Yoxuwa 7:25 - BIBELE Mahungu Lamanene

²⁵ Kutani Yoxuwa a ku ka Akani: “Hikwalaho ka yini u hi vangele khombo xana? Namuntlha HOSI Xikwembu xi ta tisa khombo ehenhla ka wena.” Hiloko Vaisraele hinkwavo va khandla Akani hi maribye a fa; va hisa swilo swa yena hinkwaswo, va khandletela ni va ka vona va fa.

Xitsonga (Bibele)

²⁵ Kutani Yoxuwa a ku: “U hi pfilunganyisele yini-ke? Yehovha u ta ku pfilunganyisa namuntlha!” Kavaloko Vaisraele hinkwavo va n'wi khandla hi maribye, kutani va va hisa, va va dlaya hi maribye.

Yoxuwa 7:25 Referans Kwoze

Yoxuwa 6:18

Kambe n'wina mi nga tshuki mi tshinela kusuhi ni swilo leswi nyiketiweke leswaku swi herisiwa, hikuva mi nga tshuka mi swi navela, mi pambula swin'wana swa swona, kutani mi vangela mixaxa ya Vaisraele khombo ni ku herisiwa.

1 TIKRONIKA 2:7

N'wana wa Karimi i Akani; hi yena loyi a nga vanga khombo exikarhi ka Vaisraele, hi ku ala ku nyiketa eka Xikwembu leswi a swi phangheke.

Duteronoma 17:5

wanuna kumbe wansati loyi a endleke xidyoho xexo, n'wi khomeni, mi ya na yena enyangweni ya muti, mi fika mi n'wi khandla hi maribye a fa.

Levhitika 24:14

“Humesa munhu loyi a rhukaneke a ya ehandle ka mixaxa, u fika u byela vanhu lava va n'wi tweke leswaku va tlhandleka mavoko enhlokweni ya yena, kutani u lerisa ntshungu hinkwawo leswaku wu n'wi khandla hi maribye a fa.

Levhitika 20:2

ku ya tivisa Vaisraele marito ya xona lama nge: “Loko un'wana wa Vaisraele kumbe un'wana wa lava luveleke exikarhi ka Vaisraele, a yisa n'wana wa yena eka Moloko xikwembu xa Vaamoni, ú fanele ku dlayiwa hi ntshungu hinkwawo, va n'wi khandla hi maribye, a fa.

Vaheveru 12:15

Mi vona leswaku ku nga vi na un'we loyi a tsandzekaka ku kuma minkateko ya Hosi; tivoneleni leswaku ku nga vi na loyi a milaka exikarhi ka n'wina kukota “rimitsu ra ku bava” leri vangaka ku karhateka, ni ku nyamisa lavo tala.

2 Vatesalonika 1:6

Xikwembu xi ta endla leswi lulameke: Xi ta ba lava va mi xanisaka, xi va vangela maxangu,

Vagalatiya 5:12

A swi ta va swona loko vanhu lava va mi pfilunganyisaka, va nga yimi kwalaho, kambe va titshena xikan'we.

Yoxuwa 7:15

Munhu loyi a nga ta kumiwa a ri ni swilo leswi nyiketiweke leswaku swi herisiwa, ú ta hisiwa hi ndzilo, yena ni hinkwaswo leswi a nga na swona, hikuva ú ta va a tshovile ntwanano wa mina HOSI, naswona ú ta va a endlile mhaka leyi khomisaka tingana exikarhi ka Vaisraele.”

Duteronoma 21:21

Kutani vanhu hinkwavo va muti va ta n'wi khandla hi maribye a fa. Hi ndlela leyi, mi ta susa vubihi exikarhi ka n'wina, kutani loko Vaisraele hinkwavo va swi twa, va ta hamba va chava.

Duteronoma 13:10

Mi n'wi dlaya hi ku n'wi khandla hi maribye a fa, hikuva ú ta va a lava ku mi kucetela leswaku mi tshika HOSI Xikwembu xa n'wina, lexi xi mi humeseke etikweni ra Egipta ni le vuhlongeni bya kona.

Levhitika 21:9

“N'wana wa xisati wa muprista loyi a tinyamisaka hi ku endla vunghwavava, ú nyamisa ni tata wa yena; hikokwalaho ú fanele ku hisiwa, a fa.

Levhitika 20:14

“Loko wanuna a teka wansati, a tlhela a ya teka ni mana wa nsati wa yena, ú endla mhaka yo homboloka; hikokwalaho, yena ni vavasati lava va fanele ku hisiwa hinkwavo, leswaku ku nga ha vi na swo homboloka exikarhi ka n'wina.

Genesa 38:24

Endzhaku ka tin'hweti tinharhu, Yuda a kuma rito leri nge: “N'wingi wa wena Tamara ú endlile vunghwavava, kutani sweswi ú tikile.” Kutani Yuda a ku: “N'wi vuyiseni haleno, a ta hisiwa!”

Genesa 34:30

Kutani Yakobo a ku ka Simiyoni na Levhi: “Mi ndzi vangele khombo hi ku ndzi venganisa ni Vakanana ni Vaperesi, vona vaaki va tiko. Mina a ndzi na vavanuna vo tala, kutani loko vo twanana va hlangana va ta ndzi hlasela, va ta ndzi herisa, mina ni va ndyangu wa mina.”

1 SAMIELE 14:29

Yonatani a hlamula a ku: “Tatana ú tikisa vutomi bya vaaki va tiko. Languta, matimba ya mina ma vuyile, hileswi ndzi nantswekenyana vulombenyana lebyi!

Duteronoma 13:11

Mhaka leyi yi ta fika etindleveni ta Vaisraele hinkwavo, kutani va ta hamba va chava, va nga ha endli swilo swo hombolokisa leswi exikarhi ka n'wina.

Swivuriso 1:19

Vanhu hinkwavo lava kumeke rifumo hi tihanyi, va hanyisa sweswo. Rifumo ra kona ri va vangela rifu.

Swivuriso 15:27

Munhu loyi a nga ni makwanga, ú vangela muti wa yena ekhombo, kambe loyi a alaka ku xaviwa, ú ta hanya.