Yuwele 2:14 - BIBELE Mahungu Lamanene

¹⁴ A hi tivi, kumbexana Xikwembu xi nga tlhela emakungwini ya xona, xi mi avela minkateko ya xona, xi mi nyika mapa ni vhinyo ya magandzelo, mi swi humesela yona HOSI, Xikwembu xa n'wina.

Xitsonga (Bibele)

¹⁴ Ku tiva mani xana kumbe a nga ka a nga tlheri a rivalela, ni ku siya endzhaku ka yena ku kateka, ni mihlengo, ni magandzelo lama humeseriwaka Yehovha Xikwembu xa n'wina?

Yuwele 2:14 Referans Kwoze

Yonasi 3:9

A hi tivi, kumbexana Xikwembu xi nga hundzuluxa miehleketo ya xona, xi tlhela emakungwini ya xona, xi rheleta vukari bya xona, leswaku hi nga tshuki hi lova.”

Hagayi 2:19

Xana mbewu ya ha ri kona enguleni xana? Xana masimu ya vhinya, ni minkuwa, ni mirhi ya magrenada, ni mitlhwari, swa ha pfumala mihandzu ni sweswi ke? E-e! Ku sukela siku ra namuntlha, ndzi ta mi katekisa.”

Yuwele 1:13

N'wina vaprista, ambalani leswo khwaxa mi rila; banani nkalanga, n'wina vatirhi va le alitarini. Nghenani eTempeleni, mi rila vusiku hinkwabyo, n'wina mi tirhelaka Xikwembu xanga, hikuva mapa ya magandzelo ni vhinyo ya wona a swa ha yisiwi endlwini ya Xikwembu xa n'wina.

Sofoniya 2:3

Lavani HOSI Xikwembu, n'wina hinkwenu lava titsongahataka, n'wina mi endlaka ku rhandza ka xona; lavani leswo lulama, mi va ni xichavo, kumbe xana mi ta pona esikwini ra ku kariha ka HOSI.

Yonasi 1:6

Kutani mufambisi wa ngalava a ya eka Yonasi, a ku ka yena: “Swi lo yini? U etlelela yini? Pfuka u huwelela eka Xikwembu xa wena. Kumbexana Xikwembu lexi xi nga hi anakanya leswaku hi nga tshuki hi lova.”

Amosi 5:15

Vengani leswo biha, mi rhandza leswinene, mi avanyisa hi ku lulama etihubyeni ta n'wina, kutani kumbexana HOSI, Xikwembu xa matimba hinkwawo, xi ta mi tsetselela n'wina masalela ya Yosefa.

2 TIHOSI 19:4

Kumbexana HOSI Xikwembu xa wena xi twile marito hinkwawo ya Rhabi-Xake, loyi n'wini wa yena hosi ya le Asiriya yi n'wi rhumeke ku ta sandza Xikwembu lexi hanyaka. Kumbexana HOSI Xikwembu xa wena xi ta rihiseta marito lawa xi ma tweke. Hikokwalaho, khongelela vanhu va nga ri vangani lava saleke kwala.”

2 SAMIELE 12:22

Davhida a hlamula a ku: “Loko n'wana a ha hanya, a ndzi titsona swakudya, ndzi rila, hikuva a ndzi ku: ‘Kumbexana, HOSI Xikwembu xi nga ndzi twela vusiwana, leswaku n'wana a hanya.’

Eksoda 32:30

Siku leri tlhandlamaka, Muxe a byela Vaisraele, a ku: “Xidyoho lexi mi xi endleke i xikulu ngopfu. Kutani sweswi ndzi ta tlhandluka ndzi ya eka HOSI Xikwembu entshaveni; kumbexana ndzi nga mi kumela ku rivaleriwa ka xidyoho xa n'wina.”

2 Timotiya 2:25

a laya vakaneti va yena hi vukhwatsi; hikuva kumbexana Xikwembu xi nga endla leswaku va tisola va hundzuka, va fika laha va nga tivaka leswi nga ntiyiso.

Yuwele 1:16

Xana a hi ko ku hela ka swakudya, hi ri karhi hi swi vona, xana? Xana ku yimbelela ni ntsako, a swi helanga xana, endlwini ya Xikwembu xa hina ke?

Yuwele 1:9

Mapa ya magandzelo ni vhinyo ya wona, a swa ha ri kona endlwini ya HOSI Xikwembu, kutani vaprista, vona malandza ya HOSI, va le ku rileni.

Esaya 65:8

HOSI Xikwembu xi ri: “Loko xichocho xa mihandzu ya vhinya xa ha tsakama, vanhu va ri: ‘Mi nga xi cukumeti, hikuva xi nga ha humesa swo tsakisa.’ Na mina ndzi ta endlisa sweswo: Vanhu va mina, ndzi nga ka ndzi nga va cukumeti hinkwavo, hikuva exikarhi ka vona, ku ni malandza ya mina.

1 SAMIELE 6:5

Kutani mi fanela ku vumba swifaniso swa matshumba ya kona, ni swifaniso swa makondlo ya kona lama hlaselaka tiko, kutani mi dzunisa Xikwembu xa Israele. Kumbexana xi ta tshika ku mi ba hi nkhavi wa xona, n'wina ni swikwembu swa n'wina ni tiko ra ka n'wina.

Yoxuwa 14:12

Kutani sweswi, tiko leri ra laha magangeni, leri HOSI Xikwembu xi vulavuleke ha rona, ndzi nyike rona. U swi twile leswaku Vaanaka va tshama eka rona emitini leyikulu ya makhokholo; kumbexana HOSI Xikwembu xi ta va na mina ndzi kota ku va hlongola va suka, hilaha xi vuleke hakona.”

Yeremiya 26:3

Kumbexana va ta yingisa va hundzuka, hinkwavo va tshika mintirho ya vona leyo homboloka, kutani na mina ndzi ta tshika makungu ya mina ya ku va herisa, lama vangiweke hi mintirho ya vona leyo biha.

Yeremiya 18:8

Loko vanhu va kona va tisola va tshika vubihi bya vona, na mina ndzi ta tshika makungu ya mina ya ku va vangela makhombo.

Yeremiya 26:13

Hikokwalaho, hundzukani mi lulamisa mahanyelo ya n'wina ni swiendlo swa n'wina, mi yingisa leswi HOSI Xikwembu xa n'wina xi mi byelaka swona, kutani xona xi ta tshika makungu ya xona ya ku mi ba, lawa xi mi tiviseke wona.

2 SAMIELE 16:12

Kumbexana HOSI Xikwembu xi ta vona ku xaniseka ka mina, xi ndzi nyika leswo saseka, ematshan'weni ya nhlambha leyi.”