Yoxuwa 8:10 - BIBELE Mahungu Lamanene

¹⁰ Yoxuwa a pfuka nimpundzu swinene a hlengeleta masocha, kutani va tlhandluka va kongoma emutini wa Ayi, yena ni vakulukumba va Israele va rhangile emahlweni.

Xitsonga (Bibele)

¹⁰ Yoxuwa a pfuka nimixo, a kamba tiko, kutani a famba ku ya lwa na Ayi, yena ni vakulukumba va Israele va ri emahlweni ka tiko.

Yoxuwa 8:10 Referans Kwoze

Pisalema 119:60

A ndzi hlweli, ndzi tsutsumela ku hlayisa swileriso swa wena.

Yoxuwa 7:16

Kutani Yoxuwa a pfuka nimpundzu swinene, a xaxameta Vaisraele hi tinyimba ta vona, kutani ku hlawuriwa nyimba ya ka Yuda;

Yoxuwa 6:12

Yoxuwa a pfuka nimpundzu swinene, kutani vaprista va rhwala Areka ya HOSI Xikwembu.

Yoxuwa 3:1

Yoxuwa ni Vaisraele hinkwavo va pfuka ka ha ri mpundzu swinene, va suka eXitimi, va famba va ya fika enambyeni wa Yordani, kutani va xwa kona va nga si pela nambu.

Genesa 22:3

Hiloko Abrahama a pfuka nimpundzu swinene, a bohelela xitshamu embhongolweni ya yena, a vita malandza ya yena mambirhi ya majaha, a teka na Isaka n'wana wa yena. Loko a tsemile tihunyi to ya hisa ha tona gandzelo, a suka a famba a kongoma endhawini leyi Xikwembu xi n'wi byeleke yona.

Yoxuwa 8:9

Kutani Yoxuwa a va byela leswaku va famba; kutani va ya endhawini leyi a va fanele ku ya tumbela eka yona, exikarhi ka muti wa Betele ni wa Ayi, hi tlhelo ra vupeladyambu bya muti wa Ayi; kambe vusiku byebyo Yoxuwa a a sele ni vanhu lavan'wana emixaxeni.

Yoxuwa 8:11

Masocha hinkwawo lawa a a ri na wona ma tlhandluka ma ya fika ekusuhi ni muti wa Ayi, ma gova kona hi tlhelo ra n'walungu. Exikarhi ka masocha ni muti wa Ayi a ku ri ni xinkobyana.