Yoxuwa 7:6 - BIBELE Mahungu Lamanene

⁶ Kutani Yoxuwa ni vakulukumba va Israele va handzulela swiambalo swa vona, va ticheletela ritshuri etinhlokweni, va wela hansi hi mimombo emahlweni ka Areka ya HOSI Xikwembu, va etlela kona dyambu ri kondza ri pela.

Xitsonga (Bibele)

⁶ Yoxuwa a handzula tinguvu ta yena, kutani a tiwisa ehansi hi mombo wa yena emahlweni ka areka ya Yehovha ku fika nimadyambu, a ri ni vakulukumba va Israele, kutani va chela ntshuri etinhlokweni ta vona.

Yoxuwa 7:6 Referans Kwoze

Genesa 37:29

Kuteloko Rhuveni a ya ekheleni, o kuma leswaku Yosefa a nga kona, kutani a handzulela swiambalo swa yena,

Genesa 37:34

Hiloko Yakobo a handzulela swiambalo swa yena, kutani a ambala leswo khwaxa, a rila n'wana wa yena masiku layo tala.

Swirilo 2:10

Varhangeri va le Siyoni va tshame hansi va ku dúú! Va tichele ntshuri etinhlokweni, va tlhela va ambala swiambalo leswo khwaxa; vanhwana va le Yerusalema va korhamise tinhamu, va languta ehansi.

2 SAMIELE 13:31

Kutani hosi Davhida a suka a yima, a handzulela swiambalo swa yena, kutani a pavalala ehansi; malandza ya yena a ma yimile kusuhi na yena, ma ambarile swiambalo leswi handzuleriweke.

Tinhlayo 14:6

kutani Yoxuwa n'wana Nuni na Kalebe n'wana Yefune, va nga van'wana va tinhlori leti a ti yile ti ya valanga tiko ra Kanana, va handzulela swiambalo swa vona.

Nhlavutelo 18:19

Kutani va ticheletela ritshuri etinhlokweni, va ri karhi va rila va ba nkosi, va huwelela va ku: “Yo! Yo! Khombo ra muti lowukulu, lowu hinkwavo lava a va ri ni tingalava elwandle va nga fumisiwa hi rifuwo ra wona: Hi nkarhinyana ntsena, wu herisiwile.

Timhaka 14:14

Kambe loko vaapostola Barnaba na Pawulo va twa sweswo, va handzula swiambalo swa vona, va tsutsumela exikarhi ka ntshungu va ri karhi va huwelela,

Ntirho 2:12

Loko va n'wi vona va ha ri kulenyana, va hlwela ku n'wi tiva, kutani va sungula ku tlhava mukhosi, va rila, va handzulela swiambalo swa vona, va nusa ni misava va haxa ehenhla, va tichela ni le tinhlokweni.

Ntirho 1:20

Kavaloko Yobo a suka a yima, a handzulela swiambalo swa yena, a byewula ni misisi, kutani a nkhinsama a khongela,

Estere 4:1

Loko Mordekayi a twa hinkwaswo leswi endliweke, a handzulela swiambalo swa yena, a ambala swiambalo swo khwaxa, a ticheletela nkuma, a famba exikarhi ka muti a ri karhi a ba huwa a rila hi xiviti,

2 SAMIELE 12:16

Kutani Davhida a khongela hi matimba eka HOSI Xikwembu leswaku xi tsetselela n'wana; a titsona swakudya, a ya nghena endlwini, a etlela ehansi vusiku hinkwabyo.

2 SAMIELE 1:12

Va ba nkosi, va rila, va titsona swakudya ku kondza dyambu ri pela, va rila Sawulo ni n'wana wa yena Yonatani, va rila ni tiko ra HOSI Xikwembu ni rixaka ra Vaisraele, hikuva a va dlayiwile enyimpini.

1 SAMIELE 4:12

Wanuna wa nyimba ya va ka Benjamini a ta hi ku tsutsuma a huma enyimpini, a ta fika emutini wa Xilo siku rero. A a handzulerile swiambalo swa yena, a ticherile ni misava enhlokweni.

Vaavanyisi 21:2

Kutani Vaisraele va ya eBetele, va fika va tshama va rila hi xiviti lexikulu emahlweni ka HOSI Xikwembu, dyambu ri kondza ri ya pela,

Vaavanyisi 20:26

Kavaloko vavanuna hinkwavo va mavuthu ya Vaisraele va tlhandluka va kongoma eBetele, va fika va tshama, va rila emahlweni ka HOSI Xikwembu, va nga dyi nchumu siku hinkwaro dyambu ri kondza ri ya pela, va ri karhi va humesela HOSI Xikwembu magandzelo lama hisiwaka, ni ya xinakulobye.

Tinhlayo 16:45

“Sukani exikarhi ka ntshungu lowu, wena na Aroni, hikuva ndzi lava ku wu herisa sweswi.” Kambe vona va wela hansi hi mimombo.

Tinhlayo 16:22

Kutani va wela hansi hi mimombo, va ku: “Oho Xikwembu, wena Xikwembu xa swilo hinkwaswo leswi hanyaka, xana u nga hlundzukela ntlawa lowu hinkwawo hikwalaho ka ku dyoha ka munhu un'we xana?”

Yoxuwa 7:7

Kutani Yoxuwa a ku: “We Hosi N'wini wa hina, hikwalaho ka yini u hi perisile nambu wa Yordani, u ta hi nyiketa emavokweni ya Vaamori leswaku va hi herisa xana? Leswi swi tlula hi loko a hi lo titshamela entsungeni wa nambu wa Yordani!

2 SAMIELE 1:11

Loko Davhida a twa sweswo, a handzulela swiambalo swa yena, kutani vavanuna hinkwavo lava a va ri na yena va endlisa sweswo.

2 TIHOSI 22:11

Loko hosi yi twa marito ya Buku ya Nawu, yi handzulela swiambalo swa yona.

2 TIKRONIKA 34:19

Loko hosi yi twa marito ya buku ya Nawu, yi handzulela swiambalo swa yona.

Ntirho 42:6

Hikokwalaho, ndzi tivona nandzu, ndza tisola, ndzi tshamile eritshurini ni le nkumeni.”

Vaavanyisi 11:35

Kuteloko Yefta a n'wi vona, a handzulela swiambalo swa yena, a ku: “Yo n'wananga, u ndzi dlele! U ndzi vangele khombo lerikulu, hikuva ndzi tshembisile HOSI Xikwembu hi ku hlambanya, kutani ndzi nge swi koti ku tlhelela endzhaku eka leswi ndzi swi vuleke hi nomo wa mina!”

2 SAMIELE 1:2

Hi siku leri tlhandlamaka, ku ta fika munhu loyi a a huma eka Sawulo emixaxeni ya nyimpi; a a handzulerile swiambalo swa yena, a ticherile misava enhlokweni. Loko a fika, a kongoma Davhida, a tiwisela ehansi, a n'wi nkhinsamela.

2 SAMIELE 13:19

Kutani Tamari a tichela nkuma enhlokweni, a handzulela xiambalo lexo leha lexi a a xi ambarile, a tlhandleka mavoko enhlokweni, a muka a ri karhi a rila swinene.

Ezra 10:1

Loko Ezra a ri karhi a khongela kusuhi ni yindlu ya Xikwembu, a kombela leswaku xi va rivalela xidyoho lexi, a rila a titlatlatela ehansi, kutani Vaisraele lavo tala va ya va fika va n'wi rhendzela, va ri vavanuna, ni vavasati, ni vana, va ri karhi va rila hi xiviti lexikulu.

Nehemiya 9:1

Hi siku ra 24 ra n'hweti ya vu-7, Vaisraele va hlengeletana, va khongela va titsona ni swakudya; a va ambarile swiambalo leswo khwaxa, va ticheleterile ni misava etinhlokweni.

Estere 4:3

Eswifundzheni hinkwaswo, lomu nawu wa hosi ni xileriso xa yona swi fikeke kona, ku va ni swirilo leswikulu exikarhi ka Vayuda, va titsona swakudya, va rila, va vovola, lavo tala va etlela ehenhla ka swiambalo leswo khwaxa ni le nkumeni.