Yoxuwa 6:23 - BIBELE Mahungu Lamanene

²³ Kutani majaha lawa a ma ri tinhlori ma ya ma ya nghena endlwini ya Rahava, ma fika ma n'wi humesa, yena ni tata wa yena, ni mana wa yena, ni vamakwavo, ni va ka vona hinkwavo; kutani ma n'wi teka ni vanhu lava va ka vona hinkwavo ma ya va tshamisa ehandle ka mixaxa ya Vaisraele.

Xitsonga (Bibele)

²³ Kavaloko majaha, lawa ingi ma ri tinhlori, ma nghena, ma ya humesa Rahava ni tata wa yena, ni mana wa yena, ni vamakwavo, ni hinkwaswo leswi ngi swi ri swa yena: va humesa va yindlu ya yena hinkwavo kutani va va yisa ehandle ka mixaxa ya Israele.

Yoxuwa 6:23 Referans Kwoze

Vaheveru 11:7

Hi ku pfumela, Nowa ú yingisile swinene loko Xikwembu xi n'wi tsundzuxa hi ku n'wi byela leswi a swi nga si vonaka; kutani a aka ngalava ku ta ponisa va ndyangu wa yena; hi ku endla sweswo, ú avanyisile misava, a va a amukela ku lulama loku nyikiwaka hi mhaka ya ku pfumela.

Vaefesa 2:12

Eminkarhini yoleyo, a mi hambene na Kriste, a mi nga vuriwi nchumu exikarhi ka Vaisraele, a mi nga ri na ku averiwa emintwananweni ya xitshembiso. A mi hanya emisaveni leyi mi nga ri na ku tshemba, naswona mi nga ri na Xikwembu.

1 Vakorinto 5:12

Hikuva xana i ntirho wa mina ku avanyisa va le handle xana? Va ta avanyisiwa hi Xikwembu.

Timhaka 27:24

yi ku: ‘Pawulo, u nga tshuki u chava, hikuva u fanele ku ya yima emahlweni ka Khezari; kutani tiva leswaku Xikwembu xi ku nyikile vanhu hinkwavo lava fambaka na wena engalaveni, leswaku u va ponisa.’

Timhaka 10:28

A ku ka vona: “Ma swi tiva swinene leswaku swa yila eka Muyuda ku endzela munhu wa rixaka rin'wana kumbe ku tshama na yena; kambe Xikwembu xi ndzi kombisile leswaku ndzi nga tshuki ndzi vula munhu leswaku wa yila, kumbe a nga tenganga.

Tinhlayo 31:19

N'wina ni lava mi va khomeke, mi ta gova masiku ya 7 ehandle ka mixaxa; un'wana ni un'wana wa n'wina loyi a dlayeke munhu kumbe loyi a nga khumba ntsumbu, ú fanele ku tibasisa hi siku ra vunharhu ni ra vu-7.

Genesa 18:24

A hi nge emutini ku ni vanhu vo lulama va 50, xana u nga wu herisa, u nga wu tsetseleli, hambiloko ku ri na vanhu lava vo lulama va 50 eka wona xana?

Genesa 12:2

Kutani ndzi ta ku endla tiko lerikulu, ndzi ku katekisa, ndzi kurisa vito ra wena; u ta va xihlovo xa minkateko.

Yoxuwa 2:18

Wena u fanele ku vona leswaku loko hi fika laha tikweni, ngoti leyi yo tshwuka u yi bohelela efasitereni leri u hi nembeleteke ha rona, naswona tata wa wena, ni mana wa wena, ni vamakwenu, ni va ka n'wina hinkwavo u fanele ku va hlengeleta endlwini ya wena.

Yoxuwa 2:13

Ndzi tshembiseni leswaku mi ta ponisa tata wa mina ni mana wa mina, ni vamakwerhu va xinuna ni va xisati, ni va mindyangu ya vona hinkwavo; hi poniseni leswaku hi nga dlayiwi.”

Genesa 19:29

Loko Xikwembu xi herisa miti ya le nkoveni leyi Lota a a tshama eka yona, a xi ri karhi xi tsundzuka Abrahama; hikokwalaho, xi humesile Lota xi n'wi susa emitini leyi a xi lava ku yi herisa.

Vaheveru 11:31

Hi ku pfumela, Rahava lowa nghwavava a nga lovanga ni lava va nga ala ku yingisa, hikuva ú amukerile tinhlori hi malwandla.

Yoxuwa 2:16

Kutani Rahava a ku ka vona: “Kongomani eswintshabyaneni, leswaku lava rhumiweke ku mi landza va nga mi kumi. Mi fanele ku tumbela kwale swintshabyaneni ku ringana masiku manharhu, lava rhumiweke ku mi landza va kondza va vuya, kutani endzhaku ka swona mi nga ha tikhomela ndlela ya n'wina.”

Vaavanyisi 1:25

Hiloko a va komba ndlela yo nghena emutini, kutani va ya dlayetela vaaki va muti lowu hi fumu, kambe wanuna loyi, va n'wi tshika a tifambela swin'we ni va ndyangu wa yena hinkwavo.