Yuwele 2:12 - BIBELE Mahungu Lamanene

¹² HOSI Xikwembu xi vula sweswo xi ri: “Hambi ku ri sweswi, mi nga ha vuyela eka mina hi timbilu ta n'wina hinkwato, mi titsona, mi rila mi khavaxela.”

Xitsonga (Bibele)

¹² “Hambi ku ri namuntlha,” ku vula Yehovha, “vuyani eka mina hi timbilu ta n'wina hinkwato, mi titsona swakudya, mi rila, mi tiba swifuva.

Yuwele 2:12 Referans Kwoze

Hosiya 12:6

Hi sweswo ke na n'wina, Xikwembu xa n'wina xi ta mi pfuna ku tlhelela eka xona; tinyiketeleni ku rhandza van'wana ni ku avanyisa hi ku lulama, mi nga karhali ku langutela Xikwembu xa n'wina.

Yeremiya 4:1

HOSI Xikwembu xi vula sweswo xi ri: “Wena Israele, loko u tiyimisele ku hundzuka, hundzuka u vuyela eka mina. Loko u hambana ni swikwembu swa wena swa manyala, u nga ka u nga tsekatseki emahlweni ka mina.

Hosiya 6:1

“Tanani, hi tlhelela eka HOSI Xikwembu; leswi xi hi handzuleleke, xi ta hi horisa, timbanga leti xi hi boxeke tona, xi ta ti bohelela.

1 SAMIELE 7:6

Loko va hlengeletanile eMispa, va ka mati, kutani va ma halata emahlweni ka HOSI Xikwembu; va titsona swakudya siku rero va ri endhawini yoleyo, kutani va tisola va ku: “Hi dyoherile HOSI.” (Emutini wa Mispa, hi kona laha Samiele a a tolovele ku avanyisa timhaka ta Vaisraele a ri kona.)

1 SAMIELE 7:3

Kutani Samiele a khongotela vanhu hinkwavo va Israele, a ku: “Loko hakunene mi tlhelela eka HOSI hi timbilu ta n'wina hinkwato, cukumetani swikwembu swa vamatiko ni swifaniso swa Astarte xikwembukazi; namarhelani HOSI hi timbilu ta n'wina hinkwato, mi tirhela yona ntsena, kutani yona yi ta mi kutsula emavokweni ya Vafilista.”

Timhaka 26:20

Ndzi sungurile hi va le Damaska ni va le Yerusalema, ndzi ya emahlweni etikweni hinkwaro ra Yudiya, ni le ka vamatiko, ndzi ri karhi ndzi va khongotela ku hundzuka, va tlhelela eka Xikwembu, kutani va tirha mintirho leyi fambelanaka ni ku hundzuka ka vona.

Hosiya 14:1

N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.

Vaavanyisi 20:26

Kavaloko vavanuna hinkwavo va mavuthu ya Vaisraele va tlhandluka va kongoma eBetele, va fika va tshama, va rila emahlweni ka HOSI Xikwembu, va nga dyi nchumu siku hinkwaro dyambu ri kondza ri ya pela, va ri karhi va humesela HOSI Xikwembu magandzelo lama hisiwaka, ni ya xinakulobye.

Zakariya 7:3

naswona va va lerisile ku ya vutisa vaprista lava tirhaka eTempeleni, va vutisa ni vaprofeta xivutiso lexi nge: “Xana ha ha fanele ku rila ni ku titsona swakudya hi n'hweti ya vu ntlhanu, ku fana ni leswi a hi endlisa swona emalembeni layo tala lama hundzeke xana?”

Esaya 22:12

Enkarhini wolowo, HOSI ya matimba hinkwawo, N'wini wa hinkwaswo, a a langutela leswaku mi ta rila nkosi, mi byewula tinhloko, mi ambala swiambalo leswo khwaxa.

Zakariya 7:5

leswaku ndzi ma fikisa eka vaaki hinkwavo va tiko ni ka vaprista, hi lawa: “Hi n'hweti ya vuntlhanu ni ya vu-7, emalembeni ya 70 lama hundzeke, loko mi rila ni ku titsona swakudya, a mi nga endleli mina!

Estere 4:16

“Yana u ya hlengeleta Vayuda hinkwavo lava nga Xuxani, kutani mi titsona swakudya masiku manharhu mi ndzi khongelela, mi nga dyi nchumu mi nga nwi nchumu vusiku ni nhlekanhi. Mina ni malandza ya mina ya xisati, na hina hi ta titsona swakudya. Endzhaku ka sweswo ndzi ta ya eka hosi, hambileswi nawu wu alaka. Loko swi vula ku fa, ndzi ta fa.”

Esaya 58:4

Loko mi titsona, ma holova, mi lwa, mi banana hi swibakela, Hikokwalaho, xikhongelo xa n'wina esikwini ro tano ra ku titsona swakudya, a xi fiki eka mina etilweni!

Yeremiya 4:2

Loko u hlambanya hi ntiyiso ni ku lulama u nga hembi, kutani u ku: ‘HOSI Xikwembu xi kona!’ na vona vamatiko va ta kombela leswaku ndzi va katekisa kutani va ta titsakela eka mina.”

Ezekiele 33:11

Va byele leswaku mina HOSI N'wini wa hinkwaswo ndzi tibohile hi ku hlambanya ndzi ri: A ndzi tsakeli rifu ra mudyohi, kambe ndzi lava leswaku a hundzuka etindleleni ta yena leto homboloka, kutani a kuma ku hanya. Hikokwalaho, n'wina Vaisraele, hundzukani! Ina, hundzukani, mi tshika tindlela ta n'wina leto biha. Hikwalaho ka yini mi lava ku tivangela rifu xana?

Daniele 9:3

“Kutani ndzi hundzuluka ndzi languta eka Xikwembu N'wini wanga, ndzi huwelela eka xona ndzi rila ndzi ri karhi ndzi titsona swakudya, ndzi ambele leswo khwaxa, ndzi tichele ni nkuma enhlokweni.

Malakiya 1:9

Loko mi humesa tinyiko to tano, mi ri karhi mi kombela leswaku ndzi mi tsetselela, mina HOSI ya matimba hinkwawo, ndzi nga ka ndzi nga mi katekisi!

Eksoda 33:5

HOSI Xikwembu a xi byerile Muxe xi ku: “Tivisa Vaisraele leswaku ndzi ri: ‘Mi vanhu lava omeke tinhloko; loko ndzo tshuka ndzi fambile na n'wina nkarhinyana, ndzi nga mi herisela makumu. Hikokwalaho, hluvulani leswi mi tibombisaka ha swona, mina ndzi ta vona leswi ndzi nga ta endla swona hi n'wina.’ ”

Vaavanyisi 2:4

Loko ntsumi ya HOSI Xikwembu yi byerile Vaisraele emarito lawa, hinkwavo va sungula ku rila.

2 SAMIELE 24:10

Endzhaku ka loko Davhida a hlayile vanhu, a biwa hi ripfalo, kutani a ku ka HOSI Xikwembu: “Ndzi dyohe ngopfu eka leswi ndzi swi endleke, kambe sweswi, we HOSI Xikwembu, ndzi kombela leswaku u susa nandzu wa mina nandza wa wena; hikuva leswi ndzi swi endleke i vuphukuphuku lebyikulu!”

2 TIKRONIKA 6:27

va yingise u ri ematilweni, u va rivalela ku dyoha ka vona, vona malandza ya wena va nga Vaisraele vanhu va wena. Naswona u va dyondzisa ndlela leyinene leyi va nga ta hanya ha yona, kutani u nisa mpfula etikweni leri u ri nyikeke vanhu va wena leswaku ri va ndzhaka ya vona.

2 TIKRONIKA 30:6

Kutani ku rhumiwa tintsumi, ti ya hi ku tsutsuma ematlhelweni hinkwawo ya tiko ra Israele ni ra Yuda, ti ri na mapapila lama tsariweke hi vito ra hosi Hezekiya ni tindhuna ta yena. Emapapileni lawa, hosi Hezekiya a a vula leswi: “N'wina vanhu va Israele, vuyelani eka HOSI, Xikwembu xa Abrahama na Isaka na Yakobo, kutani na xona xi ta vuyela eka n'wina. N'wina mi poneke etinyimpini ta hosi ya Vaasiriya, a ma ha talanga.

Yeremiya 3:22

Xona xa va khongotela, xi ri: “Ndzi vulavula na n'wina vanhu vo ka va nga tshembeki, ndzi ri, vuyelani eka mina, ndzi ta mi horisa evuvabyini bya n'wina bya ku tiarisa.” Vanhu va hlamula va ku: “Hi hina lava, hi ta ka wena, we HOSI, hikuva hi wena ntsena u nga Xikwembu xa hina.

Yeremiya 36:7

Kumbexana vanhu lava va ta hundzuka etindleleni ta vona leto homboloka, kutani va ya rila eka HOSI Xikwembu, hikuva xona xi vurile leswaku xi lava ku va ba hi vukari bya xona lebyikulu byo chavisa.”

Hosiya 12:7

Muxavisi loyi a tirhisaka mimpimo leyi nga riki yona, ú tsakela ku xisa vanhu.

Yuwele 1:13

N'wina vaprista, ambalani leswo khwaxa mi rila; banani nkalanga, n'wina vatirhi va le alitarini. Nghenani eTempeleni, mi rila vusiku hinkwabyo, n'wina mi tirhelaka Xikwembu xanga, hikuva mapa ya magandzelo ni vhinyo ya wona a swa ha yisiwi endlwini ya Xikwembu xa n'wina.