Yuwele 1:14 - BIBELE Mahungu Lamanene

¹⁴ Tilulamiseleni siku ra ku titsona swakudya, mi vitana nhlengeletano leyo hlawuleka. Vitanani vakulukumba, ni vaaki hinkwavo va tiko, va ta endlwini ya HOSI Xikwembu xa n'wina, kutani mi huwelela eka xona.

Xitsonga (Bibele)

¹⁴ Lerisani siku ra ku titsona swakudya, mi rhamba nhlengeletano! Hlengeletani vakulukumba ni vaaki hinkwavo va tiko, va ta endlwini ya Yehovha, Xikwembu xa n'wina, mi huwelela eka Yehovha, mi ku: “Yo! Siku leri!”

Yuwele 1:14 Referans Kwoze

Yonasi 3:8

Vanhu a va ambale leswo khwaxa kun'we ni swifuwo swa vona, kutani va khongela Xikwembu hi matimba. Un'wana ni un'wana a a hundzuke emikhuveni ya yena leyo biha, a tshika vugevenga lebyi a nga na byona embilwini.

2 TIKRONIKA 20:13

Vavanuna hinkwavo va ka Yuda a va yimile emahlweni ka HOSI Xikwembu, va ri ni vasati va vona, ni vana va vona lavakulu ni lavatsongo.

Levhitika 23:36

Emasikwini lawa ya 7 ya nkhuvo, mi fanele ku ndzi humesela magandzelo. Hi siku ra vu-8, mi ta tlhela mi hlengeletana mi ndzi gandzela, mi ndzi humesela ni magandzelo. Siku leri ra vu-8 i ra nhlengeletano leyo hlawuleka: Mi nga tshuki mi tirha ntirho na wun'we lowu tikaka.

Nehemiya 8:18

Siku rin'wana ni rin'wana ku sukela eka siku ro sungula, ku ya fika eka lero hetelela a va hamba va hlayeriwa buku ya Nawu wa Xikwembu. Nkhuvo wu hetile masiku ya 7, kutani hi siku ra vu-8 va hlengeletana va gandzela Xikwembu hilaha swi lerisiweke hakona.

2 TIHOSI 10:20

Kutani Yehu a lerisa a ku: “A ku hlawuriwe siku leri ku nga ta gandzeriwa Baali ntsena.” Kutani siku ri vekiwa.

Estere 4:16

“Yana u ya hlengeleta Vayuda hinkwavo lava nga Xuxani, kutani mi titsona swakudya masiku manharhu mi ndzi khongelela, mi nga dyi nchumu mi nga nwi nchumu vusiku ni nhlekanhi. Mina ni malandza ya mina ya xisati, na hina hi ta titsona swakudya. Endzhaku ka sweswo ndzi ta ya eka hosi, hambileswi nawu wu alaka. Loko swi vula ku fa, ndzi ta fa.”

Yeremiya 36:9

Hi n'hweti ya vu-9 ya lembe ra vuntlhanu ra ku fuma ka Yoyakimi n'wana Yosiyasi hosi ya Yuda, vaaki hinkwavo va Yerusalema ni vanhu hinkwavo lava humeke emitini ya Yuda va ya eYerusalema, va vekeriwa siku ra ku titsona swakudya emahlweni ka HOSI Xikwembu.

Yuwele 1:2

Yingisani mhaka leyi, n'wina vakulukumba, hinkwenu vaaki va tiko, rhiyani tindleve! Hi mpfhuka xa loko mi velekiwile, kumbe eminkarhini ya vatata wa n'wina, xana mhaka yo fana ni leyi yi tshama yi humelela xana?

Yonasi 3:5

Kutani vaaki va Ninivha va kholwa marito ya Xikwembu; va lerisa vanhu ku titsona swakudya; hinkwavo ka vona, lavakulu ni lavatsongo, va ambala leswo khwaxa swa xirilo.

Sofoniya 2:1

Hlengeletanani endhawini yin'we, n'wina vanhu lava pfumalaka tingana,

Yeremiya 14:2

“Tiko ra Yuda ri le ku rileni, miti ya rona ya hela; vanhu va kona va konya va etlele hansi, muti wa Yerusalema wu huwelela wu kombela ku pfuniwa.