Yoxuwa 9:14 - BIBELE Mahungu Lamanene

¹⁴ Hiloko vavanuna va Israele va dya timbuva ni vanhu lava, va nga rhanganga va vutisa eka HOSI Xikwembu.

Xitsonga (Bibele)

¹⁴ Kutani vanhu va Israele va pambula timbuva ta vona, kambe va nga vutisanga nomu wa Yehovha.

Yoxuwa 9:14 Referans Kwoze

Tinhlayo 27:21

Yoxuwa ú ta pfuniwa hi muprista Eliyazara loyi a nga ta n'wi vutisela timhaka eka mina HOSI, hi ku tirhisa ‘Urimi’. Muprista hi yena la nga ta letela mavuthu leswaku ma ya enyimpini, kumbe ma nga yi; Yoxuwa ni ntshungu hinkwawo va ta yingisa yena.”

Vaavanyisi 1:1

Loko Yoxuwa a file Vaisraele va vutisa eka HOSI Xikwembu, va ku: “I mani exikarhi ka hina loyi a nga ta rhanga a huma, a ya lwa ni Vakanana xana?”

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

Ezra 8:21

Loko hi ri le nambyeni wa Ahavha, ndzi vekile siku ra ku titsona swakudya, leswaku hi titsongahata emahlweni ka Xikwembu xa hina, hi kombela eka xona ku basiseriwa ndlela, hina ni vana va hina ni swilo swa hina.

2 SAMIELE 5:19

Kutani Davhida a vutisa timhaka eka HOSI Xikwembu, a ku: “Loko ndzo huma ndzi ya lwa ni Vafilista, xana u ta va nyiketa emavokweni ya mina xana?” HOSI Xikwembu xi hlamula xi ku: “Yana, hikuva ndzi ta va nyiketa emavokweni ya wena.”

2 SAMIELE 2:1

Endzhaku ka sweswo, Davhida a vutisa timhaka eka HOSI Xikwembu, a ku: “Xana ndzi nga tlhandluka ndzi ya eka wun'wana wa miti ya Yuda xana?” HOSI Xikwembu xi hlamula xi ku: “Ina, tlhandluka!” Davhida a engeta a vutisa, a ku: “Xana ndzi nga ya eka wihi muti xana?” Xikwembu xi hlamula xi ku: “Yana eHebroni.”

Vaavanyisi 20:18

Vaisraele va tlhandluka va ya vutisa timhaka eka Xikwembu kwale Betele va ku: “Xana i va ka mani exikarhi ka hina lava nga ta hi rhangela loko hi huma nyimpi hi ya lwa ni va ka Benjamini xana?” HOSI Xikwembu xi hlamula xi ku: “Ku ta rhanga va ka Yuda.”

1 SAMIELE 22:10

Ahimeleke ú vutisile makungu ya HOSI Xikwembu a vutisela Davhida, a tlhela a n'wi nyika timbuva, a n'wi nyika ni banga ra Goliyadi lowa Mufilista.”

Eksoda 28:30

Endzeni ka xincekana lexi xa le xifuveni, mi ta nghenisa ‘Urimi’ na ‘Thumimi’, swi nga swilo leswi swi nga ta va exifuveni xa Aroni etlhelweni ra ximatsi, loko a ta emahlweni ka mina HOSI; hi ndlela leyi, Aroni ú ta tshama a rhwale ehenhla ka mbilu ya yena leswi swi nga ta n'wi pfuna ku avanyisa timhaka ta Vaisraele emahlweni ka mina HOSI Xikwembu.”

Yoxuwa 9:13

Minkwama leyi ya dzovo, hi cherile vhinyo eka yona ya ha ri leyintshwa, kambe sweswi vonani, yi handzukile; swiambalo leswi swa hina ni tintanghu swi hlakarile hikwalaho ka ku leha ka ndlela.”