Yuwele 2:11 - BIBELE Mahungu Lamanene

¹¹ Emahlweni ka mavuthu ya xona, HOSI Xikwembu xo huwelela kunene, hikuva vandla ra xona ri kurile ku tlula mpimo, ri ni matimba, vandla leri ri endlaka swileriso swa xona. Siku ra HOSI i rikulu, ra chavisa; xana ri ta tiyeriwa hi mani xana?

Xitsonga (Bibele)

¹¹ Kutani Yehovha a pfumisa rito ra yena emahlweni ka vandla ra yena, hikuva magovela ya yena hi lamakulu ngopfu, ni muheti wa rito ra yena u ni matimba; hikuva siku ra Yehovha hi lerikulu, ra chavisa, i mani la nga ri tiyelaka?

Yuwele 2:11 Referans Kwoze

Malakiya 3:2

Kambe xana i mani la nga tiyelaka siku ra ku ta ka yena, naswona, i mani la nga yimaka emahlweni ka yena loko a humelela xana? La taka, ú fana ni ndzilo wa mufuri ni xisibi xa muhlantswi.

Nahume 1:6

Xana i mani la nga tiyaka emahlweni ka vukari bya yona xana? Ku hlundzuka ka yona loku pfurhaka, ku nga tiyela hi mani xana? Vukari bya yona bya hangalaka ku fana ni ritshwa, maribye ma fayeka loko yi humelela.

Nhlavutelo 18:8

Hikwalaho ka swona, mintungu hinkwayo yi ta n'wi wela henhla hi siku rin'we, a kuma mavabyi yo chavisa, ni mahlomulo, ni ku sika, kutani ú ta hisiwa hi ndzilo, hikuva Hosi Xikwembu, muavanyisi wa yena, xi ni matimba lamakulu.”

Nhlavutelo 6:17

Hikuva siku lerikulu ra vukari bya vona ri fikile, kutani i mani loyi a nga ri tiyelaka xana?”

Yuwele 3:16

HOSI Xikwembu xi bonga eSiyoni, rito ra xona ri duma ri huma eYerusalema, kutani matilo ni misava swa tsekatseka. Kambe HOSI Xikwembu i vutumbelo bya vanhu va xona, hi xona xi nga khokholo ra Vaisraele.

Yeremiya 30:7

Nkarhi wa maxangu lamakulu wa ta, a ku si humelela wo fana na wona. I nkarhi wa ku xaniseka ka va ka Yakobo, kambe eku heteleleni va ta ponisiwa eka wona.

Pisalema 46:6

Matiko ma ba huwa, mimfumo yi tlula-tlula, kambe loko Xikwembu xi tlakusa rito, misava ya n'oka.

Amosi 5:20

Siku ra HOSI ri tisa munyama hakunene, ku nga ri ku vonakala, ri ta va ri lo khwìxìì, ri pfumala ni ku vangama.

Yuwele 1:15

Yo! Siku ra kona! Siku ra HOSI ri le kusuhi; ra ta siku leri Xikwembu-xa-matimba-hinkwawo xi nga ta herisa swilo ha rona.

Yeremiya 50:34

Kambe mukutsuri wa vona a nga tsekatseki, yena la vuriwaka HOSI ya matimba hinkwawo. Ú ta yima na vona a va lwela, leswaku tiko ra vona ri kuma ku rhula, kambe ú ta pfuxa mikitsikitsi exikarhi ka va le Babilona.”

Esaya 42:13

HOSI Xikwembu xi fana ni nhenha leyi humaka nyimpi, xi kombisa vukari bya xona kukota nghwazi; xa huwelela xi ba huwa leyikulu, xi komba matimba ya xona emahlweni ka valala va xona.

Esaya 13:4

Rhiyani ndleve mi twa mpfumawulo wa mintshungu leyikulu leyi nga tintshaveni; twanani huwa ya tihosi ni vanhu va tona lava hlengeletaneke! HOSI ya matimba hinkwawo yi le ku vitaneni ka mavuthu lama nga ta ya enyimpini.

Tinhlayo 24:23

Kutani Balaama a ya emahlweni ni ku tlhokovetsela a ku: “Yo! I vamani lava taka va huma en'walungwini ke?

Yuwele 2:31

Dyambu ri ta fihliwa hi munyama, ni n'weti wu ta tshwuka ku fana ni ngati, siku lerikulu ro chavisa ra mina ri nga si fika.

Yeremiya 25:30

HOSI Xikwembu xi engeta xi vulavula na mina xi ku: “Famba u ya va byela marito hinkwawo lawa ya nge: “ ‘HOSI Xikwembu xi huwelela xi ri henhla ematilweni, xi twarisa rito ra xona xi ri evutshan'wini bya xona lebyo hlawuleka; xi tshinya vanhu va xona, xi ba huwa kukota loko va ri eku tshoveleni ensin'wini ya vhinya; huwa ya kona yi fika etindleveni ta vaaki hinkwavo va misava,

Amosi 5:18

Mi ni khombo, n'wina mi navelaka siku ra HOSI! Xana mi ri lavela yini siku leri xana? Eka n'wina, ri ta va siku ra munyama, ku nga ri ra ku vonakala.

Amosi 1:2

Kutani Amosi a ku: “HOSI Xikwembu xi bonga eSiyoni, rito ra xona ri duma ri huma eYerusalema, kutani lomu varisi va dyiselaka kona, ka tshwa, swimila swi vuna enhlohlorhini ya ntshava ya Karmele.”

Yuwele 2:25

Ndzi ta mi rihela malembe lawa tinjiya ta magerere ti mi karhateke ha wona, ni xijajani, ni mherhavunguvungu, ni xigon'wani, ri nga rona vuthu ra mina lerikulu, leri a ndzi mi rhumerile rona.

Ezekiele 22:14

Siku ndzi nghenaka etimhakeni ta wena, a wu nga ha vi na matimba, a wu nga ha titshembi, hikuva ku ta tirha mina! Ndzi vula sweswo mina HOSI.

Esaya 7:18

“Enkarhini wolowo, HOSI Xikwembu xi ta ba khwela xi vitana mabawa lama nga laha swinambyana swa Egipta swi sukelaka kona, xi vitana ni tinyoxi leti nga tikweni ra Asiriya.

1 Vatesalonika 4:16

hikuva Hosi hi xiviri xa yona yi ta xika hi le tilweni, hi mpfumawulo wa rito ra ku lerisa, hi ku huwelela ka ndhuna ya tintsumi, ni ku ba ka mhalamhala ya Xikwembu, kutani lava feleke ka Kriste, va ta rhanga va pfuka eku feni;

Yuwele 1:6

Tiko ra hina ri ngheneriwile hi vanhu va matimba, va ntsandza-vahlayi; meno ya vona ma fana ni ya tinghala, tinhlaya ta vona ti fana ni ta nghala ya nkati.

Yuwele 2:1

Banani mhalamhala eSiyoni, yi mbvungunyiseni entshaveni leyo hlawuleka ya HOSI! Vaaki hinkwavo va tiko a va rhurhumele, hikuva siku ra HOSI ra ta, ri kwala kusuhi.

Yuwele 2:2

Siku ra kona ri to va ra munyama, ri to khwìxìì! ri ta va siku ra mapapa ni hunguva! Ku ni vanhu lavo tala va matimba, lava khubumeteke tintshava ku fana ni xinyami; vo fana na vona a va si tshama va voniwa, naswona endzhaku ka vona a ku nga ha voniwi vo tano, hilaha ku nga heriki.

Yuwele 3:14

Vanhu i mintshungu ni mintshungu, enkoveni lowu timhaka ti tsemiwaka eka wona, hikuva siku ra mina HOSI ri le kusuhi, ri ta fika enkoveni lowu.

Obadiya 1:15

“Siku leri mina HOSI ndzi nga ta avanyisa vanhu va matiko hinkwawo, ri tshinele. N'wina vamatiko, leswi mi swi endleke va ka Yakobo, mi ta endliwa swona na n'wina.

Pisalema 18:14

HOSI yi copa valala hi miseve ya yona, yi va hangalasa, yi vangamisa rihati, yi va hlanganisa tinhloko.

Pisalema 68:18

We Xikwembu, u tlhandlukele entshaveni leyo leha u ri karhi u fambisa lava u va khomeke enyimpini; u amukerile tinyiko eka vanhu, hambi ti ri ta lava tiarisaka, kutani u ta tshama exivandleni xexo we Xikwembu.