Yuwele 1:4 - BIBELE Mahungu Lamanene

⁴ Leswi siyeke hi xigon'wani, swi dyiwile hi magerere. Leswi magerere ma swi siyeke, xijajani xi dyile, kutani leswi siyeke hi xijajani, swi dyiwile hi mherhavunguvungu.

Xitsonga (Bibele)

⁴ Leswi siyiweke hi timhera, swi phorhiwile hi njiya; leswi siyiweke hi njiya, swi dyiwile hi magerere; leswi siyiweke hi magerere, swi phorhiwile hi swidzedzane.

Yuwele 1:4 Referans Kwoze

Yuwele 2:25

Ndzi ta mi rihela malembe lawa tinjiya ta magerere ti mi karhateke ha wona, ni xijajani, ni mherhavunguvungu, ni xigon'wani, ri nga rona vuthu ra mina lerikulu, leri a ndzi mi rhumerile rona.

Amosi 4:9

“Ndzi mi vangele mumu ni tshone, mintanga ya n'wina ni masimu ya vhinya swi vuna, tinjiya ti dya mirhi ya n'wina ya minkuwa ni mitlhwari; kambe hambiswiritano, a mi tlhelelanga eka mina.” HOSI yi vula sweswo.

Amosi 7:1

Kutani HOSI N'wini wa hinkwaswo a ndzi komba leswi hi xivono: A a ri karhi a vanga tinjiya, ti tlhotlhorhiwa hi nkarhi lowu byanyi a byi sungula ku hluka, endzhaku ka loko byi rhangile byi kutleriwa swifuwo swa hosi.

Esaya 33:4

kutani swilo swa vona swi phanghiwa wonge swi lo nghenela hi switsotso, vanhu va swi tlulela, wonge vo va tinjiya.

Pisalema 78:46

Hinkwaswo leswi va swi byaleke emasin'wini ya vona, xi swi nyiketile tinjiya ni swivungu swi dya.

Eksoda 10:4

Loko u ala ku tshika vanhu va mina va famba, tiva leswaku mundzuku ndzi ta tisa tinjiya ematlhelweni hinkwawo ya tiko ra wena.

Yeremiya 51:14

HOSI ya matimba hinkwawo yi hlambanyile yi ku: “Valala lava ndzi nga ta ku rhumela vona, hakunene va ta ringana ni tinjiya hi ku tala, va ta ba huwa va giya, hileswi va ku hluleke.”

Pisalema 105:34

Xi lerisa, kutani ku humelela tinjiya ta magerere, ku landza ta swigon'wana ti siva dyambu hi ku tala,

2 TIKRONIKA 7:13

Nkarhi wun'wana ndzi nga pfala matilo, mpfula yi nga ha ni, kumbe ndzi lerisa tinjiya ti onha masimu, kumbe ndzi vanga mintungu exikarhi ka vanhu va mina.

Duteronoma 28:38

“Emasin'wini ya n'wina, mi ta haxa mbewu yo tala, kambe a mi nga tshoveli swo tivikana, hikuva tinjiya ti ta va ti herisile swimila.

Yeremiya 51:27

N'wina valala va Babilona, tlakusani mijeko, mi ba mhalamhala mi vitana vamatiko; va rhambeni va ya hlasela Babilona, mi rhamba ni matiko lawa: Ararata, na Mini, na Axikenazi. Hlawulani mufambisi wa mavuthu, mi tisa ni tihanci, ti tala kukota tinjiya leti hahaka.

1 TIHOSI 8:37

“Nkarhi wun'wana, tiko ri nga wela hi dyandza kumbe ntungu, swimila swi tshwa hi mumu, kumbe swi dyiwa hi mati, kumbe swi hlaseriwa hi tinjiya ni mbhindzula; nkarhi wun'wana, Vaisraele va ta rhendzeriwa hi valala emindzilekaneni ya tiko ra vona, kumbe va ta wela hi mintungu ni mavabyi ya tinxaka-xaka.

2 TIKRONIKA 6:28

“Nkarhi wun'wana, tiko ri nga wela hi dyandza, kumbe ntungu, swimila swi tshwa hi mumu, kumbe swi dyiwa hi mati, kumbe swi hlaseriwa hi tinjiya ni mbhindzula; nkarhi wun'wana, Vaisraele va ta karhatiwa hi valala emindzilekaneni ya tiko ra vona, kumbe va ta wela hi mintungu ni mavabyi ya tinxaka-xaka.

Duteronoma 28:42

Mirhi ya n'wina hinkwayo ni hinkwaswo leswi milaka emasin'wini ya n'wina, swi ta va swa tinjiya.

Eksoda 10:5

Tinjiya leti ti ta funengeta hinkwako laha hansi, ku sala ku nga ha vonaki; ti ta dya swilo swa n'wina leswi poneke xihangu, ti dya ni mirhi ya n'wina hinkwayo leyi hlukeke enhoveni.

Malakiya 3:11

Ndzi ta sivela tinjiya, leswaku ti nga mi dyeli leswi milaka emasin'wini ya n'wina; ni mirhi ya n'wina ya vhinya a yi nga tshiki ku tswala. Ndzi vula sweswo mina HOSI ya matimba hinkwawo.