Yoxuwa 7:2 - BIBELE Mahungu Lamanene

² Loko va ri mutini wa Yeriko, Yoxuwa a rhuma vavanuna va ya mutini wa Ayi, lowu nga kusuhi ni muti wa Beta-Avene, hi tlhelo ra le vuxeni bya muti wa Betele, a ku ka vona: “Tlhandlukani mi ya valanga matshamelo ya muti.” Kutani va tlhandluka va famba va ya valanga muti wa Ayi.

Xitsonga (Bibele)

² Yoxuwa, loko a a ri Yeriko, a rhuma vanhu eka Ayi, ekusuhi na Beta-Avene, evuxeni bya Betele, a ku eka vona: “Khandziyani mi ya kamba tiko. Kutani vanhu lava va khandziya, va ya kamba Ayi.

Yoxuwa 7:2 Referans Kwoze

Yoxuwa 18:12

En'walungwini ndzilekana wa va ka Benjamini wu sukela enambyeni wa Yordani, kutani wu tlhandluka wu kongoma exintshabyaneni lexi nga en'walungwini wa Yeriko, wu ya emahlweni wu tsemakanya hi le magangeni wu kongoma evupeladyambu wu ya helela emananga ya Beta-Avene.

Hosiya 4:15

Hambileswi mi endlaka vunghwavava n'wina vanhu va Israele, vanhu va Yuda va nga tshuki va wela enandzwini wolowo. Mi nga tshuki mi ya eGiligala, mi nga tlhandlukeli eBeta-Avene; mi nga tshuki mi ku: “Ndza hlambanya emahlweni ka HOSI, Xikwembu lexi hanyaka!”

1 SAMIELE 14:23

Ko va loko HOSI Xikwembu xi lamulerile tiko ra Israele siku rero. Nyimpi yi lwiwa ku kondza yi ya hundza ni le Beta-Avene.

1 SAMIELE 13:5

Kutani Vafilista va hlengeletana ku ya lwa ni Vaisraele. A va ri ni makalichi ya 3 000, ni vagadi va tihanci va 6 000, ni masocha layo tala kukota sava eribuweni ra lwandle. Kutani va hloma matlhari va ya gova eMikamaxa, hi tlhelo ra vuxa bya Beta-Avene.

Matewu 10:16

“Vonani, ndzi mi rhuma mi fana ni tinyimpfu exikarhi ka timhisi; hikwalaho ke tlharihani kukota tinyoka, mi va lavo rhula kukota matuva.

Swivuriso 24:6

Loko u ri ni vutlhari, u nga kota ku ya lwa nyimpi, kutani u ta hlula loko u ri ni vatsundzuxi lavo tala.

Swivuriso 20:18

Makungu ma tiya hi switsundzuxo, ni nyimpi yi lwiwa hi swiletelo swa vutlhari.

Genesa 12:8

Kutani Abrama a suka kwalaho a ya entshaveni leyi yi nga vuxeni bya muti wa Betele, a fika a dzima ntsonga kona. Hi tlhelo ra vupeladyambu a ku ri ni muti wa Betele, kasi evuxeni a ku ri ni muti wa Ayi. Kutani Abrama a akela HOSI Xikwembu alitari, a xi gandzela kona.

Vaefesa 5:15

Loko swi ri tano, xiyani swinene mahanyelo ya n'wina; mi nga hanyi tanihi vanhu lava nga twisisiki nchumu, kambe hanyani tanihi lavo tlhariha.

Nehemiya 11:31

Va ka Benjamini vona a va tshama emutini wa Geba, ni wa Mikamasa, ni wa Ayi, ni le mutini wa Betele ni le swimitaneni swa wona,

Yoxuwa 12:9

Vaisraele va hlurile hosi ya muti wa Yeriko, ni hosi ya muti wa Ayi, lowu nga kusuhi na Betele;

Yoxuwa 2:1

Loko va ri eXitimi, Yoxuwa n'wana Nuni a rhuma vavanuna vambirhi leswaku va nyengeleta va ya valanga tiko ra Kanana, a ku ka vona: “Fambani mi ya xiyaxiya tiko, kambe mi xiya ngopfu muti wa Yeriko.” Kutani vavanuna lava va suka va famba, va ya fika endyangwini wa wansati wa nghwavava loyi a va ku i Rahava kutani va xwa kona.

Genesa 28:19

Kutani ndhawu leyi a yi thya vito ra Betele (hileswaku: “Yindlu-ya-Xikwembu”). Khale ndhawu leyi a yi tiviwa hi vito ra Luzi.

Yoxuwa 7:3

Loko va vuya, va fika va byela Yoxuwa va ku: “U nga kali u rhumela Vaisraele hinkwavo, kambe u ngo rhumela ntsena vavanuna va kwalomu ka 2 000 kumbe 3 000, va tlhandluka va ya hlasela muti wa Ayi; u nga tshiki vanhu hinkwavo va tikarhata va tlhandluka va ya le Ayi, hikuva muti lowu a wu na vanhu vo tala.”

1 SAMIELE 30:27

Davhida a rhumela tinyiko leti eka lava tshamaka eBetuwele, ni le Ramoto wa le dzongeni, ni le Yatiri,

Yeremiya 49:3

“Tlhavani mukhosi n'wina va le Hexiboni, hikuva muti wa Ayi wu herisiwile! Na n'wina mi nga swimitaneni leswi nga kusuhi na Rhaba, banani nkalanga! Rilani nkosi mi ambarile leswo khwaxa, tsutsumani mi ya hala ni hala, mi tumbela erihlampfini, hikuva Milikomo xikwembu xa n'wina xi ta yisiwa evukhumbini, xi famba ni vaprista va xona ni varhangeri va tiko ra xona.

1 TIHOSI 12:29

Kutani a yimisa rhole rin'wana eBetele, lerin'wana a ri veka eDani.

Esaya 10:28

Valala va fikile emutini wa Ayata, va tsemakanyile hi le Migirono, va fike va rhula mindzhwalo eMikamaxa;