Yoxuwa 6:5 - BIBELE Mahungu Lamanene

⁵ Loko mi twa va ba mhalamhala nkarhi wo leha, vanhu hinkwavo va fanele ku huwelela swinene, kutani rirhangu ra muti ri ta wela hansi, masocha ma nghena emutini, un'wana ni un'wana a kongoma laha a langutaneke na kona.”

Xitsonga (Bibele)

⁵ Kutakuloko va yimba mhalamhala leyi pfumaka, ni loko mi twa mpfumawulo wa nanga, tiko hinkwaro ri ta ba huwa leyikulu, hikwalaho rirhangu ra muti ri ta wa, ri mbundzumuka, kutani tiko ri ta khandziya, un'wana ni un'wana a kongoma emahlweni ka yena.”

Yoxuwa 6:5 Referans Kwoze

Vaheveru 11:30

Hi ku pfumela, rirhangu ra muti wa Yeriko ri hindzimuxiwile, endzhaku ka loko ri rhendzelekeriwe hi masiku ya 7.

Eksoda 19:19

Mhalamhala yi ya yi ba swinene. Muxe a vulavula na Xikwembu, kutani xona xi n'wi hlamula hi rito leri tlakukeke.

1 SAMIELE 17:52

Vavanuna va Israele ni va Yuda va suka va ri karhi va huwelela, va hlongorisa Vafilista, va ya va tlhelela kusuhi na le Gayi, ni le nyangweni ya le Ekroni. Mintsumbu ya Vafilista a yi lo n'wálálálá, ku sukela eXarayimi, ku fikela eGati na le Ekroni.

1 SAMIELE 17:20

Davhida a pfuka nimpundzu swinene, a siya tinyimpfu na murisi un'wana, kutani a teka timbuva to ya nyika vamakwavo, a khoma ndlela, hilaha Yese a n'wi leriseke hakona. Loko a fika emixaxeni, a hlangana ni mavuthu ma hlomile ma ya erivaleni laha ku lweriwaka kona, ma ri karhi ma yimbelela tinsimu ta nyimpi.

1 SAMIELE 4:5

Loko Areka ya Ntwanano wa HOSI yi fika emixaxeni, Vaisraele hinkwavo va khana va ba minkulungwana, misava yi ko yi tsekatseka.

Yoxuwa 6:20

Kutani Vaisraele va huwelela, timhalamhala na tona ti ri karhi ti biwa. Kuteloko Vaisraele va twa mpfumawulo wa mhalamhala, va huwelela swinene, kutani rirhangu ra muti ri wela hansi, Vaisraele va nghena emutini, un'wana ni un'wana a kongoma kwala a langutaneke na kona, kutani va teka muti wa Yeriko,

Yoxuwa 6:16

Kuteloko va wu rhendzeleka ra vu-7, vaprista va ba timhalamhala, kutani Yoxuwa a ku ka Vaisraele: “Huwelelani, hikuva HOSI Xikwembu xi mi nyikile muti wa Yeriko.

Yeremiya 50:15

Mbvungunyisani mhalamhala, mi lwa mi va rhendzerile. Vonani, va veka matlhari ehansi, rirhangu ra muti wa vona ra wa, swihondzo swa kona, hòhlò! HOSI Xikwembu xi le ku tirihiseleni, hikokwalaho na n'wina rihisetani eka va le Babilona, mi va endla leswi va mi endleke swona.

Esaya 30:25

Esikwini lerikulu ra ku hluriwa ka valala, loko swihondzo swa vona swi ta va swi wile, ku ta va ni swinambyana leswi nga ta khuluka etintshaveni hinkwato leto leha ni le swintshabyanini hinkwaswo.

Esaya 25:12

HOSI Xikwembu xi ta mbundzumuxa makhumbi ya makhokholo ya vona, xi ma ba ma wa, ku nga ha sali na nchumu.

Yoxuwa 6:4

Vaprista va 7 va ta rhwala timhalamhala, va famba emahlweni ka Areka. Kutani hi siku ra vu-7 mi ta rhendzeleka muti wa Yeriko ka 7, vaprista va ri karhi va ba timhalamhala.

Yoxuwa 6:6

Kutani Yoxuwa n'wana Nuni a vitana vaprista a ku ka vona: “Rhwalani Areka ya Ntwanano, kutani vaprista va 7 va khoma timhalamhala ta 7, va famba emahlweni ka Areka ya HOSI Xikwembu.”

Vaavanyisi 20:37

Hiloko vavanuna lava va hatla va huma lomu a va tumberile kona, va nghena emutini wa Gibeya va rhendzeleka na wona va ri karhi va herisa vaaki va wona hinkwavo hi fumu.