Yuwele 1:8 - BIBELE Mahungu Lamanene

⁸ Rilani ku fana ni nhwana la ambaleke leswo khwaxa, a rila jaha ra yena.

Xitsonga (Bibele)

⁸ U kolola kukota wanhwana la ambaleke xuka ro khwaxa, a rilela nuna wa vuntshwa bya yena!

Yuwele 1:8 Referans Kwoze

Esaya 22:12

Enkarhini wolowo, HOSI ya matimba hinkwawo, N'wini wa hinkwaswo, a a langutela leswaku mi ta rila nkosi, mi byewula tinhloko, mi ambala swiambalo leswo khwaxa.

Malakiya 2:15

Xana Xikwembu a xi mi hlanganisanga, mi va miri wun'we ni moya wun'we xana? Kutani leswi mi endliweke miri wun'we, xana mi lava yini, loko ku nga ri ku nyikiwa vana hi Xikwembu xana? Hikokwalaho wena tivonele, u tshembeka eka nsati loyi u n'wi tekeke wa ha ri jaha.

Yakobo 5:1

Twanani ke, n'wina lava fuweke: Mi fanele ku rila mi kolola hikwalaho ka mahlomulo lama nga ta mi humelela.

Amosi 8:10

Ndzi ta hundzula minkhuvo ya n'wina yi va minkosi, ni tinsimu ta n'wina hinkwato ti va ta swirilo; ndzi ta mi ambexa leswo khwaxa hinkwenu, ndzi mi byewula ni tinhloko. Siku ra kona, ndzi ta ri endla ri fana ni ra ku rila n'wana un'we wa xinuna; eku heteleleni, ku ta sala mbitsi ntsena.”

Yeremiya 3:4

A hi khale u ndzi vurile tata wa wena, naswona u ndzi vurile nakuloni ku sukela evuntshweni bya wena.

Esaya 32:11

Rhurhumelani, n'wina vavasati lava titwaka va tshamisekile, n'wina mi nga vileriki ha nchumu, hluvulani swiambalo hinkwaswo, mi teka leswo khwaxa mi ambala swona.

Swivuriso 2:17

la tshikeke loyi a n'wi tekeke evuntshweni bya yena, a tshova ntwanano wa yena ni Xikwembu xa yena.

Swirilo 1:4

Magondzo lama yaka eSiyoni ma rila, hikuva ku pfumaleka ni un'we wo ta eminkhubyeni. Tinyangwa ta Yerusalema a ta ha pfhumbi, vaprista va kona va konya; vanhwana na vona va xanisiwa: Nhlomulo wa muti lowu a hi ku kula ka wona!