Yuwele 1:13 - BIBELE Mahungu Lamanene

¹³ N'wina vaprista, ambalani leswo khwaxa mi rila; banani nkalanga, n'wina vatirhi va le alitarini. Nghenani eTempeleni, mi rila vusiku hinkwabyo, n'wina mi tirhelaka Xikwembu xanga, hikuva mapa ya magandzelo ni vhinyo ya wona a swa ha yisiwi endlwini ya Xikwembu xa n'wina.

Xitsonga (Bibele)

¹³ N'wina vaprista, ambalani maxuka mi tiba swifuva! Rilani, n'wina lava mi tirhelaka alitari. Tanani mi tshama nivusiku, mi funengele maxuka, n'wina lava mi tirhelaka Xikwembu xa mina! Hikuva mihlengo ni magandzelo a swa ha fiki endlwini ya Xikwembu xa n'wina!

Yuwele 1:13 Referans Kwoze

Yeremiya 4:8

Hikokwalaho ambalani swiambalo leswo khwaxa, tlhavani mukhosi mi rila, hikuva vukari bya HOSI Xikwembu bya pfurha, a hi nga poni eka byona!

Yuwele 2:17

Vaprista, vona malandza ya HOSI Xikwembu, a va nghene exivaveni xa Tempele, va ya rila kusuhi ni alitari; a va vule va ku: “We HOSI, hi vanhu va wena ni ndzhaka ya wena, hi tsetselele, u nga tshuki u hi sandzisa ni ku hi endla xihlekiso eka vamatiko. Vanhu vambe va nga tshuki va vula va ku: ‘Xikwembu xa vona xi kwihi ke?’ ”

Ezekiele 7:18

Va ta ambala swa nkosi, va khomiwa hi ku rhurhumela; hinkwavo va ta vonaka va ri ni tingana, va byewula tinhloko hi ku rila.

Yeremiya 9:10

Ndzi ta tlhava mukhosi ndzi rilela tintshava, ndzi rilela ni madyelo ya swifuwo hikuva ma tshwile, a ka ha hundzi munhu hi le ka wona, ni ku rila ka tihomu a ka ha twali eka wona; tinyanyana ni swiharhi swi tsutsumile hinkwaswo.

1 TIHOSI 21:27

Loko Akabu a twa marito lawa, a handzulela swiambalo swa yena, a swi hluvula a ambala leswo khwaxa, a titsona swakudya, a etlela eswiambalweni sweswo, a famba-famba a tsanile.

2 Vakorinto 11:23

Xana i malandza ya Kriste? Na mina ndzi nandza wa yena, ku tlula vona (ndzi vulavula tanihi loko ndzi ri munhu wa rihuhe). Ndzi xanisekile ku va tlula, hi ku tirha swo nonon'hwa, ni ku pfaleriwa emakhotsweni, ni ku biwa ku tlurisa mpimo, ni ku va kusuhi ni ku dlawa minkarhi yo tala.

2 Vakorinto 6:4

Etimhakeni hinkwato hi tikombile hi ri malandza ya Xikwembu hi ku tiyisela ka hina lokukulu emaxangwini, ni le ku karhatekeni, ni le mahlomulweni;

2 Vakorinto 3:6

Hi xona lexi xi hi nyikeke hinkwaswo leswi a hi swi pfumala, loko xi hi endlile malandza ya ntwanano lowuntshwa, lowu nga wa Moya, wu nga ri wa milawu yo tsariwa; hikuva milawu yo tsariwa ya lovisa, kambe Moya wona wa hanyisa.

1 Vakorinto 9:13

Xana a mi tivi leswaku lava tirhaka swa mintirho ya Tempele va dya swakudya swa le Tempeleni, ni leswaku lava tisaka magandzelo alitarini va averiwa swa wona ke?

1 Vakorinto 4:1

Loko swi ri tano, mi fanele ku hi vona hi ri malandza ya Kriste, ni valanguteri va swihundla swa Xikwembu.

Esaya 61:6

Mi ta vuriwa vaprista va HOSI Xikwembu xa hina, vanhu va ta ku mi malandza ya xona; rifuwo ra vanhu va matiko ri ta dyiwa hi n'wina, kutani mi ta tinyungubyisa hi xuma xa vona.

2 SAMIELE 12:16

Kutani Davhida a khongela hi matimba eka HOSI Xikwembu leswaku xi tsetselela n'wana; a titsona swakudya, a ya nghena endlwini, a etlela ehansi vusiku hinkwabyo.

Tinhlayo 29:6

Magandzelo lama hisiwaka lawa, va ta ma humesa ehandle ka magandzelo ya siku ra ku tshama ka n'weti ni mapa ya wona; naswona ma ta humesiwa ehandle ka magandzelo ya masiku hinkwawo ni mapa ya wona ni vhinyo ya wona, hi ku landza milawu ya wona; kutani ku nun'hwela ka wona ku ta ndzi tsakisa mina HOSI.”

Nhlavutelo 11:3

Ndzi ta nyika timbhoni ta mina timbirhi ematimba yo vula Rito hi masiku lawa ya 1 260, ti ambele tinguvu leto khwaxa.”

Esaya 22:12

Enkarhini wolowo, HOSI ya matimba hinkwawo, N'wini wa hinkwaswo, a a langutela leswaku mi ta rila nkosi, mi byewula tinhloko, mi ambala swiambalo leswo khwaxa.

Ezekiele 21:12

“We Ezekiele, bana nkalanga u rila, hikuva banga ra kona ri kongoma vanhu va mina; ri ta dlaya varhangeri hinkwavo va tiko ra Israele, hinkwavo va ta tsemiwa hi rona, va dlayiwa swin'we ni vanhu va mina; hikokwalaho, titsongahate, u languta hansi!

Hosiya 9:5

Kutani ke, xana mi ta endla yini esikwini leri vekiweke ra nkhuvo wo tlangela HOSI Xikwembu, xana?

Yuwele 2:14

A hi tivi, kumbexana Xikwembu xi nga tlhela emakungwini ya xona, xi mi avela minkateko ya xona, xi mi nyika mapa ni vhinyo ya magandzelo, mi swi humesela yona HOSI, Xikwembu xa n'wina.

Tinhlayo 28:4

va ta humesa xinyimpfana xin'we nimixo, xin'wana namadyambu.

Tinhlayo 28:7

Eka magandzelo lawa, xinyimpfana xin'wana ni xin'wana xi humesiwa ni jomela rin'we ra vhinyo leyo bava ya magandzelo; vhinyo leyi ya magandzelo, va fanele ku ndzi humesela yona mina HOSI, hi ku yi chela exivandleni lexo hlawuleka.

Tinhlayo 28:14

Eka magandzelo lawa, nkuzi yin'we yi ta humesiwa ni xikhuwana xin'we xa vhinyo, khuna ri ta humesiwa ni jomela rin'we ni hafu; kasi xinyimpfana xin'wana ni xin'wana xi ta humesiwa ni jomela rin'we ra vhinyo. Hi wona magandzelo lama hisiwaka, lama nga ta humesiwa n'hweti yin'wana ni yin'wana lembe ri kondza ri hela.

Ezekiele 27:31

va byewula tinhloko, va ambala swa nkosi, va halata mihloti, va twa ku vava ngopfu.

Yuwele 2:12

HOSI Xikwembu xi vula sweswo xi ri: “Hambi ku ri sweswi, mi nga ha vuyela eka mina hi timbilu ta n'wina hinkwato, mi titsona, mi rila mi khavaxela.”