Yoxuwa 7:24 - BIBELE Mahungu Lamanene

²⁴ Kutani Yoxuwa ni Vaisraele lava a a ri na vona hinkwavo va teka Akani n'wana Zera, va teka ni silivhere, ni xiambalo, ni gadi ra nsuku, ni vana va yena va xinuna ni va xisati, ni tihomu ta yena, ni timbhongolo, ni tinyimpfu, ni ntsonga wa yena, ni swilo hinkwaswo leswi a a ri na swona, va famba na swona va ya eka Nkova wa Akora.

Xitsonga (Bibele)

²⁴ Kavaloko Yoxuwa ni Vaisraele hinkwavo va khoma Akani, n'wana Zera, ni mali, ni nguvu, ni nsuku, ni vana va yena va xinuna ni va xisati, ni tihomu ta yena, ni timbhongolo ta yena, ni tinyimpfu ta yena, ni ntsonga wa yena, ni hinkwaswo swa yena, va swi yisa enkoveni wa Akora.

Yoxuwa 7:24 Referans Kwoze

Swivuriso 15:27

Munhu loyi a nga ni makwanga, ú vangela muti wa yena ekhombo, kambe loyi a alaka ku xaviwa, ú ta hanya.

Hosiya 2:15

Ndzi ta n'wi tlherisela mitanga ya yena ya vhinyo kwale mananga, ndzi hundzula ni Nkova wa Akora wu va ‘Nyangwa-ya-ku-Tshemba’. Ú ta vulavula na mina ku fana ni loko a ha bomba xinhwana, eminkarhini leyi a humeke ha yona etikweni ra Egipta.

Esaya 65:10

Rivala ra Xaroni ri ta hundzuka madyelo ya tinyimpfu, eka Nkova wa Akora, ku ta vundza tihomu, tiko hinkwaro ri ta va ra vanhu va mina lava va ndzi khongelaka.

Yoxuwa 15:7

Kutani ndzilekana wu tlhandluka wu sukela eka Nkova wa Akora wu kongoma eDebiri, hi tlhelo ra n'walungu; wu jika wu kongoma eGiligala, ku langutana ni xiphandze xa Adumimi lexi nga tlhelo ra dzonga ra nkova, kutani wu hundza wu kongoma etiveni ra Eni-Xemexi, wu ya helela le Eni-Rogele.

Yoxuwa 7:26

Vaisraele va fumba maribye ehenhla ka ntsumbu wa Akani ma endla nhulu leyikulu leyi nga kona ni namuntlha; kutani vukari bya HOSI Xikwembu byi vohla. Hikwalaho, ndhawu leyi ni namuntlha ya ha vuriwa Nkova wa Akora (hileswaku “Nkova-wa-Khombo”).

Eksoda 20:5

u nga tshuki u swi nkhinsamela, kumbe ku swi tirhela, hikuva mina HOSI Xikwembu xa wena, ndzi Xikwembu xa rilaveta: Ndzi ba lava va ndzi vengaka kun'we ni vana va vona, ku fika eka rixaka ra vona ra vunharhu ni ra vumune.

Eklesiasta 5:13

Laha misaveni, ndzi vonile mhaka leyi tikaka ku tlula mpimo: Munhu ú tihlengeletela rifuwo kambe ri n'wi vangela maxangu.

Ntirho 20:15

Ú mita rifuwo, a tlhela a ri hlanta, Xikwembu xi ri humesa endzeni ka yena.

Yoxuwa 7:1

Vaisraele va tlurile nawu hi tlhelo ra swilo leswi nyiketiweke leswaku swi herisiwa, hikuva Akani n'wana Karimi wa Zabidi wa Zera, wa nyimba ya ka Yuda, ú pamburile swilo swin'wana leswi nyiketiweke leswaku swi herisiwa. Hikwalaho ka swona, HOSI Xikwembu xi hlundzukela Vaisraele.

Yoxuwa 6:21

va herisa hinkwaswo leswi a swi ri emutini hi fumu. Va dlayetela vavanuna ni vavasati, lavatsongo ni lavakulu, tihomu, ni tinyimpfu, ni timbhongolo.

Yoxuwa 6:18

Kambe n'wina mi nga tshuki mi tshinela kusuhi ni swilo leswi nyiketiweke leswaku swi herisiwa, hikuva mi nga tshuka mi swi navela, mi pambula swin'wana swa swona, kutani mi vangela mixaxa ya Vaisraele khombo ni ku herisiwa.

Genesa 18:25

Mhaka ya ku herisiwa ka vanhu vo lulama swin'we ni lavo homboloka, u nga tshuki u yi endla. U nga tshuki u fanisa lavo lulama ni lavo homboloka. Xana Muavanyisi wa misava hinkwayo a nga tsandzeka ku endla leswo lulama xana?”

Yoxuwa 7:23

Kutani va swi humesa va swi yisa eka Yoxuwa ni Vaisraele hinkwavo, va fika va swi fumba emahlweni ka HOSI Xikwembu.

Yoxuwa 22:20

Xana vukari bya HOSI Xikwembu a byi welanga ntshungu hinkwawo wa Vaisraele, loko Akani a tlurile xileriso hi tlhelo ra swilo leswi swi nyiketiweke leswaku swi herisiwa xana? Akani a nga fanga a ri yexe hi mhaka ya nandzu wa yena.’ ”