Yoxuwa 5:6 - BIBELE Mahungu Lamanene

⁶ Vaisraele va fambile malembe ya 40 emananga ku kondza ku hela vavanuna hinkwavo lava ringaneke ku ya enyimpini, va nga lava sukeke etikweni ra Egipta, hikuva a va nga yingisanga swileriso swa HOSI Xikwembu. HOSI Xikwembu xi va hlambanyerile leswaku va nga ka va nga ri voni tiko leri xi tshembiseke vatata wa vona hi ku hlambanya leswaku xi ta va nyika rona, ri nga tiko leri khulukaka ntswamba ni vulombe.

Xitsonga (Bibele)

⁶ Hikuva hi malembe ya 40, vana va Israele a va famba emananga, tiko hinkwaro ri ko ri herisiwa, va ri vavanuna lava hlomaka, lava humeke eEgipta, lava nga yingisangiki rito ra Yehovha; hikwalaho, Yehovha u va hlambanyele leswaku va nga ka va nga voni tiko leri Yehovha a hlambanyeleke vatata wa vona ku hi nyika rona, ri nga tiko leri khulukelaka hi ntswamba ni vulombe.

Yoxuwa 5:6 Referans Kwoze

Tinhlayo 14:23

hikokwalaho, va nga ka va nga ri voni tiko leri ndzi ri tshembiseke vatata wa vona hi ku hlambanya; hinkwavo lava va ndzi sandzeke, a va nga ri voni tiko ra kona.

Duteronoma 2:14

Ku sukela nkarhi lowu hi humeke eKadexe-Bariniya ha wona ku kondza hi tsemakanya xinkobyana xa Zereda, ku hundzile malembe ya 38; kutani masocha hinkwawo lawa hi humeke na wona le Egipta ma helele endleleni, hilaha HOSI Xikwembu xi hlambanyeke hakona.

Vaheveru 3:11

Hikokwalaho, ndzi hlambanyile evukarini bya mina, leswaku va nga ka va nga ngheni eku wiseni ka mina.”

Duteronoma 2:7

“HOSI Xikwembu xa n'wina xi mi katekisile emintirhweni ya n'wina hinkwayo; loko mi ri karhi mi tsendzeleka emananga lamakulu lawa, a xi ri karhi xi mi hlayisa. Xi ve na n'wina malembe hinkwawo lawa ya 40, mi nga pfumali nchumu.

Duteronoma 1:3

Siku Muxe a byeleke Vaisraele swilo hinkwaswo leswi HOSI Xikwembu xi n'wi leriseke ku va byela swona, a ri ri siku ro sungula ra n'hweti ya vu-11, elembeni ra vu-40 endzhaku ka loko va humile etikweni ra Egipta.

Eksoda 3:8

Hikokwalaho, ndzi rhelerile ku ta va lamulela emavokweni ya Vaegipta, ndzi va humesa etikweni leriya, ndzi va yisa etikweni lero nona, leri anameke, tiko leri khulukaka ntswamba ni vulombe, ku nga laha ku akeke Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Ezekiele 20:15

Hambiswiritano, loko Vaisraele va ha ri emananga, ndzi tibohile hi ku hlambanya leswaku tiko leri a ndzi va hlawulerile rona, ro khuluka ntswamba ni vulombe, ro saseka ku tlula matiko man'wana hinkwawo, ndzi nga ka ndzi nga va fikisi eka rona,

Yeremiya 2:2

“Famba u ya huwelela emahlweni ka vanhu va Yerusalema, u va byela leswaku mina HOSI ndzi ri: “ ‘Ndzi anakanya ku tshembeka ka n'wina loko ma ha ri lavantshwa, ni rirhandzu ra n'wina loko ma ha ku hloma, ni hilaha a mi ndzi namarhela hakona emananga, lomu ku nga byariwiki nchumu.

Duteronoma 8:4

Eka malembe lawa ya 40 hinkwawo, swiambalo swa n'wina a swi hlakalanga, hambi yi ri milenge a yi pfimbanga.

Ezekiele 20:6

Enkarhini wolowo ndzi va tshembisile hi ku hlambanya leswaku ndzi ta va humesa etikweni ra Egipta, ndzi va yisa etikweni leri ndzi nga va hlawulela rona, ri nga tiko ro khuluka ntswamba ni vulombe, leri sasekeke ku tlula matiko man'wana hinkwawo.

Eksoda 3:17

Kutani ndzi tshembisa leswaku ndzi ta va humesa emaxangwini ya Egipta, ndzi va yisa etikweni ra Vakanana, ni Vahiti, ni Vaamori, ni Vaperesi, ni Vayebusi, ri nga tiko leri khulukaka ntswamba ni vulombe.

Yuwele 3:18

“Hi siku ra kona, tintshava ti ta pfempfa vhinyo yo nandziha; ntswamba wu ta khuluka eswintshabyanini, swinkobyana hinkwaswo swa tiko ra Yuda swi ta hobomulana. Endlwini ya mina HOSI, ku ta baleka nthavela, mati ma ta huma ma ya cheleta Nkova-wa-Xitimi.

Tinhlayo 26:63

Lava hi vona Vaisraele lava nga hlayiwa hi Muxe na muprista Eliyazara erivaleni ra tiko ra Mowabu, kusuhi ni nambu wa Yordani, ku langutana ni muti wa Yeriko.

Yoxuwa 5:5

Hambileswi vavanuna hinkwavo lava sukeke etikweni ra Egipta a va yimbisiwile, lava va nga velekiwa emananga loko Vaisraele va humile etikweni ra Egipta, a va nga yimbisiwanga.

Yoxuwa 5:7

Kutani lava Yoxuwa a a fanele ku va yimbisa a va ri vana va vona lava a nga sala a va kurisa, hikuva a va nga yimbisiwanga endleleni.

Pisalema 107:4

Van'wana a va tsendzeleka emananga, ku ri hava tindlela to fika emutini lowu va nga tshamaka eka wona.

Yoxuwa 1:6

U fanele ku tiya, u va ni xivindzi, hikuva hi wena u nga ta fikisa vanhu lava etikweni leri ndzi tshembiseke vatata wa vona hi ku hlambanya leswaku ndzi ta va nyika rona ri va ndzhaka ya vona.

Yoxuwa 24:7

Loko va huwelerile eka mina HOSI Xikwembu, ndzi tisile munyama exikarhi ka vona ni Vaegipta, ndzi khubumeta Vaegipta hi mati ya lwandle. Leswi ndzi swi endleke Vaegipta, mi swi vonile. Mi tshamile emananga nkarhi wo leha,