Yoxuwa 7:9 - BIBELE Mahungu Lamanene

⁹ Vakanana ni vaaki hinkwavo va tiko va ta yi twa mhaka leyi, kutani va ta hi hlasela va hi herisela makumu; kutani xana wena u ta endla yini hi vito ra wena lerikulu xana?”

Xitsonga (Bibele)

⁹ Vakanana, ni vaaki hinkwavo va tiko va ta swi twa, va ta hi rhendzela, va ta susa vito ra hina emisaveni; kutani u ta endla yini hi vito ra wena lerikulu xana?”

Yoxuwa 7:9 Referans Kwoze

Eksoda 32:12

Xana Vaegipta a va nga vuli va ku: ‘Xikwembu xi humesile Vaisraele xi ri ni makungu yo biha ya ku ya va lovisela etintshaveni, xi va herisela makumu emisaveni’ xana? Tshika vukari bya wena lebyo chavisa, u tlhela emakungwini ya wena yo endla swo biha eka vanhu va wena.

Pisalema 83:4

Va ri: “A hi yeni hi ya herisa tiko ra Vaisraele, vito ra vona ri ta ka ri nga ha tsundzukiwi hi munhu!”

Yohane 12:28

Tatana, dzunisa vito ra wena!” Kutani ku twakala rito, ri huma etilweni ri ku: “Ndzi ri dzunisile, ndzi ta engeta ndzi ri dzunisa.”

Yuwele 2:17

Vaprista, vona malandza ya HOSI Xikwembu, a va nghene exivaveni xa Tempele, va ya rila kusuhi ni alitari; a va vule va ku: “We HOSI, hi vanhu va wena ni ndzhaka ya wena, hi tsetselele, u nga tshuki u hi sandzisa ni ku hi endla xihlekiso eka vamatiko. Vanhu vambe va nga tshuki va vula va ku: ‘Xikwembu xa vona xi kwihi ke?’ ”

Ezekiele 20:9

Kambe leswi a ndzi swi endlanga, hikuva a ndzi lavanga ku sorisa vito ra mina exikarhi ka vamatiko lava hanyeke na Vaisraele, va nga vanhu lava va nga ndzi vona loko ndzi humesa Vaisraele etikweni ra Egipta.

Duteronoma 9:28

hikuva vanhu va tiko leri u hi humeseke eka rona va ta ku: HOSI Xikwembu xi humesile Vaisraele xi ya va dlayela emananga, hikuva a xi tsandzeka ku va fikisa etikweni leri xi hlambanyeke ku va nyika rona, naswona a xi va venga.

Tinhlayo 14:13

Kambe Muxe a ku ka HOSI Xikwembu: “Vaegipta va ta yi twa mhaka leyi, hikuva hi wena u humeseke Vaisraele exikarhi ka vona, hi matimba ya wena.

Yoxuwa 7:8

We N'wini wanga, xana ndzi nga vula yini sweswi, hikuva Vaisraele va suke va tsutsuma va chava valala va vona!

Yoxuwa 7:10

Kutani HOSI Xikwembu xi ku ka Yoxuwa: “Pfuka! Hikwalaho ka yini u tiwisela ehansi hi mombo xana?

1 SAMIELE 12:22

Hikwalaho ka vito lerikulu ra xona, HOSI Xikwembu xi nga ka xi nga mi cukumeti n'wina vanhu va xona, hikuva xi tsakerile ku mi hlawula, xi mi endla tiko ra xona.

Pisalema 48:10

Ku dzuneka ka wena ku tate misava, we Xikwembu; vito ra wena ri tiveka hinkwako. U tirha hi ku lulama ntsena.

Pisalema 79:9

We Xikwembu muponisi wa hina, hi pfune leswaku vito ra wena ri dzunisiwa; hi kutsule u hi rivalela swidyoho swa hina hikwalaho ka vito ra wena.

Pisalema 83:5

Va kanela makungu hi mbilu yin'we, va twanana ku lwa na wena.

Pisalema 115:1

We HOSI, ku dzunisiwa a hi swa hina, hakunene a hi swa hina, kambe i swa wena ntsena, hikuva u ni rirhandzu, wa tshembeka.

Mikiya 7:10

Valala va hina va ta swi vona, kutani va ta nyuma, vona lava a va ku: “HOSI Xikwembu xa n'wina xi kwihi xana?” Vanhu lava va ta kandziyeriwa ku fana ni ndzhope emagondzweni, hina hi ta languta kunene.