Yoxuwa 7:21 - BIBELE Mahungu Lamanene

²¹ Exikarhi ka swilo leswi a hi swi phanghile, ndzi vonile xiambalo xo saseka lexi humaka eXinara, ni silivhere yo tika 2,4 kg, ni gadi ra nsuku ro tika 600 g, kutani ndzi swi navela, hiloko ndzi swi teka; sweswi swilo leswi ndzi swi celerile entsongeni wa mina, ehansi ka swona ndzi rhangisile silivhere.”

Xitsonga (Bibele)

²¹ Ndzi vonile exumeni nguvu leyo saseka, ya Xinara, ni madzana mambirhi ya tixikele ta silivhere, ni nsuku lowu vumbiweke wa tixikele ta 50 ta ku tika, ndzi swi naverile, ndzi va ndzi swi teka; kutani waswivo, swi fihliwile emisaveni entsongeni wa mina, kambe mali yi le hansi ka swona.”

Yoxuwa 7:21 Referans Kwoze

Yakobo 1:15

Kutani loko ku navela ku korwile, ku tswala xidyoho; xidyoho xona, loko xi hetisekile, xi tswala rifu.

Luka 12:15

Kutani a ku ka vona: “Tlharihani mi tivonela eka makwanga wahi ni wahi, hikuva vutomi bya munhu a byi humi eka swilo leswi a swi fuweke hambiloko swi n'wi talele ngopfu.”

Pisalema 119:37

Ndzi pfune ku fularhela swilo swa hava, ndzi ta kuma vutomi etindleleni ta wena.

2 Petro 2:15

Va tshikile ndlela leyinene, va landza ntila wa Balaama n'wana Beyori, loyi a rhandzeke bindzu hi ku endla leswo homboloka.

Duteronoma 7:25

Mi ta hisa swifaniso swa swikwembu swa vona leswi vatliweke; mi nga tshuki mi navela silivhere kumbe nsuku lowu namekiweke eka swifaniso leswi, hikuva loko mo tshuka mi titekela wona, wu ta hundzuka ntlhamu lowu wu nga ta mi phasa. Swilo leswi, HOSI Xikwembu xa n'wina xa swi nyenya;

Vaheveru 13:5

Mi nga fumiwi hi mali eku hanyeni ka n'wina, kutani mi kolwa hi leswi mi nga na swona, hikuva Xikwembu xi te: “Ndzi nga ka ndzi nga ku tshiki, kumbe ku ku cukumeta, ni siku ni rin'we.”

Swivuriso 28:22

Munhu wo tsonana, ú tsutsumela rifuwo, kambe a nga swi tivi leswaku vusiwana byi n'wi kongomile.

2 SAMIELE 11:2

Siku rin'wana loko dyambu ri ya eku peleni, Davhida a pfuka eku wiseni, kutani a ya, a ya bela hi moya elwangwini ra yindlu ya le ntsindza. Kuteloko a ri kwale, a vona wansati a ri eku hlambeni. Wansati loyi a a sasekile swinene.

Genesa 6:2

Kutani swivumbiwa swa le tilweni swi vona leswaku vanhwanyana lava va sasekile, kutani swi tihlawulela vasati exikarhi ka vona.

Genesa 3:6

Kuteloko wansati a vona leswaku murhi wa kona wa dyiwa, ni leswaku wu koka mahlo, naswona wu nga endla leswaku munhu a tlhariha, a kha mihandzu ya wona, a dya; a teka yin'wana a ya nyika nuna wa yena, a dya.

Vakolosa 3:5

Loko swi ri tano, dlayani leswi swi nga swa misava eka n'wina, hileswaku vuoswi, ni swa thyaka, ni ku hisekela swa tingana, ni ku navela loko biha, ni makwanga, ku nga ku gandzela swikwembu swa hava.

Vaefesa 5:5

Tivani mhaka leyi: Ku hava munhu ni un'we la nga ta averiwa ndzhaka eMfun'weni wa Kriste ni wa Xikwembu, loko a ri la oswaka, kumbe la endlaka swa thyaka, kumbe la nga ni makwanga, ku nga ku gandzela swikwembu swa hava.

Vaefesa 5:3

Mi vahlawuriwa va Xikwembu, kutani vuoswi, ni swa thyaka hinkwaswo, ni makwanga, a swi laveki exikarhi ka n'wina, ni ku kumbuka swi nga kumbukiwi.

Luka 12:2

hikuva a ku na xilo lexi funengetiweke, lexi nga ta ka xi nga fununguriwi, ni xilo xa xihundla, lexi nga ta ka xi nga tiviwi.

Habakuku 2:9

Ú ni khombo loyi a fumisaka ndyangu wa yena hi bindzu lero biha, leswaku a ta aka xisaka xa yena exivandleni lexi tlakukeke, ni ku ya tumbela kona, a ta ka a nga weli hi khombo.

Esaya 29:15

Va ni khombo lava tumbetaka makungu ya vona, va tumbetela HOSI Xikwembu, va nga vanhu lava endlaka swilo swa vona emunyameni, va ku: “Xana ú kona loyi a hi vonaka? I mani la tivaka lomu hi nga kona xana?”

Esaya 28:15

Mi tidzunisa, mi ku mi endlile ntwanano ni rifu, ni leswaku xivandla xa vafi i munghana wa n'wina; mi tshemba leswaku khombo lero chavisa leri taka ri ta hundza hi le kule, hikuva mi teka mavunwa mi ma endla khokholo, mi tiendlela xisirhelelo hi ku xisa van'wana.

Swivuriso 23:31

Ku tshwuka ka vhinyo, ni ku vangama ka yona exinwelweni, ni ku nandziha ka yona enon'weni, swi nga ku kanganyisi,

Swivuriso 4:23

Hlayisa mbilu ya wena ku tlula swilo hinkwaswo, hikuva hi xona xihlovo xa vutomi.

Ntirho 31:1

“Ndzi endlile ntwanano ni mahlo ya mina, ndzi ku, a ndzi nga ha languti vanhwanyana.

Eksoda 20:17

“U nga tshuki u navela yindlu ya munhu-kuloni, hambi a ri nsati wa yena, u nga n'wi naveli; ni nandza wa yena wa xinuna kumbe wa xisati, ni homu ya yena, ni mbhongolo ya yena, kumbe xilo xihi ni xihi lexi nga xa yena, u nga tshuki u xi navela.”

Genesa 10:10

Loko Nimrodo a sungula ku fuma, a a fuma miti leyi: Babele, na Ereke, na Akade, hinkwayo yi ri etikweni ra Xinara.

Yoxuwa 7:20

Akani a hlamula a ku: “Ku vula ntiyiso, ndzi dyohile emahlweni ka HOSI Xikwembu xa Israele. Leswi ndzi swi endleke hi leswi:

Yoxuwa 7:22

Kutani Yoxuwa a rhuma vanhu va tsutsuma va ya ntsongeni wa Akani; kunene va fika va swi kuma swi celeriwile entsongeni wa yena, silivhere yi rhangisiwile ehansi ka swona.

2 TIHOSI 7:8

Kuteloko lava nhlokonho va fikile laha mixaxa yi sukelaka kona, va nghena entsongeni wun'wana, va dya, va nwa, kutani va phangha silivhere ni nsuku ni swiambalo, va ya swi fihla. Va tlhela va vuya, va nghena entsongeni wa vumbirhi, va phangha swa wona hinkwaswo, na swona va ya swi fihla.

Genesa 34:27

Kutani vana lavan'wana va Yakobo va ta eka lava dlayiweke, va fika va phangha swilo emutini, hikuva makwavo wa vona Dina a a nyamisiwile.

Swivuriso 1:19

Vanhu hinkwavo lava kumeke rifumo hi tihanyi, va hanyisa sweswo. Rifumo ra kona ri va vangela rifu.