Yoxuwa 9:18 - BIBELE Mahungu Lamanene

¹⁸ Kambe vavanuna va Israele a va va dlayanga, hikuva varhangeri va ntshungu a va tshembisanile na vona hi ku hlambanya emahlweni ka HOSI, Xikwembu xa Israele. Kutani ntshungu hinkwawo wu dzumadzumela varhangeri.

Xitsonga (Bibele)

¹⁸ Kambe vana va Israele a va lwanga na vona hikuva tihosi ta nhlengeletano ti va hlambanyele hi vito ra Yehovha, Xikwembu xa Israele; kambe nhlengeletano hinkwayo yi dzumadzumela tihosi.

Yoxuwa 9:18 Referans Kwoze

Pisalema 15:4

Ú sola vanhu lava nga pfuniki nchumu, kambe a xixima lava va tirhelaka HOSI Xikwembu; loko a hlambanyile, a nga hundzuki, hambiloko swi nga n'wi vangela khombo.

Eklesiasta 9:2

vanhu hinkwavo va wela hi swo fana, va boxeriwa ndlela yin'we, lowo lulama swin'we ni lowo homboloka, munhu lonene la tengeke swin'we ni loyi a nga tengangiki, la humesaka magandzelo swin'we ni loyi a nga humesiki, la hlayisaka milawu swin'we ni loyi a yi tlulaka, loyi a tibohaka hi ku hlambanya swin'we ni loyi a alaka ku tiboha.

Eklesiasta 5:6

U nga pfumeleri nomo wa wena wu ku wisela eku dyoheni. U nga kanetani ni muprista, u ku: “Ndzi hlambanyile hi xihoxo!” Xikwembu xi nga ku twa xi ku hlundzukela, xi onha ntirho wa mavoko ya wena.

Eklesiasta 5:2

U nga hatlisi ku vulavula, u nga tsutsumeli ku va ni rito emahlweni ka Xikwembu, hikuva xona xi le matilweni, kasi wena u laha misaveni, hikokwalaho, chava ku tata marito.

2 SAMIELE 21:7

Leswi Davhida a a tibohile eka Yonatani n'wana Sawulo hi ku hlambanya emahlweni ka HOSI Xikwembu, a nga nyiketanga n'wana Yonatani Mefiboxete ntukulu wa Sawulo.

Yoxuwa 9:17

Kutani Vaisraele va suka va famba, va fika emitini ya vanhu lava hi siku ra vunharhu. Miti ya vona a ku ri Gibiyoni, na Kefira, na Berota, na Kiriyata-Yeyarimi.

Yoxuwa 9:19

Kutani varhangeri hinkwavo va byela ntshungu va ku: “Hi va hlambanyerile emahlweni ka HOSI, Xikwembu xa Israele, kutani sweswi hi nga ka hi nga va endli nchumu.

Tinhlayo 30:3

“Loko nhwanyana loyi a nga si tekiwaka a tshembisa HOSI Xikwembu ku xi endlela swin'wana, ni loko a tiboha hi ku hlambanya leswaku ú ta titsona swin'wana,

Duteronoma 23:22

Loko mi chava ku tiboha hi ku hlambanya, a mi nga vi na nandzu,

Duteronoma 23:23

kambe loko mi tibohile hi n'wexe mi nga sindzisiwanga hi munhu, mi nga tshuki mi tsandzeka ku humesela HOSI Xikwembu leswi mi xi tshembiseke swona.

Duteronoma 23:24

“Loko mi tshuka mi hundza hi le nsin'wini ya vhinya ya munhu-kuloni, mi nga kha mihandzu mi dya mi xurha, kambe mi nga tshuki mi kha yin'wana mi hoxa exirhundzwini.