Yoxuwa 8:18 - BIBELE Mahungu Lamanene

¹⁸ Kutani HOSI Xikwembu xi ku ka Yoxuwa: “Tlakusa tlhari leri nga vokweni ra wena u kombetela muti wa Ayi ha rona, hikuva muti lowu ndzi ta wu nyiketa emavokweni ya wena.” Kutani Yoxuwa a tlakusa tlhari leri a a ri khomile, a kombetela muti wa Ayi.

Xitsonga (Bibele)

¹⁸ Kutani Yehovha a ku eka Yoxuwa: “Tshambulutela etlhelo ra Ayi tlhari leri nga evokweni ra wena, hikuva ndzi ta wu nyiketa emavokweni ya wena,” kutani Yoxuwa a tshambulutela etlhelo ra muti tlhari leri ngi ri ri evokweni ra yena.

Yoxuwa 8:18 Referans Kwoze

Yoxuwa 8:26

Voko leri Yoxuwa a a tlakusile tlhari ha rona, a nga ri yisanga ehansi ku kondza ku herisiwa vaaki va muti wa Ayi hinkwavo.

Ntirho 15:25

Hakunene, munhu wo tano u lwa ni Xikwembu, wa tikurisa emahlweni ka Xikwembu-xa-matimba-hinkwawo,

Ntirho 39:23

Ematsheveni ya yona, ku twala vuketleketle bya miseve enkotlotweni, ku vonaka ni matlhari yo vangama.

1 SAMIELE 17:45

Davhida a hlamula Mufilista a ku: “U ndzi tela u khomile banga, ni tlhari lerikulu, ni leritsongo, kambe mina ndzi ta eka wena hi vito ra HOSI ya matimba hinkwawo, Xikwembu xa mavuthu ya Israele lawa u ma pfukeke.

1 SAMIELE 17:41

Mufilista na yena a ya a kongomile Davhida; emahlweni ka yena a ku rhangile munhu loyi a n'wi rhwalelaka xitlhangu.

1 SAMIELE 17:6

A a bohile swisirhelelo swa koporo emilengeni, a hakarile tlhari leritsongo emakatleni.

Yoxuwa 8:7

kambe n'wina mi ta huma laha mi nga ta va mi tumberile kona, mi teka muti wa Ayi, hikuva HOSI Xikwembu xa n'wina xi ta wu nyiketa emavokweni ya n'wina.

Eksoda 14:16

Teka nhonga ya wena, u yi tlakusela ehenhla ka lwandle, u hambanisa mati hi le xikarhi, leswaku Vaisraele va ta pela laha ku omeke.

Eksoda 8:5

Kutani HOSI Xikwembu xi ku ka Muxe: “Lerisa Aroni leswaku a teka nhonga ya yena hi voko, a yi tlakusela ehenhla ka milambu, ni le henhla ka tindlela ta mati, ni le henhla ka maqhivi, a vangela tiko ra Egipta khombo ra mintlambya.”

Yoxuwa 8:17

Kutani muti wa Ayi wu sala wu nga ha ri na munhu; hinkwavo a va humile va hlongorisa Vaisraele, va sukela muti wu nga ri na varindzi.

Yoxuwa 8:19

Kuteloko Yoxuwa a tlakusa voko, masocha lawa a ma tumberile ma hatlisa ma huma lomu a ma ri kona, ma tsutsumela emutini wa Ayi, ma fika ma nghena ma wu teka, kutani ma hatla ma wu hisa hi ndzilo.

Ezekiele 30:25

Ndzi ta tiyisa mavoko ya hosi ya le Babilona, kambe mavoko ya Faro wona ma ta debya. Siku ndzi nga ta teka tlhari ra mina ndzi ri tamerisa hosi ya le Babilona, yena ú ta tlakusa voko a ba Vaegipta, kutani va ta tiva leswaku HOSI Xikwembu, hi mina.

Eksoda 8:1

Kutani HOSI Xikwembu xi ku ka Muxe: “Famba eka Faro, u ya n'wi byela leswaku mina HOSI Xikwembu ndzi vurisa sweswo, ndzi ri: ‘Tshika vanhu va mina va famba va ya ndzi gandzela.