Yoxuwa 8:2 - BIBELE Mahungu Lamanene

² U fanele ku endla muti wa Ayi ni hosi ya wona leswi u swi endleke muti wa Yeriko ni hosi ya wona; kambe leswi mi nga ta phangha eka wona ni swifuwo leswi mi nga ta swi teka swi ta va swa n'wina. U fanele ku veka vanhu endzhaku ka muti lowu, va tumbelela vaaki va wona.”

Xitsonga (Bibele)

² U ta endlela Ayi ni hosi ya yena kukota leswi u swi endleleke Yeriko ni hosi ya yena ntsena mi ta titekela vukosi bya yena ni swifuwo swa yena. Veka vanhu endzhaku ka muti, va wu tumbelela.”

Yoxuwa 8:2 Referans Kwoze

Duteronoma 20:14

Kambe mi ta phangha vavasati ni vana ni swifuwo, ni swilo hinkwaswo leswi nga mutini lowu wa valala va n'wina, mi titekela swona swi va swa n'wina, mi tiphina, hikuva mi ta va mi nyikiwile swona hi HOSI Xikwembu xa n'wina.

Swivuriso 13:22

Munhu lonene ú siyela vatukulu va yena endzhaka, kasi rifuwo ra mudyohi, ri salela lavo lulama.

2 TIKRONIKA 20:22

Loko vayimbeleri lava va sungula ku ba minkulungwana va dzunisa HOSI Xikwembu, xona xi rhuma vanhu van'wana va ya tumbelela ni ku hangalasa Vaamoni ni Vamowabu ni va Ntshava ya Seyira, lava a va ta ku ta lwa ni va ka Yuda.

Yoxuwa 6:21

va herisa hinkwaswo leswi a swi ri emutini hi fumu. Va dlayetela vavanuna ni vavasati, lavatsongo ni lavakulu, tihomu, ni tinyimpfu, ni timbhongolo.

Yeremiya 51:12

Tlakusani mujeko mi komba rirhangu ra Babilona; engetelani varindzi, valanguteri a va hiteke; tumbelelani valala!” Hakunene HOSI Xikwembu xi bohile makungu khale ehenhla ka lava tshamaka eBabilona, kutani sweswi xi le ku hetiseni ka leswi xi swi vuleke.

Yeremiya 17:11

Munhu loyi a kumaka rifuwo hi ndlela yo homboloka, ú fana ni n'hwari leyi fukamelaka matandza lama nga riki ya yona; rifuwo ra kona a ri nga hlweli ku dzudzeka, eku heteleleni ú ta hundzuka xiphukuphuku.

Swivuriso 28:20

Loyi a tshembekaka, ú ta kateka ngopfu, kambe loyi a lavaka ku fuma hi siku rin'we, a nge poni, ú ta biwa.

Pisalema 39:6

Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.

2 TIKRONIKA 13:13

Yerobuwamu a a rhumile man'wana mavuthu ya yena leswaku ma nyandlamela ma ta hi le ndzhaku ka va ka Yuda. Hiloko vona va tikuma va rhendzeriwile hi valala.

Yoxuwa 10:28

Hi siku rero, Yoxuwa a ya hlasela muti wa Makeda, a wu teka a dlaya na hosi ya wona hi fumu. Kutani a herisa vaaki va wona hinkwavo, a nga siyi na un'we wa mhamba. Hosi ya muti wa Makeda ú yi endlile leswi a endleke swona hosi ya muti wa Yeriko.

Yoxuwa 10:1

Timhaka ta ku tekiwa ka muti wa Ayi hi Yoxuwa, a wu herisela makumu, ti fikile etindleveni ta Adoni-Sedeke hosi ya Yerusalema. Ú twile ni leswi Yoxuwa a swi endleke muti wa Ayi ni hosi ya wona, ku fana ni leswi a swi endleke muti wa Yeriko ni hosi ya wona. Ú tlherile a twa ni hilaha vaaki va le Gibiyoni va endleke xinakulobye ni Vaisraele hakona, ni leswaku va le xikarhi ka vona.

Yoxuwa 8:24

Vaisraele va dlayeterile vaaki va muti wa Ayi lava a va va hlongorisa, va va herisa hi fumu hinkwavo emananga. Loko va hetile, Vaisraele hinkwavo va tlhelela emutini wa Ayi va ya fika va herisa vaaki va wona hi fumu.

Yoxuwa 8:19

Kuteloko Yoxuwa a tlakusa voko, masocha lawa a ma tumberile ma hatlisa ma huma lomu a ma ri kona, ma tsutsumela emutini wa Ayi, ma fika ma nghena ma wu teka, kutani ma hatla ma wu hisa hi ndzilo.

Yoxuwa 8:14

Kuteloko hosi ya muti wa Ayi ni vanhu va yona hinkwavo va vona leswi, va pfuka ka ha ri mpundzu va hatla va rhelela, va kongoma eka Nkova wa Yordani ku ya hlangana ni Vaisraele va lwa; kambe hosi leyi a yi nga swi tivi leswaku ku ni vanhu lava nga yi tumbelela endzhaku ka muti.

Yoxuwa 8:12

Kutani Yoxuwa a teka vavanuna va kwalomu ka 5 000 a ya va tumbeta exikarhi ka muti wa Betele ni wa Ayi, hi tlhelo ra vupeladyambu.

Yoxuwa 8:9

Kutani Yoxuwa a va byela leswaku va famba; kutani va ya endhawini leyi a va fanele ku ya tumbela eka yona, exikarhi ka muti wa Betele ni wa Ayi, hi tlhelo ra vupeladyambu bya muti wa Ayi; kambe vusiku byebyo Yoxuwa a a sele ni vanhu lavan'wana emixaxeni.

Yoxuwa 8:7

kambe n'wina mi ta huma laha mi nga ta va mi tumberile kona, mi teka muti wa Ayi, hikuva HOSI Xikwembu xa n'wina xi ta wu nyiketa emavokweni ya n'wina.

Duteronoma 3:2

Kambe HOSI Xikwembu xi ku ka mina: ‘Mi nga n'wi chavi, hikuva ndzi n'wi nyiketile emavokweni ya n'wina, yena ni vanhu va yena hinkwavo, ni tiko ra yena. Mi ta n'wi endla leswi mi swi endleke Sihoni hosi ya Vaamori loyi a a tshama eHexiboni.’

Yoxuwa 8:3

Kavaloko Yoxuwa ni masocha hinkwawo va tilulamisela ku tlhandlukela emutini wa Ayi; kutani Yoxuwa a hlawula tinhenha ta matimba ta 30 000, a ti rhuma nivusiku,

Yoxuwa 8:8

Kutani loko mi tekile muti, mi ta wu hisa hi ndzilo, hilaha HOSI Xikwembu xi leriseke hakona; mi tsundzuka leswi ndzi mi leriseke swona!”

Duteronoma 2:35

Hi tekile ntsena swifuwo, ni swilo leswi hi swi phangheke emitini loko hi yi hlula.

Yoxuwa 9:3

Kambe kuteloko vaaki va le Gibiyoni va twa leswi Yoxuwa a swi endleke eYeriko ni le Ayi,

Yoxuwa 11:14

Swifuwo ni swilo hinkwaswo leswi phanghiweke emitini leyi, Vaisraele va titekerile swona. Kambe vanhu vona va va dlayeterile hi fumu, va va herisa, ku nga sali na xilo na xin'we lexi hanyaka.