Yoxuwa 6:22 - BIBELE Mahungu Lamanene

²² Kutani Yoxuwa a byela vavanuna vambirhi lava va nga ya va ya valanga tiko a ku ka vona: “Yanani endlwini ya wansati lowa nghwavava, mi fika mi n'wi humesa ni va ka vona hinkwavo hilaha mi nga n'wi tshembisa hakona hi ku hlambanya.”

Xitsonga (Bibele)

²² Yoxuwa a ku eka vanhu lavambirhi lava kambeke tiko: “Yanani endlwini ya nghwavava, mi humesa kona nsati loyi ni vanhu hinkwavo va yena, hilaha mi n'wi hlambanyeleke hakona.”

Yoxuwa 6:22 Referans Kwoze

Vaheveru 11:31

Hi ku pfumela, Rahava lowa nghwavava a nga lovanga ni lava va nga ala ku yingisa, hikuva ú amukerile tinhlori hi malwandla.

Yoxuwa 6:17

Muti lowu ni swilo hinkwaswo leswi nga ka wona swi ta nyiketiwa eka HOSI Xikwembu leswaku xi swi herisa; ku ta pona ntsena Rahava loyi wa nghwavava ni hinkwavo lava a nga na vona endlwini ya yena, hikuva yena ú tumbetile vanhu lava a hi va rhumile.

Ezekiele 17:16

Mina HOSI N'wini wa hinkwaswo ndzi tiyisa hi ku hlambanya ndzi ri: Ú ta ya fela etikweni ra Babilona, emahlweni ka loyi a n'wi vekeke ku va hosi, hikuva ú tshovile ntwanano lowu a a hlambanyile ku wu hlayisa.

Ezekiele 17:13

Kutani yi hlawurile un'wana wa le ndlwini ya vuhosi yi endla ntwanano na yena hi ku n'wi hlambanyisa. Naswona hosi ya Babilona yi tekile vanhu va swiyimo swa le henhla yi famba na vona,

Pisalema 15:4

Ú sola vanhu lava nga pfuniki nchumu, kambe a xixima lava va tirhelaka HOSI Xikwembu; loko a hlambanyile, a nga hundzuki, hambiloko swi nga n'wi vangela khombo.

2 SAMIELE 21:7

Leswi Davhida a a tibohile eka Yonatani n'wana Sawulo hi ku hlambanya emahlweni ka HOSI Xikwembu, a nga nyiketanga n'wana Yonatani Mefiboxete ntukulu wa Sawulo.

2 SAMIELE 21:2

Hiloko Davhida a vitana va le Gibiyoni, a vulavula na vona. (Va le Gibiyoni lava a va nga ri va rixaka ra Israele, kambe a va ri masalela ya Vaamori; Vaisraele a va tibohile hi ku hlambanya leswaku va ta va tsetselela, kambe Sawulo a a ringetile ku va herisa, hikuva a a hisekela vanhu va Israele na Yuda.)

Yoxuwa 9:15

Kutani Yoxuwa a endla xinakulobye na vona, a tlhela a endla na vona ntwanano wa leswaku va ta tshikiwa va hanya; na vona varhangeri va ntshungu va tshembisana na vona hi ku hlambanya.

Yoxuwa 6:23

Kutani majaha lawa a ma ri tinhlori ma ya ma ya nghena endlwini ya Rahava, ma fika ma n'wi humesa, yena ni tata wa yena, ni mana wa yena, ni vamakwavo, ni va ka vona hinkwavo; kutani ma n'wi teka ni vanhu lava va ka vona hinkwavo ma ya va tshamisa ehandle ka mixaxa ya Vaisraele.

Vaavanyisi 1:25

Hiloko a va komba ndlela yo nghena emutini, kutani va ya dlayetela vaaki va muti lowu hi fumu, kambe wanuna loyi, va n'wi tshika a tifambela swin'we ni va ndyangu wa yena hinkwavo.