Yoxuwa 6:9 - BIBELE Mahungu Lamanene

⁹ Masocha wona a ma rhangile emahlweni ka vaprista lava a va ba timhalamhala, kasi varindzi vona a va ta hi le ndzhaku ka Areka, timhalamhala ti ri karhi ti biwa ti nga wisi.

Xitsonga (Bibele)

⁹ Vavanuna lava hlomaka a va famba emahlweni ka vaprista lava yimbaka tinanga, kutani ntlawa wa le ndzhaku a wu landza areka; loko va ri karhi va famba, a va yimba tinanga.

Yoxuwa 6:9 Referans Kwoze

Yoxuwa 6:13

Vaprista lava va 7 lava khomeke timhalamhala ta 7, va rhanga emahlweni ka Areka ya HOSI Xikwembu va ri karhi va ba timhalamhala va nga wisi; masocha wona ma rhangile emahlweni, varindzi vona va ta hi le ndzhaku ka Areka ya HOSI Xikwembu, timhalamhala ti ri karhi ti biwa ti nga wisi.

Esaya 58:8

Loko mi endla sweswo, minkateko yi ta mi tela kukota vurhonga, mi ta hatla mi horisiwa; mi ta rhangeriwa hi mintirho ya n'wina leyo lulama, kutani mina HOSI ndzi ta mi sirhelela matlhelo hinkwawo hi ku kwetsima ka mina.

Tinhlayo 10:25

Kutani ku suka va mixaxa ya vandla leri vuriwaka “ra ka Dani”, va nga vona vaseleteri va minkondzo, va suka hi ku ya hi mavuthu ya vona. Murhangeri wa mavuthu ya va ka Dani a a ri Ahiezere n'wana Amixadayi;

Yoxuwa 6:8

Vaprista va 7 lava khomeke timhalamhala va famba emahlweni ka Areka ya HOSI Xikwembu, va ri karhi va ba timhalamhala, Areka ya Ntwanano wa HOSI Xikwembu yi ri karhi yi va landza hi le ndzhaku, hilaha Yoxuwa a leriseke vanhu hakona.

Yoxuwa 6:10

Kambe Yoxuwa a lerisa Vaisraele a ku: “Mi nga tshuki mi huwelela kumbe ku ba huwa, hambi ku ri ku vulavula kunene mi nga tshuki mi vulavurile, ku kondza ku fika siku leri ndzi nga ta mi lerisa leswaku mi huwelela; hi siku leri hi kona mi nga ta huwelela.”