Yuwele 2:19 - BIBELE Mahungu Lamanene

¹⁹ HOSI Xikwembu xi hlamula vanhu va xona, xi ku: “Vonani, ndzi ta mi nyika mavele ni vhinyo ni mafurha, mi ta dya mi xurha. A ndzi nga ha mi vangeli ku sandziwa hi vamatiko.

Xitsonga (Bibele)

¹⁹ Yehovha u hlamulele tiko ra yena, a ku: “Vonani ndzi ta mi rhumela koro, ni dzova ra vhinyo, ni mafurha, kutani mi ta xurha hi swona; a ndzi nga ha mi endli lava sandziwaka exikarhi ka matiko.

Yuwele 2:19 Referans Kwoze

Ezekiele 34:29

Ndzi ta va nyika masimu lama tivekaka hi ku saseka ka wona, kutani a ku nga ha vi ni ndlala etikweni ra vona, naswona a va nga ha hlekuriwi hi vanhu va matiko man'wana.

Ezekiele 36:15

A ndzi nga ha pfumeleli vamatiko ku mi khomisa tingana, a mi nga ha soriwi hi vanhu va tinxaka tin'wana, naswona a mi nga ha phiji varikwenu va wela hansi. Ndzi vula sweswo mina HOSI N'wini wa hinkwaswo.’ ”

Matewu 6:33

Rhangani mi tilavela Mfumo wa yena ni ku lulama ka yena, kutani sweswo hinkwaswo mi ta engeteleriwa swona.

Yuwele 2:24

“Swivuya swi ta tala hi mavele, swibya swi ta khapa hi vhinyo ni mafurha.

Yeremiya 31:12

Va ka Yakobo va ta ta entshaveni ya Siyoni va ri karhi va yimbelela, va ta ba huwa ya ntsako; va ta tlangela vunene bya mina HOSI, hikuva ndzi ta va nyika mavele ni vhinyo ni mafurha, ndzi andzisa swifuwo swa vona leswikulu ni leswitsongo. Va ta hanya va tsakile, va nga ha twi torha, va fana ni ntanga lowu cheletiwaka.

Yuwele 1:10

Masimu ma onhiwile, misava ya kona yi le nkosini, hikuva mavele ma herisiwile, vhinyo a ya ha kumeki, ni mafurha ma nyamalala.

Hosiya 2:15

Ndzi ta n'wi tlherisela mitanga ya yena ya vhinyo kwale mananga, ndzi hundzula ni Nkova wa Akora wu va ‘Nyangwa-ya-ku-Tshemba’. Ú ta vulavula na mina ku fana ni loko a ha bomba xinhwana, eminkarhini leyi a humeke ha yona etikweni ra Egipta.

Ezekiele 39:29

Ndzi nga ka ndzi nga ha fularheli Vaisraele, hikuva ndzi ta va ndzi chululerile Moya wa mina ehenhla ka vona. Ndzi vula sweswo mina HOSI N'wini wa hinkwaswo!”

Levhitika 26:5

Ntshovelo wa n'wina wu ta va wu tele ngopfu: Hi nkarhi wo kha mihandzu ya vhinya, mi ta va ma ha hula koroni, kasi na yona vhinya mi ta yi kha ku kondza ku ya fika xirimo. Mi ta va mi tshamisekile, mi dya mi xurha.

Hosiya 2:21

“Mina HOSI ndzi ri, eminkarhini yoleyo, ndzi ta hlamula! Ndzi ta vulavula ni matilo, matilo ma vulavula ni misava;

Hosiya 2:22

misava yi ta vulavula ni mavele ni vhinyo ni mafurha, swona swi hlamula va le Yizriele.

Duteronoma 11:14

xi ta mi nisela mpfula etikweni ra n'wina hi nguva ya kona; leyo sungula yi ta na, hambi yi ri leyo tsema nguva, kutani mi ta pfuna mavele ni vhinyo ni mafurha.

Rhuti 1:6

Loko a ha ri etikweni ra Mowabu, Nahumi a twa leswaku HOSI Xikwembu xi pfunile tiko ra xona, xi ri phamela swakudya. Hikokwalaho a longa a ri ni vingi va yena, leswaku va ta suka etikweni ra Mowabu.

Ezekiele 36:29

Ndzi ta mi kutsula, mi hambana ni swilo hinkwaswo leswi a swi mi nyamisa. Ndzi ta mi nyika swakudya leswo tala, kutani a ku nga ha vi na ndlala etikweni ra n'wina.

Ezekiele 36:30

Mirhi ya n'wina yi ta veka mihandzu leyo tala, mi pfuna ni mavele, leswaku vamatiko va nga ha mi soli hi ku mi vona mi ri etindlaleni.

Zakariya 8:12

hikuva va ta rima, va byala mbewu hi ku rhula, mirhi ya vhinya yi tswala mihandzu. Misava yi ta humesa ntshovelo, matilo ma nisa mberha, kutani vanhu va mina lava poneke, va ta kuma swilo leswi hinkwaswo, swi va ndzhaka ya vona.