Yoxuwa 7:11 - BIBELE Mahungu Lamanene

¹¹ Vaisraele va dyohile; va tshovile ntwanano wa mina lowu ndzi va leriseke wona; va pamburile swilo swin'wana eka leswi swi nyiketiweke leswaku swi herisiwa; va yivile va tlhela va hemba; swilo leswi va swi vekile exikarhi ka tinhundzu ta vona.

Xitsonga (Bibele)

¹¹ Israele u dyohile, u tlurile ntwanano wa mina lowu ndzi va leriseke wona kambe va tekile leswo yila, va swi yivile va va, va swi fihla etinhundzwini ta vona.

Yoxuwa 7:11 Referans Kwoze

Vaheveru 4:13

Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

Timhaka 5:9

Hiloko Petro a ku ka yena: “Mi twananele yini ku ringa Moya wa Hosi xana? Yingisa, swigingi swa lava nga ya lahla nuna wa wena hi leswi enyangweni; na wena va ta ku rhwala va huma na wena.”

Matewu 22:21

Va n'wi hlamula va ku: “I swa Khezari.” Kutani a ku ka vona: “Nyikani Khezari leswi nga swa Khezari, ni Xikwembu leswi nga swa Xikwembu.”

Zakariya 5:4

HOSI ya matimba hinkwawo yi vurisa sweswo yi ri: “Buku leyi, ndzi ta yi rhumela, yi ta ya nghena emutini wa munhu loyi a yivaka, yi tlhela yi nghena emutini wa loyi a hlambanyaka mavunwa hi vito ra mina, kutani yi ta tshama emutini wolowo, yi tlhela yi herisa hinkwaswo leswi nga ka wona, ku katsa ni timhandze ni maribye.”

Habakuku 2:6

Kambe hinkwavo lava khomiweke, va nga ka va nga tshiki ku sandza nala wa vona ni ku n'wi hlekula hi marito. Va ta ku: “Ú ni khombo loyi a tihlengeletelaka swilo leswi nga riki swa yena. (Ú ta swi endla ku fikela rini xana?) Ú ni khombo loyi a fumisiwaka hi ku rihisa varikwavo.”

Hosiya 6:7

Kambe va tshovile ntwanano ku fana na Adamu, hi ku ka va nga ndzi tirhelanga hi ku tshembeka.

Yeremiya 31:32

Ntwanano wa kona wu ta hambana ni lowu ndzi wu endleke khale ni vatata wa vona, siku ndzi va humeseke etikweni ra Egipta. Ntwanano wa mina lowo rhanga, va wu tshovile, hambileswi a ndzi ri n'wini wa vona; ndzi vula sweswo mina HOSI.

Esaya 24:5

Lava akeke misaveni, va yi nyamisile, hikuva va tlurile milawu ya Xikwembu ni swiletelo swa xona, va tshova ni ntwanano wa xona lowu nga heriki.

2 TIHOSI 18:12

Leswi swi humelerile hikuva Vaisraele a va yingisanga rito ra HOSI Xikwembu xa vona, kambe va tshikile ntwanano wa xona va tlhela va tshika hinkwaswo leswi Muxe nandza wa xona a a va lerisile swona. A va swi yingisanga, na ku swi endla a va swi endlanga.

Vaavanyisi 2:20

Kutani HOSI Xikwembu xi karihela Vaisraele, xi ku: “Leswi vanhu lava va tshoveke ntwanano wa mina lowu ndzi wu endleke ni vatata wa vona, ni leswi va nga yingisangiki rito ra mina,

Yoxuwa 23:16

Loko mo tshova ntwanano wa HOSI Xikwembu xa n'wina lowu xi mi leriseke wona, mi ya tirhela swikwembu swin'wana mi swi nkhinsamela, vukari bya HOSI Xikwembu byi ta pfurha ehenhla ka n'wina, kutani mi ta hatla mi hela etikweni leri ro saseka leri HOSI Xikwembu xi mi nyikeke rona.”

Yoxuwa 7:1

Vaisraele va tlurile nawu hi tlhelo ra swilo leswi nyiketiweke leswaku swi herisiwa, hikuva Akani n'wana Karimi wa Zabidi wa Zera, wa nyimba ya ka Yuda, ú pamburile swilo swin'wana leswi nyiketiweke leswaku swi herisiwa. Hikwalaho ka swona, HOSI Xikwembu xi hlundzukela Vaisraele.

Duteronoma 17:2

“Eka wun'wana wa miti leyi HOSI Xikwembu xa n'wina xi nga ta mi nyika yona, ku nga tshuka ku va ni munhu wa xinuna kumbe wa xisati loyi a tshovaka ntwanano wa HOSI Xikwembu xa n'wina hi ku endla leswi nga nkhensekiki emahlweni ka xona.

Levhitika 5:15

“Munhu a nga tshuka a dyoha, kambe ku nga ri ha vomu, a rivala ku humesela mina Hosi mihlengo leyo hlawuleka. Munhu wo tano, ú fanele ku humesa rin'wana ra makhuna ya ntlhambi wa yena leri nga solekiki, ra nxavo lowu vekiwaka hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka; ú ta ta ni khuna leri, ri va gandzelo ro riha nandzu wa yena.

Yoxuwa 7:10

Kutani HOSI Xikwembu xi ku ka Yoxuwa: “Pfuka! Hikwalaho ka yini u tiwisela ehansi hi mombo xana?

1 SAMIELE 14:38

Kutani Sawulo a vitana vafambisi hinkwavo, a ku ka vona: “Tanani haleno, hi ta kambisisa leswaku i xidyoho muni lexi endliweke namuntlha,

2 TIHOSI 5:24

Loko va fika eka Elixa exigangeni, Gehazi a teka mindzhwalo leyi, a ya yi fihla endlwini, a byela malandza ya Naamani ku tlhela, kutani ma tlhela.