Yoxuwa 8:14 - BIBELE Mahungu Lamanene

¹⁴ Kuteloko hosi ya muti wa Ayi ni vanhu va yona hinkwavo va vona leswi, va pfuka ka ha ri mpundzu va hatla va rhelela, va kongoma eka Nkova wa Yordani ku ya hlangana ni Vaisraele va lwa; kambe hosi leyi a yi nga swi tivi leswaku ku ni vanhu lava nga yi tumbelela endzhaku ka muti.

Xitsonga (Bibele)

¹⁴ Kakuloko hosi ya Ayi yi vona sweswo, vanhu va muti va pfuka nimixo, va hatlisa va huma ku ya hlangana na Israele ku lwa na yena ni tiko ra yena hinkwaro, va ya hlengeletana endhawini leyi hlawuriweke emahlweni ka nkova; kambe a nga tivanga leswaku va kona lava n'wi tumbelelaka endzhaku ka muti.

Yoxuwa 8:14 Referans Kwoze

Matewu 24:39

a va nga anakanyi nchumu ku kondza loko ndhambi leyi ya mati yi ta, kutani yi va kukula hinkwavo; swi ta va tano ni le ku vuyeni ka N'wana-wa-Munhu.

2 Petro 2:3

Kutani, hikwalaho ka makwanga ya vona, va ta mi dyelela hi marito ya vona ya vuxisi. Ku sukela khale, ku avanyisiwa ka vona a ku yimanga, ni ku lova ka vona a ku etlelanga.

Matewu 24:50

Kasi n'wini wa yena a nga tshuka a fika, hi siku leri nandza loyi a nga n'wi langutelangiki ku vuya ha rona, ni le nkarhini lowu a nga wu tiviki;

Daniele 4:31

Loko hosi ya ha vulavula, ku twala rito leri humaka etilweni, ri ku: “We Nebukadnetsara, tiva leswaku vuhosi bya wena, u tekeriwile byona.

Esaya 19:13

Varhangeri va muti wa Sowani va hundzuke swiphukuphuku, varhangeri va muti wa Nofu va xisana; vona lava tiko ra Egipta ri tiyaka ha vona, va ri lahlekisa.

Esaya 19:11

Varhangeri va muti wa Sowani i swiphukuphuku, vatsundzuxi va Faro lavo tlhariha, va n'wi nyika switsundzuxo swo ka swi nga pfuni nchumu; va byela hosi Faro, va ku: “Hina hi dyondzisiwile hi tintlhari, hi leteriwile hi tihosi ta khale!”

Eklesiasta 9:12

Munhu a nga wu tivi nkarhi wa ku fa ka yena; tanihi leswi tinhlampfi ti phasiwaka hi tinkoka, ni tinyanyana ti welaka entlhan'wini, munhu na yena ú ta humeleriwa hi khombo enkarhini wa rona, ri n'wi wela hi xitshuketa.

Yoxuwa 8:16

Kutani vanhu hinkwavo va muti wa Ayi va vitaniwa leswaku va ya hlongorisa Vaisraele. Loko va ri karhi va hlongorisa Yoxuwa, va yile va ya fika kule ni muti wa Ayi.

Yoxuwa 8:5

Mina ni vanhu hinkwavo lava ndzi nga na vona hi ta kongoma muti wa Ayi. Kutani loko va huma va hi tela ku fana ni le ku sunguleni, hi ta suka hi titsutsumisa ha vomu.

Duteronoma 1:1

Lawa i marito lawa Muxe a nga byela Vaisraele hinkwavo loko va ri emananga evuxeni bya nambu wa Yordani. Vaisraele a va ri eka Nkova wa Yordani ku langutana na Sufu, exikarhi ka muti wa Parani ni miti ya Tofele, na Labani, na Haseroti, na Dizahaba.

Yoxuwa 8:13

Kutani va dzima mixaxa ya mavuthu, nxaxa lowukulu wu va hi tlhelo ra n'walungu ra muti, kasi wa varindzi wu va hi tlhelo ra vupeladyambu bya muti. Kambe vusiku byebyo Yoxuwa yena a sale a a tshamile enkoveni.

Yoxuwa 8:15

Kutani Yoxuwa ni Vaisraele hinkwavo va endla wonge va va chava, va suka va tsutsuma va kongoma emananga.

Vaavanyisi 20:37

Hiloko vavanuna lava va hatla va huma lomu a va tumberile kona, va nghena emutini wa Gibeya va rhendzeleka na wona va ri karhi va herisa vaaki va wona hinkwavo hi fumu.