Yoxuwa 9:9 - BIBELE Mahungu Lamanene

⁹ Va hlamula Yoxuwa va ku: “Hina malandza ya wena hi ta hi huma etikweni ra le kule swinene, hikuva hi twile ndhuma ya HOSI Xikwembu xa n'wina; hi runguleriwile hi ta xona, ni hinkwaswo leswi xi swi endleke le Egipta,

Xitsonga (Bibele)

⁹ Va ku eka yena: “Malandza ya wena ma sukile etikweni leri nga ekule swinene hikwalaho ka vito ra Yehovha, Xikwembu xa wena, hikuva hi yingisile ntwalo wa yena, ni hinkwaswo leswi a swi endleke eEgipta,

Yoxuwa 9:9 Referans Kwoze

Yoxuwa 9:24

Va hlamula Yoxuwa va ku ka yena: “Hina malandza ya wena hi endlile swilo leswi hikuva hi twile leswaku hakunene HOSI Xikwembu xa n'wina xi lerisile Muxe nandza wa xona leswaku a mi nyika tiko hinkwaro, ni ku herisa vaaki va rona va suka emahlweni ka n'wina. Kutani hi chavile swinene hi ehleketa leswaku mi nga hi dlaya.

Duteronoma 20:15

Mi ta endlisa sweswo eka miti hinkwayo ya le kule, yi nga miti ya vanhu lava nga riki Vakanana.

Esaya 66:19

Ndzi ta veka xikombiso xa matimba ya mina exikarhi ka vona, kutani ndzi ta rhuma lava poneke ku ya tivisa ku dzuneka ka mina eka vanhu va matiko man'wana. Va ta ya eTarxixi, ni le Putu, ni le Ludu, ri nga tiko ra lava tivaka ku konga vurha; va ta ya ni le Tubala, ni le Yavhani, ni le swihlaleni swa le kule. Vanhu lava hinkwavo a va si tshama va twa kumbe ku vona ku dzuneka ka mina.

Esaya 55:5

Vonani, na n'wina mi ta vitana vanhu lava a mi nga va tivi khale; hambileswi na vona va nga mi tiviki, va ta ta ka n'wina hi ku tsutsuma, hikuva mina HOSI Xikwembu xa n'wina, Muhlawuleki wa Israele, ndzi lava leswaku mi dzunisiwa.”

Pisalema 148:13

Hinkwenu, dzunisani HOSI Xikwembu, hikuva vito ra xona hi rona ntsena ri nga rikulu, ku dzuneka ka xona ku vonaka etilweni ni laha misaveni.

Pisalema 83:18

Kutani vanhu va ta tiva leswaku hi wena ntsena u vuriwaka HOSI, wena Xikwembu lexi nga henhla-henhla, lexi fumaka misava hinkwayo.

Pisalema 72:19

Minkarhi hinkwayo a ku tlangeriwe vito ra xona lero hlawuleka, ku dzuneka ka xona a ku tate misava hinkwayo. Amen! Amen!

Nehemiya 9:5

Kutani Yexuwa, na Kadimiele, na Bani, na Haxabiniya, na Xerebiya, na Hodiya, na Xebaniya, na Petahiya, va ku: “Yimani mi dzunisa HOSI Xikwembu xa n'wina; xi dzuniseni hilaha ku nga heriki! Dzunisani vito ra xona leri dzunekaka, rona leri tlulaka swilo hinkwaswo leswi dzunisiwaka ni ku twarisiwa!”

1 TIHOSI 8:41

“Siku rin'wana, hambi a ri muluveri la nga riki munhu wa tiko ra wena ra Israele, a nga ta a huma etikweni ra le kule a tela wena haleno,

Tinhlayo 14:15

Kutani loko u nga dlaya vanhu lava hinkwavo, vamatiko lava nga twa ndhuma ya wena va ta ku:

Eksoda 15:14

Vanhu va matiko va swi twile, kutani va rhurhumela hi ku chava, Vafilista va tela hi rhumbu.

Eksoda 9:16

Kambe ndzi ku tshikile u hanya, xikongomelo xa kona ku ri ku ku komba matimba ya mina, leswaku vito ra mina ri ta twarisiwa emisaveni hinkwayo.

Timhaka 8:7

hikuva mimoya ya thyaka a yi huma eka vanhu lavo tala lava a va ri na yona, yi ri karhi yi huwelela hi rito leri tlakukeke, naswona lavo tala lava omeke swirho, ni lava a va ri swigono, a va hanyisiwa.

Tinhlayo 20:14

Kutani Muxe a rhuma vanhu va suka eKadexe, va ya eka hosi ya Edomu, va fika va ku: “Vamakwenu Vaisraele va vula sweswo va ri: ‘Ku tikeriwa ka hina hinkwako, ma ku tiva;

Yoxuwa 9:10

ni hinkwaswo leswi xi swi endleke tihosi timbirhi ta Vaamori leti a ti tshama entsungeni wa nambu wa Yordani, ku nga Sihoni hosi ya Hexiboni na Ogo hosi ya Baxani, loyi a a tshama le Axitaroto.

Yoxuwa 9:16

Endzhaku ka masiku manharhu loko va endlile ntwanano ni vanhu lava, Vaisraele va twa leswaku vanhu volavo va akile kusuhi na vona etikweni reri va nga eka rona.

Yoxuwa 9:17

Kutani Vaisraele va suka va famba, va fika emitini ya vanhu lava hi siku ra vunharhu. Miti ya vona a ku ri Gibiyoni, na Kefira, na Berota, na Kiriyata-Yeyarimi.

Duteronoma 20:11

Loko va pfumela ku veka matlhari hansi, ni loko va mi pfulela tinyangwa ta muti wa vona, hinkwavo mi ta va endla mahlonga ya n'wina, mi va rhwexa mintirho leyo tika.

Pisalema 78:12

Xikwembu xi kombile vatata wa vona mintirho leyo hlamarisa, loko va ha ri erivaleni ra Sowani le Egipta.