Yoxuwa 7:12 - BIBELE Mahungu Lamanene

¹² Hikokwalaho, Vaisraele va nga ka va nga swi koti ku hlula valala va vona; va tsutsuma va chava valala va vona hikuva na vona Vaisraele va fana ni swilo leswi nyiketiweke leswaku swi herisiwa. Mina a ndzi nga vi na n'wina, loko mi nga si herisa swilo leswi nga xikarhi ka n'wina leswi nyiketiweke leswaku swi herisiwa.

Xitsonga (Bibele)

¹² Hikwalaho, vana va Israele va nga ka va nga tiyi emahlweni ka valala va vona, va ta fularhela valala va vona hikuva va yila. Ndzi nga ka ndzi nga ha vi na n'wina loko mi nga herisi leswo yila exikarhi ka n'wina.

Yoxuwa 7:12 Referans Kwoze

Esaya 59:2

Leswi swi mi hambanyisaka ni Xikwembu xa n'wina i mintirho ya n'wina leyo homboloka; xi mi fularherile hikwalaho ka swidyoho swa n'wina, kutani a xa ha lavi ku mi twa.

Vaavanyisi 2:14

Hikokwalaho, HOSI Xikwembu xi karihela Vaisraele, kutani xi va tshika va hlaseriwa hi vaxanisi va vona, xi va nyiketa eka valala va vona lava va va rhendzeleke, va nga ha koti ku va hlula.

Tinhlayo 14:45

Kutani Vaamaleke ni Vakanana, lava a va tshama emagangeni, va rhelela va hlasela Vaisraele, va va hlongorisa ku ya fika eHorma.

Yoxuwa 6:18

Kambe n'wina mi nga tshuki mi tshinela kusuhi ni swilo leswi nyiketiweke leswaku swi herisiwa, hikuva mi nga tshuka mi swi navela, mi pambula swin'wana swa swona, kutani mi vangela mixaxa ya Vaisraele khombo ni ku herisiwa.

Duteronoma 7:26

hikokwalaho mi nga tshuki mi swi nghenisa emitini ya n'wina, hikuva swi nga mi vangela ku rhuketeriwa na n'wina; mi fanele ku swi venga mi va kule na swona, hikuva i swilo leswi rhuketeriweke.

Habakuku 1:13

Mahlo ya wena a ma tsakeli ku hlalela leswo biha, hikuva ma tengile ngopfu; a wu languti leswo biha, u nga endli nchumu. Kutani ke, hikwalaho ka yini u languta ntsena vaxisi, u miyelela yini loko lavo biha va mita vanhu-kulobye lava lulameke ku tlula vona ke?

Hosiya 9:12

Naswona hambi mi nga veleka vana, ndzi ta mi tekela vona, va hela va ku bi! Loko ndzi sukile exikarhi ka n'wina, mi ta va ekhombyeni.

Yeremiya 23:33

HOSI Xikwembu xi ku ka Yeremiya: “Loko un'wana wa vanhu lava, kumbe muprofeta, kumbe muprista, a ku vutisa a ku: ‘Mahungu lawa HOSI Xikwembu xi nga ku rhwexa wona hi wahi xana?’ u ta n'wi hlamula u ku: ‘Hi n'wina mi rhwexaka Xikwembu endzhwalo!’ Mina HOSI ndzi ri, ndzi ta va hlongola.

Yeremiya 6:8

Wena Yerusalema, amukela ku tshinyiwa; loko swi nga ri tano, ndzi ta ku tshika, ndzi ku hundzula rhumbi, ku nga ha tshami munhu eka wena.”

Swivuriso 28:1

Lowo homboloka, ú tsutsuma hambiloko a nga hlongorisiwi hi munhu, kasi lavo lulama, a va chavi nchumu, va fana ni nghala.

Vaavanyisi 2:4

Loko ntsumi ya HOSI Xikwembu yi byerile Vaisraele emarito lawa, hinkwavo va sungula ku rila.

Tinhlayo 14:39

Loko Muxe a byela Vaisraele leswi HOSI Xikwembu xi vuleke swona, hinkwavo va tlhaveka timbilu.

Vaavanyisi 16:20

Kutani Delila a ku ka yena: “Samsoni, pfuka, Vafilista hi lava!” Kutani Samsoni a pfuka, a ku: “Ndzi ta huma ndzi famba ku fana ni leswi ndzi tshamaka ndzi endlisa swona. Ndzi ta tilwela!” Samsoni a a nga swi tivi leswaku HOSI Xikwembu a xi nga ha ri na yena.

1 SAMIELE 14:38

Kutani Sawulo a vitana vafambisi hinkwavo, a ku ka vona: “Tanani haleno, hi ta kambisisa leswaku i xidyoho muni lexi endliweke namuntlha,

Pisalema 44:10

U hi tshikile hi hluriwa hi valala va hina, va phangha ni rifuwo ra hina.

Pisalema 60:10

loko ku nga ri wena Xikwembu! Kasi u hi tshikile, mavuthu ya hina a wa ha fambi na wona enyimpini!

Tinhlayo 14:42

Mi nga tshuki mi tlhandlukela emagangeni, hikuva HOSI Xikwembu a xi kona exikarhi ka n'wina, kutani valala va n'wina va ta ya mi hlula.

Tinhlayo 14:43

Leswi mi fularheleke HOSI Xikwembu, na xona a xi nga vi na n'wina, kutani loko mi ya hlangana ni Vaamaleke ni Vakanana kwale tikweni, va ta mi dlaya hi fumu.”