Yoxuwa 8:19 - BIBELE Mahungu Lamanene

¹⁹ Kuteloko Yoxuwa a tlakusa voko, masocha lawa a ma tumberile ma hatlisa ma huma lomu a ma ri kona, ma tsutsumela emutini wa Ayi, ma fika ma nghena ma wu teka, kutani ma hatla ma wu hisa hi ndzilo.

Xitsonga (Bibele)

¹⁹ Kuteloko a tshambulutile voko ra yena, vatumberi va hatlisa va pfuka laha ingi va ri kona, va tsutsuma va nghena emutini, va wu teka, kutani va hatlisa ku wu hisa hi ndzilo.

Yoxuwa 8:19 Referans Kwoze

Yoxuwa 8:18

Kutani HOSI Xikwembu xi ku ka Yoxuwa: “Tlakusa tlhari leri nga vokweni ra wena u kombetela muti wa Ayi ha rona, hikuva muti lowu ndzi ta wu nyiketa emavokweni ya wena.” Kutani Yoxuwa a tlakusa tlhari leri a a ri khomile, a kombetela muti wa Ayi.

Yoxuwa 8:20

Vavanuna va muti wa Ayi va te loko va languta endzhaku, vo vona musi wu ri karhi wu tuvika emutini; kutani va hela matimba va nga ha tivi lomu va nga ta tsutsumela kona, hikuva vavanuna va Israele lava a va tsutsumela emananga a va hundzukele lava a va va hlongorisa.

Vaavanyisi 20:33

Kutani vavanuna hinkwavo va Israele va suka lomu a va xaxamerile kona, va ya xaxamela hi vuntshwa eBaala-Tanara. Hiloko lavan'wana va hatlisa va huma lomu a va tumberile kona, erivaleni ra Gibeya.

Vaavanyisi 20:37

Hiloko vavanuna lava va hatla va huma lomu a va tumberile kona, va nghena emutini wa Gibeya va rhendzeleka na wona va ri karhi va herisa vaaki va wona hinkwavo hi fumu.

Yoxuwa 8:2

U fanele ku endla muti wa Ayi ni hosi ya wona leswi u swi endleke muti wa Yeriko ni hosi ya wona; kambe leswi mi nga ta phangha eka wona ni swifuwo leswi mi nga ta swi teka swi ta va swa n'wina. U fanele ku veka vanhu endzhaku ka muti lowu, va tumbelela vaaki va wona.”