Biblia Todo Logo
Bib sou entènèt

- Piblisite -




Yuda 1:20 - BIBELE Mahungu Lamanene

20 Kambe n'wina, varhandziwa, tiakeni eku pfumeleni ka n'wina loko hlawuleka ngopfu. Khongelani hi matimba hi Moya lowo Kwetsima.

Gade chapit la Kopi

Testamente Leyimpsha Xichangana

20 Kambe n'wina, varhandziwa, tiyakeni kupfumeleni ka n'wina lokokwetsima ngopfu, Khongelani hi matimba ni Moya Lowokwetsima.

Gade chapit la Kopi

Xitsonga (Bibele)

20 Kambe loko mi ri n'wina, varhandziwa, tiakeleni ehenhla ka ku pfumela ka n'wina loku kwetsimaka hi ku tlurisa, mi ri karhi mi khongela hi Moya lowo Kwetsima,

Gade chapit la Kopi




Yuda 1:20
28 Referans Kwoze  

Endlani hinkwaswo leswi hi ku khongela, mi kombela ku pfuniwa hi Xikwembu; khongelani minkarhi hinkwayo hilaha Moya wu mi letelaka hakona. Hikokwalaho, tshamani mi hitekile, mi nga karhali ku khongelela vahlawuriwa va Xikwembu hinkwavo.


Loko swi ri tano, ku nga endliwa yini xana? Ndzi fanele ku khongela hi moya wa mina, kambe na kona ndzi fanele ku khongela hi miehleketo ya mina. Ndzi fanele ku yimbelela hi moya wa mina, kambe na kona ndzi fanele ku yimbelela hi miehleketo ya mina.


mi dzimile timitsu ni ku veka masungulo ya n'wina eka yena; tiyani eku pfumeleni, hilaha mi dyondzisiweke hakona, mi ri karhi mi nkhensa kambe na kambe.


Hikokwalaho, tiyisanani mi akisana, hilaha mi swi endlaka hakona nisweswi.


Loko swi ri tano, ku nga endliwa yini, vamakwerhu? Loko mi hlengeletana, un'wana a nga va ni Pisalema, un'wana a nga va ni dyondzo, kumbe mhaka leyi a kombisiweke yona hi Xikwembu, kumbe nyiko yo vulavula hi ririmi leri nga tiviwiki, kumbe nyiko yo hlamusela leswi vulavuriweke; kambe hinkwaswo a swi ve leswi akisaka nhlengeletano.


Hikuva Moya lowu mi nga nyikiwa wona, a wu mi endli mahlonga ni ku tlhela wu mi vangela ku chava, kambe wu mi endla vana; hi matimba ya Moya lowu, hi huwelela hi ku: “Abba, Tatana!”


Ku komba leswaku mi vana va xona, Xikwembu xi cherile Moya wa N'wana wa xona etimbilwini ta hina, wu nga Moya lowu huwelelaka wu ku: “Abba, Tatana!”


Eku vulavuleni ka n'wina mi nga tshuki mi tirhisa marito ya tingana, kambe tirhisani ntsena marito lama pfunaka, lama akisaka ni ku hlamula leswi lavekaka, kutani ku vulavula ka n'wina ku ta tisa nkateko eka lava va mi yingisaka.


Enkarhini wolowo, kereke a yi ri ni ku rhula etikweni hinkwaro ra Yudiya, ni ra Galeliya, ni ra Samariya, yi ri karhi yi akisiwa ni ku hanya exichabyeni xa Hosi; kutani a yi andza, yi tiyisiwa hi Moya lowo Kwetsima.


Miri hinkwawo wu tiyisiwa hi yena, swirho hinkwaswo swa wona swi ri karhi swi hlanganisiwa ni ku khomana swinene, swi endla xilo xin'we. Kutani loko xirho xin'wana ni xin'wana xi tirha ntirho wa xona hi fanelo, miri hinkwawo wu kula, wu akiwa erirhandzwini.


Ntirho wa vona i ku pfuna vahlawuriwa va Xikwembu leswaku va ta kota ku tirhela van'wana, va aka miri wa Kriste.


u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’


Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.


Xin'wana ni xin'wana lexi tswariweke hi Xikwembu, xi hlula misava, kutani ku hlula loku hlulaka misava i ku pfumela ka hina.


Wa swi vona leswaku ku pfumela ka yena a ku seketeriwa hi mintirho ya yena, kutani ku pfumela ku endliwile loku hetisekeke hi mintirho.


Mina Pawulo, nandza xa Xikwembu ni muapostola wa Kriste Yesu, ndzi rhumiwile ku seketela ku pfumela ka vanhu lava hlawuriweke hi Xikwembu, ni ku va pfuna ku tiva ntiyiso lowu dyondzisiwaka hi vukhongeri bya hina,


Mi ri: “Hinkwaswo swa pfumeleleka.” Swa twala, kambe a hi hinkwaswo leswi pfunaka. Mi ri: “Hinkwaswo swa pfumeleleka.” Kambe a hi hinkwaswo leswi akisaka.


Un'wana ni un'wana wa hina a a tsakise munhu-kulobye, a n'wi navelela leswinene, leswi n'wi akaka.


exikarhi ka hina na vona, a xi hlawulanga: Xi basisile timbilu ta vona, hikuva va pfumerile.


ndzi tsundzuka ta ku pfumela ka wena loku tiyeke, ku nga ku pfumela loku nga rhanga ku aka eka kokwa wa wena Luwisa ni mana wa wena Yunika, kutani sweswi ndzi tshemba swinene leswaku ku akile ni le ka wena.


va nga heti nkarhi wa vona hi mintsheketo, ni ku longoloxela swivongo swo ka swi nga heli, leswi vangaka ku kanetana, ematshan'wini ya ku seketela makungu ya Xikwembu lama tirhaka hi ku pfumela.


loyi a nga ta mi tiyisa ku yisa eku heteleleni, mi va lava nga solekiki hi siku ra Hosi ya hina Yesu Kriste.


Loyi ku khomiwa swi n'wi kongomeke, ú ta khomiwa hakunene; ni loyi ku dlayiwa hi tlhari swi n'wi kongomeke, ú ta dlayiwa hi tlhari hakunene.” Leswi swi vula leswaku vahlawuriwa va Xikwembu va fanele ku tiyisela, va va ni ku pfumela.


Varhandziwa, a ndzi navela ngopfu ku mi tsalela timhaka ta ku ponisiwa loku nga ka hina hinkwerhu, kambe ndzi kumile leswaku swa ndzi fanela ku mi tsalela ndzi mi khongotela ku lwela vupfumeri lebyi Xikwembu xi byi nyikeke vahlawuriwa va xona, kan'we swi hela kwalaho.


Mina Simoni Petro, nandza ni muapostola wa Yesu Kriste, ndzi tsalela lava nyikiweke ku pfumela loku ringanaka hi xiyimo ni ku pfumela ka hina, hi ku lulama ka loyi a nga Xikwembu ni muponisi wa hina Yesu Kriste, ndzi ri:


Rito ra Xikwembu ri ya emahlweni swinene; na yona nhlayo ya vadyondzisiwa yi ya yi andza ngopfu eYerusalema, naswona vaprista lavo tala va tinyiketa eku pfumeleni.


Swiv nou:

Piblisite


Piblisite