Yuwele 2:2 - BIBELE Mahungu Lamanene

² Siku ra kona ri to va ra munyama, ri to khwìxìì! ri ta va siku ra mapapa ni hunguva! Ku ni vanhu lavo tala va matimba, lava khubumeteke tintshava ku fana ni xinyami; vo fana na vona a va si tshama va voniwa, naswona endzhaku ka vona a ku nga ha voniwi vo tano, hilaha ku nga heriki.

Xitsonga (Bibele)

² siku ra munyama ni mihihi, siku ra mapapa ni tihunguva! Ra ta kukotisa loko vurhonga byi tshinelela byi ya emahlweni etintshaveni. Maswivo ku ta tiko lerikulu lera matimba, leri ku nga si vaka na rin'wana ni khale, na kona ku nga ka ku nga vi na rin'wana lero tano ku ya fika emakun'wini ya tinxaka.

Yuwele 2:2 Referans Kwoze

Yuwele 1:6

Tiko ra hina ri ngheneriwile hi vanhu va matimba, va ntsandza-vahlayi; meno ya vona ma fana ni ya tinghala, tinhlaya ta vona ti fana ni ta nghala ya nkati.

Yuwele 2:5

Loko va tlula-tlula etinhlohlorhini ta tintshava, va ni huwa yo fana ni ya makalichi, ni ya ku baleka ka tinhlahle ta ndzilo lowu hisaka byanyi bya tlhongwe; va fana ni vuthu ra matimba leri nga jamela ku lwa nyimpi.

Yuwele 2:25

Ndzi ta mi rihela malembe lawa tinjiya ta magerere ti mi karhateke ha wona, ni xijajani, ni mherhavunguvungu, ni xigon'wani, ri nga rona vuthu ra mina lerikulu, leri a ndzi mi rhumerile rona.

Yuwele 2:31

Dyambu ri ta fihliwa hi munyama, ni n'weti wu ta tshwuka ku fana ni ngati, siku lerikulu ro chavisa ra mina ri nga si fika.

Daniele 12:1

Munhu la ambaleke xiambalo xa ntsembyani a engeta a ku ka Daniele: “Enkarhini wolowo, ku ta humelela Mikaele, ntsumi leyikulu leyi yimelaka va ka n'wina etilweni; kutani ku ta va ni nkarhi wa maxangu lama nga si tshamaka ma humelela, himpfhuka vanhu va va kona emisaveni, naswona ma nge humeleli ku nga si fika masiku wolawo. Kutani hi kona ku nga ta kutsuriwa vamakwenu hinkwavo, lava mavito ya vona ma nga ta va ma tsariwile eka Buku ya vutomi.

Esaya 8:22

va languta ni le hansi, kambe va to vona gome, ni munyama, ni nhlomulo lowukulu; va ta khubumetiwa hi munyama lowo chavisa.

Esaya 5:30

Hi siku ra kona, va ta mpfhumpfhela Vaisraele, va ba huwa ku fana ni lwandle; loko munhu a languta etikweni, ú to vona munyama ni ku xaniseka ka vanhu ntsena, munyama wu ta siva ku vonakala.

Yuda 1:13

i magandlati yo leva ya lwandle; mintirho ya vona ya tingana yi tlutlha ku fana ni xikhuvi; i tinyeleti ta vurhurha-rhurha leti hlayiseriweke munyama lowukulu ngopfu, hilaha ku nga heriki.

Vaheveru 12:18

A mi tshinelelanga ntshava leyi khumbekaka, ni ndzilo lowu pfurhaka, ni munyama, ni hunguva, ni xidzedze, kukota Vaisraele.

Marka 13:19

Hikuva eminkarhini yoleyo, ku ta va ni nhlomulo lowu nga si tshamaka wu humelela, hi mpfhuka Xikwembu xi tumbuluxa hinkwaswo, ku fikela namuntlha; naswona nhlomulo lowo tano wu nga ka wu nga ha vi kona.

Amosi 4:13

Tivani leswi: Loyi a vumbeke tintshava, a tumbuluxeke ni mheho, loyi a tivisaka makungu ya yena eka vanhu, loyi a hundzulaka nhlekanhi wu va vusiku, loyi a famba-fambaka eswivandleni leswi tlakukeke swa misava, vito ra yena i HOSI, Xikwembu xa matimba hinkwawo.

Daniele 9:12

We HOSI, u hetisisile marito ya wena lawa u nga ma vula ehenhla ka hina ni le henhla ka lava va hi fambisaka, kutani u hi tisele ku xaniseka lokukulu ngopfu. Mhaka yo fana ni leyi yi humeleleke emutini wa Yerusalema, a yi si tshama yi va kona laha misaveni.

Yeremiya 13:16

Kombani xichavo eka HOSI Xikwembu xa n'wina xi nga si vanga munyama, mi nga si khuguriwa mi wa etintshaveni loko dyambu ri ya eku peleni. A mi languterile ku vonakala, kambe HOSI Xikwembu xi tisile vusiku, ni xinyami xa byona xo chavisa.

Pisalema 97:2

HOSI Xikwembu xi rhendzeriwe hi mapapa ya ntima ni munyama, masungulo ya vuhosi bya xona i nawu ni ku lulama.

Pisalema 10:6

Hi mbilu, ú ri: “A ku na lexi xi nga ta ndzi wisa; khombo ri nga ka ri nga ndzi weli, ni siku ni rin'we.”

Duteronoma 32:7

Tsundzukani minkarhi ya khale, mi anakanya lava hanyeke emalembeni lama hundzeke; vutisani vatata wa n'wina ni vakulukumba va ka n'wina, va ta mi byela, va mi dyondzisa.

Eksoda 20:21

Kutani Vaisraele va sala va yimile kule, Muxe yena a tshinela kusuhi ni papa ra ntima leri Xikwembu a xi ri endzeni ka rona.

Eksoda 10:14

Kutani tinjiya ti haha ti nghena etikweni ra Egipta, ti phatsama ematlhelweni hinkwawo ya rona. Tinjiya to tarisa sweswo a ti nga si tshama ti voniwa, naswona ti nga ka ti nga ha voniwi;

Eksoda 10:6

Tindlu ta wena, ni ta malandza ya wena, ni ta vanhu hinkwavo va Egipta, ti ta tala hi tinjiya leti hambi va ri vatata wa wena ni vakokwa wa wena va nga si ti vonaka, hi mpfhuka va velekiwa ku fikela namuntlha!’ ” Kutani Muxe a hundzuluka, a huma eka Faro.

Matewu 24:21

hikuva nhlomulo wu ta va lowukulu enkarhini wolowo; nhlomulo lowo tano a wu si va kona hi mpfhuka misava yi tumbulukile ku fikela namuntlha, naswona a wu nga ha vi kona ni siku ni rin'we.

Nhlavutelo 9:2

kutani yi pfula nomo wa khele ra kona, ku huma musi lowu fanaka ni musi wa xitiko lexikulu xa ndzilo. Dyambu ni mpfhuka swi siveka hi mhaka ya musi lowu tuvikaka hi le non'weni wa khele.

Swirilo 1:12

“N'wina hinkwenu vahundzi va ndlela, xana swilo leswi a swi vuli nchumu eka n'wina xana? Xiyaxiyani mi vona loko ku ri ni munhu la nga ni nhlomulo wo fana ni wa mina, lowu HOSI yi ndzi vangeleke wona siku leri yi ndzi hlundzukeleke ha rona.

Ezekiele 32:7

Siku ndzi ku herisaka, ndzi ta pfala tilo hi xinyami, ndzi tima ni tinyeleti; ndzi ta siva dyambu hi mapapa, n'weti a wu nga ha voningi.

Ezekiele 34:12

Swi nga endleka leswaku tinyimpfu tin'wana ti hambana ni ntlhambi ti ya lahleka; loko swi ri tano, munhu loyi a nga ku riseni esikwini rero, ú ta famba a ti lava. Hi mukhuva wolowo na mina ndzi ta famba ndzi lava tinyimpfu ta mina, ndzi ti humesa ematikweni hinkwawo lawa ti nga hangalasiwa ti ya ka wona, siku ti nga wela hi khombo ni xinyami.

Ezekiele 38:9

Wena ni masocha ya wena ni vanhu hinkwavo lava va ku seketelaka, mi ta kongoma etikweni ra Israele, mi ri ba kukota xihuhuri, mi ri khubumeta hi xinyami.

Yeremiya 13:6

Loko ku hundzile masiku layo tala, HOSI Xikwembu xi vulavula na mina xi ku: “Suka u ya eYufrata, u ya teka vamba leri ndzi nga ku lerisa leswaku u ya ri tumbeta kona.”

Yuwele 3:4

“Xana mi ni mhaka muni na mina, n'wina va le Tiri, ni va le Sidoni, ni va swifundzha hinkwaswo swa Vafilista, xana? Xana ku ni leswi mi rihiselaka swona eka mina xana? Loko swo va tano, hi ku copeta ka tihlo, leswi mi swi endlaka, ndzi ta hatla ndzi swi vuyisela eka n'wina,

Sofoniya 1:7

Miyelani emahlweni ka HOSI N'wini wa hinkwaswo, hikuva siku ra yena ri le kusuhi; ú lulamisile magandzelo, a hlawulekisa ni lava a va rhambeke.

Zakariya 14:6

Enkarhini wolowo a ku nga ha laveki ku vonakala ka dyambu, ni tinyeleti leto vangama ti ta timeka.