Yuda 1:23 - BIBELE Mahungu Lamanene

²³ Ponisani van'wana hi ku va vutla endzilweni; van'wana mi va tsetselela mi ri ni ku tivonela: Mi fanele ku venga hambi xi ri xiambalo xa vona ntsena, lexi nyamisiweke hi swa misava leyi.

Testamente Leyimpsha Xichangana

²³ Ponisani van'wana hi kuvawutla ndzilweni; van'wana mivatsetselela na mili ni kutivonela: Mifanela kunyenya hambi ali sviyambalu sva vona svinene, lesvinyamisiweke hi sva misava leyi.

Xitsonga (Bibele)

²³ kutani mi ponisa van'wana hi ku va tshukisa, mi va vutla endzilweni, mi ri karhi mi chava ni nguvu leyi nga nyamisiwa hi nyama.

Yuda 1:23 Referans Kwoze

1 Timotiya 4:16

Tikambisise hi wexe, ni dyondzo leyi u yi dyondzisaka. Tiya eka swona, hikuva loko u endlisa sweswo, u ta tiponisa ni ku ponisa vayingisi va wena.

1 Vakorinto 15:33

Mi nga pfumeli ku xisiwa: “Vanghana lavo biha, va borisa mikhuva leyinene.”

Nhlavutelo 3:4

Hambiswiritano, wa ha sele ni mavito ya vanhu va nga ri vangani le Sarda, lava nga nyamisangiki tinguvu ta vona. Kutani va ta famba na mina va ambele swo basa, hikuva swi va lulamerile.

Nhlavutelo 3:18

Loko swi ri tano, ndza ku tsundzuxa leswaku u xava eka mina nsuku lowu sasekisiweke hi ndzilo, u va xifumi; u ta xava ni tinguvu leto basa u ti ambala, u funengeta tingana ta vusweti bya wena leswaku byi nga vonaki; xava ni mafurha yo tota mahlo ya wena leswaku u ta kota ku vona.

Varhoma 11:14

leswaku kumbexana ndzi nga endla va rixaka ra ka hina va va ni mavondzo, ndzi ta ponisa van'wana va vona.

2 Vatesalonika 3:14

Loko ku ri ni un'wana loyi a alaka ku yingisa marito lawa hi mi rhumelaka wona hi papila leri, n'wi xiyaxiyeni, kutani mi nga vi na mhaka na yena, leswaku a ta khomiwa hi tingana.

Esaya 64:6

Hinkwerhu hi fana ni munhu loyi a nga tengangiki, hambi yi ri mintirho ya hina leyo lulama yi fana ni xiambalo lexi nyamisiweke. Hi fana ni matluka lama vuneke, swidyoho swa hina i moya lowu hungaka, wu hi rhwala wu famba na hina.

Amosi 4:11

“Mina Xikwembu ndzi herisile van'wana va n'wina, ku fana ni loko ndzi herisile Sodoma na Gomora, kutani mi ponile tanihi rihunyi leri susiweke endzilweni; kambe hambiswiritano, a mi tlhelelanga eka mina.” HOSI yi vula sweswo.

Levhitika 14:47

kasi loyi a etlelaka kumbe ku dyela endzeni ka yona, ú fanele ku hlantswa swiambalo swa yena.

1 Vakorinto 3:15

Kambe loko ntirho wa kona wu tshwa, ú ta pfumala hakelo; loko a ri yena, ú ta ponisiwa, kambe swi ta endla onge na yena ú hundzile hi le ndzilweni.

Swirilo 4:14

Varhangeri lava, a va gugurhuteka onge va lo fa mahlo, a va lo pyì, hi ngati, lero a swi yila hambi ku ri ku khumba swiambalo swa vona.

Levhitika 15:17

Naswona xilo xin'wana ni xin'wana lexi khumbeke mbewu ya kona, hambi xiambalo kumbe dzovo, xi fanele ku hlantswiwa; hambiswiritano, siku rero xi ta va xi nga tenganga, dyambu ri ko ri pela.

2 Vakorinto 5:11

Hikokwalaho, hi ringeta ku khongotela vanhu hikuva ha swi tiva leswaku, ku va ni xichavo eka Hosi, swi vula yini; kambe Xikwembu xi tiva swinene leswi hi nga swona, kutani ndza tshemba leswaku na n'wina mi hi tiva hi mukhuva wolowo emapfalweni ya n'wina.

2 Yohane 1:11

hikuva loyi a xewetaka munhu loyi, ú twanana ni mintirho ya yena leyo biha.

Yuda 1:22

Tsetselelani lava kanakanaka.

Swivuriso 7:8

ri ri karhi ri famba egondzweni, ri jika, ri kongoma endlwini ya lowa wansati.