi yi phokotela.

Pisalema 71:19

We Xikwembu, ku lulama ka wena i kukulu kukota matilo. U tirhile leswikulu ngopfu, ku hava loyi a ringanaka na wena we Xikwembu.

Yuwele 2:26

“Swakudya, mi ta dya mi tlhela mi nga ha swi lavi, kutani mi ta dzunisa vito ra mina HOSI Xikwembu xa n'wina, mina ndzi mi endleleke swilo swo hlamarisa; kutani vanhu va mina a va nga ha tlheli va khomiwa hi tingana, ni siku ni rin'we.