Yoxuwa 6:19 - BIBELE Mahungu Lamanene

¹⁹ Silivhere hinkwayo ni nsuku, ni swibya swa koporo ni swa nsimbhi swi hlawulekile eka HOSI Xikwembu; swona swi ta vekiwa evuhlayiselweni bya xuma xa HOSI Xikwembu.”

Xitsonga (Bibele)

¹⁹ Silivhere hinkwayo, ni nsuku hinkwawo, ni swibya hinkwaswo swa koporo ni swa nhumbu, swi ta hlawuleriwa Yehovha; swi ta nghena exumeni xa Yehovha.”

Yoxuwa 6:19 Referans Kwoze

Matewu 27:6

Vaprista lavakulu va teka mali leyi, kutani va ku: “Leswi yi nga mali ya ngati, a swi fanelanga leswaku yi nghenisiwa enhlengweni wa Tempele.”

1 TIKRONIKA 26:20

Van'wana va ka Levhi a va rhwexiwile ntirho wa ku hlayisa xuma xa Tempele, ni wa ku tamela tinyiko leti humeseriwaka HOSI Xikwembu.

Marka 12:41

Yesu a a tshamile kusuhi ni xibya xa nhlengo wa Tempele, a languta hilaha vanhu va hoxaka mali exibyeni hakona; vafuwi lavo tala a va hoxa mali leyo tala.

Nehemiya 10:38

Loko Valevhi va amukela vukhume, ku ta va ni muprista wa ka Aroni, kutani Valevhi va ta humesa vukhume bya vukhume va byi tisa eTempeleni va ta byi veka etindlwini ta vuhlayiselo.

1 TIKRONIKA 18:11

Davhida a teka tinyiko leti, a ti veka etlhelo leswaku ti ta tirhiseriwa HOSI Xikwembu, a veka etlhelo ni swingolongondzwana hinkwaswo swa nsuku ni swa silivhere, leswi a swi phangheke etikweni ra Vaedomu, ni ra Vamowabu, ni ra Vaamoni, ni ra Vafilista, ni ra Vaamaleke.

2 TIHOSI 24:13

Hilaha HOSI Xikwembu xi vuleke hakona khale, Nebukadnetsara a phangha xuma hinkwaxo xa yindlu ya HOSI Xikwembu, ni xuma xa le ntsindza; a fayetela swigotso swa nsuku hinkwaswo swa le Tempeleni ya HOSI Xikwembu, leswi a swi endliwile hi Solomoni hosi ya Vaisraele.

1 TIHOSI 7:51

Hiloko ntirho hinkwawo lowu hosi Solomoni a wu tirheke endlwini ya HOSI Xikwembu, wu hela. Kutani Solomoni a nghenisa swingolongondzwana hinkwaswo emakamarini ya vuhlayiselo bya xuma xa Tempele, swi nga leswi: Silivhere, ni nsuku, ni swibya swin'wana, leswi tata wa yena Davhida a a swi nyiketile eka Xikwembu.

2 SAMIELE 8:11

Davhida a teka tinyiko leti, a ti veka hi tlhelo leswaku ti ta tirhiseriwa HOSI Xikwembu, swin'we ni swilo swin'wana swa silivhere ni swa nsuku leswi humaka ematikweni hinkwawo lawa a ma hluleke.

Mikiya 4:13

HOSI Xikwembu xi ri: “N'wina vaaki va Siyoni, sukani mi yima, mi va ba ku fana ni loko mi hula mavele; ndzi ta mi nyika matimba, mi tiya wonge mo va nkuzi ya timhondzo ta nsimbhi ni swinyondzwana swa koporo; mi ta ba vanhu va matiko layo tala mi va phatlulela. Xuma lexi va nga tihlengeletela xona, ni rifuwo ra vona, mi ta swi teka mi swi nyiketa eka mina HOSI Xikwembu, N'wini wa misava hinkwayo.”

2 TIKRONIKA 31:12

Vanhu va veka eka wona mihlengo ya vona ni tinyiko tin'wana ta vona eka Xikwembu, hinkwaswo swi hlayiseka. Mulanguteri wa makamari lawa a a ri Konaniya wa ka Levhi, xandla xa yena a ri makwa wa yena Ximeyi.

2 TIKRONIKA 15:18

Ú lo nghenisa eTempeleni swilo hinkwaswo leswi tata wa yena a a swi nyiketile eka Xikwembu, a tisa ni swa yena n'winyi, swi nga swibya swa silivhere ni nsuku.

1 TIKRONIKA 28:12

Davhida a byela Solomoni mimpimo hinkwayo leyi a a yi ehleketa, ya swivava swa Tempele, ni ya makamari lama rhendzelaka swivava leswi, ni ya vuhlayiselo bya xuma xa Tempele, ni ya makamari yo hlayisela ka wona swilo leswi humeseriwaka Xikwembu.

1 TIKRONIKA 26:28

Xelomoto ni vamakwavo a va hlayisa ni tinyiko hinkwato leti humeseriweke Xikwembu hi Samiele mavonakule, na Sawulo n'wana Kixi, na Abinere n'wana Nere, na Yowabu n'wana Seruya.

1 TIKRONIKA 26:26

Xelomoto loyi ni vamakwavo a va rhwexiwile ntirho wo hlayisa hinkwaswo leswi nyiketiweke eka Xikwembu, swi huma eka hosi Davhida, ni ka varhangeri va mindyangu, ni ka vafambisi va masocha ya 1 000 ni ya 100, ni le ka tindhuna letin'wana.

1 TIHOSI 14:26

yi phangha xuma xa yindlu ya HOSI Xikwembu, ni xuma xa le ntsindza; yi phangha hinkwaswo, ku katsa ni switlhangu hinkwaswo swa nsuku leswi vumbiweke hi hosi Solomoni.

Yeremiya 38:11

Kutani Ebede-Meleke a hlawula vavanuna vanharhu, a ya na vona entsindza, a nghena endlwini yo hlayisela tinhundzu, a ya teka swiambalo swa khale leswi hlakaleke, a swi bohelela, kutani a swi xikisela Yeremiya hi ntambhu ekheleni;

Tinhlayo 31:22

Nsuku, ni silivhere, ni koporo, ni nsimbhi, ni thini, ni ntsopfu,

Levhitika 19:24

Hi lembe ra vumune, mihandzu hinkwayo yi ta va yi hlawulekile, mi ta ndzi dzunisa hi ku ndzi humesela yona mina HOSI.

Tinhlayo 31:11

Kutani va teka vanhu hinkwavo lava va va khomeke, ni swifuwo hinkwaswo leswi va swi phangheke,

Tinhlayo 31:12

va ya na swona eka Muxe, ni muprista Eliyazara, ni ntshungu hinkwawo wa Vaisraele, erivaleni ra Mowabu, laha va goveke kona kusuhi ni nambu wa Yordani ku langutana na Yeriko.

Yoxuwa 7:11

Vaisraele va dyohile; va tshovile ntwanano wa mina lowu ndzi va leriseke wona; va pamburile swilo swin'wana eka leswi swi nyiketiweke leswaku swi herisiwa; va yivile va tlhela va hemba; swilo leswi va swi vekile exikarhi ka tinhundzu ta vona.

1 TIKRONIKA 26:27

Swilo leswi va swi phangheke enyimpini, a va swi humesile leswaku swi ta fambisa mintirho ya Tempele.