Yoxuwa 7:19 - BIBELE Mahungu Lamanene

¹⁹ Kutani Yoxuwa a ku ka Akani: “N'wananga, dzunisa HOSI Xikwembu xa Israele, u twarisa vito ra xona: Sweswi, ndzi byele leswi u swi endleke; u nga tshuki u ndzi fihlela nchumu.”

Xitsonga (Bibele)

¹⁹ Yoxuwa a ku eka Akani: “N'wananga dzunisa Yehovha, Xikwembu xa Israele u n'wi vonga, kutani u ndzi byela lexi u xi endleke, u nga ndzi fihleli xona.”

Yoxuwa 7:19 Referans Kwoze

1 SAMIELE 6:5

Kutani mi fanela ku vumba swifaniso swa matshumba ya kona, ni swifaniso swa makondlo ya kona lama hlaselaka tiko, kutani mi dzunisa Xikwembu xa Israele. Kumbexana xi ta tshika ku mi ba hi nkhavi wa xona, n'wina ni swikwembu swa n'wina ni tiko ra ka n'wina.

Yeremiya 13:16

Kombani xichavo eka HOSI Xikwembu xa n'wina xi nga si vanga munyama, mi nga si khuguriwa mi wa etintshaveni loko dyambu ri ya eku peleni. A mi languterile ku vonakala, kambe HOSI Xikwembu xi tisile vusiku, ni xinyami xa byona xo chavisa.

Yohane 9:24

Va tlhela va vitana kambe munhu loyi a a file mahlo, va ku ka yena: “Hlambanya emahlweni ka Xikwembu! Hina ha swi tiva leswaku munhu loyi i mudyohi.”

Daniele 9:4

Eku khongeleni ka mina, ndzi vula swidyoho swa hina hinkwerhu eka Xikwembu xanga, ndzi ku: We N'wini wa hina, wena Xikwembu lexikulu xo chavisa, hi rirhandzu ra wena lero tshembeka, u hlayisa ntwanano wa wena ni lava va ku rhandzaka, lava nga rivaliki milawu ya wena.

2 TIKRONIKA 30:22

Hosi Hezekiya a vulavula ni Valevhi hinkwavo a va tiyisa, hikuva a va fambisa ntirho wa HOSI hi ndlela yo saseka ngopfu. Kutani vanhu hinkwavo va dya nkhuvo masiku ya 7, va humesa magandzelo ya xinakulobye va ri karhi va tlangela HOSI, Xikwembu xa vatata wa vona.

1 SAMIELE 14:43

Kavaloko Sawulo a ku ka Yonatani: “Ndzi hlamusele leswi u swi endleke!” Yonatani a hlamusela a ku: “Loko ku ri ku dya, ndzi dyile vulombenyana lebyi ndzi byi tlhaveke hi nhonga ya mina. Hi mina loyi, ndzi dlayeni!”

Swivuriso 28:13

Loyi a fihlaka swidyoho swa yena, a nge humeleli, kasi loyi a swi vulaka, kutani a hambana na swona, ú ta kuma tintswalo.

Pisalema 32:5

Kutani ndzi boxile ku dyoha ka mina, a ndzi ku fihlelanga ku homboloka ka mina. Ndzi vurile ndzi ku: “Ndzi ta tisola eka HOSI, ndzi vula nandzu wa mina.” Kutani we HOSI, u ndzi rhurile ndzhwalo wa swidyoho swa mina.

Nhlavutelo 16:9

Vanhu va tshwa hi ku hisa loku chavisaka loku, kutani va rhuketela vito ra Xikwembu lexi nga ni matimba ehenhla ka mintungu leyi, kambe a va hundzukanga, ni ku xi dzunisa a va xi dzunisanga.

Yakobo 1:20

Hikuva vukari bya munhu a byi yisi makungu layo lulama ya Xikwembu emahlweni.

Tito 2:2

Byela vavanuna lava kuleke leswaku va fanele ku dya va pima, va va ni ndzhuti, va kota ku tikhoma, va tiya swinene eku pfumeleni, ne rirhandzwini, ne ku chivirikeni.

2 Timotiya 2:25

a laya vakaneti va yena hi vukhwatsi; hikuva kumbexana Xikwembu xi nga endla leswaku va tisola va hundzuka, va fika laha va nga tivaka leswi nga ntiyiso.

Varhoma 10:10

Hikuva munhu ú pfumela hi mbilu, kutani sweswo swi n'wi endla a va la lulameke; ú vula hi nomo, kutani sweswo swi n'wi endla a va la ponisiwaka.

Luka 17:18

Lava va 9 va kwihi xana? Xana a ku kumekanga na van'wana lava nga vuyela endzhaku ku ta dzunisa Xikwembu, ehandle ka munhu loyi wa rixaka rimbe xana?”

Esaya 13:12

Vanhu lava ndzi nga ta va tshika va hanya, va ta kala ku fana ni nsuku lowo tenga, va ta pfumaleka kukota nsuku wa le Ofiri.

Pisalema 51:3

Milandzu ya mina, ndza yi tiva, ndzi tsundzuka swidyoho swa mina minkarhi hinkwayo.

Yoxuwa 7:20

Akani a hlamula a ku: “Ku vula ntiyiso, ndzi dyohile emahlweni ka HOSI Xikwembu xa Israele. Leswi ndzi swi endleke hi leswi:

2 TIHOSI 20:15

Esaya a engeta a vutisa a ku: “Xana va vonile yini laha ntsindza xana?” Hezekiya a hlamula a ku: “Va vonile swilo swa mina hinkwaswo swa laha ntsindza. Etindlwini ta mina ta vuhlayiselo, a ku salanga nchumu lowu ndzi nga va kombangiki wona.”