Yoxuwa 5:13 - BIBELE Mahungu Lamanene

¹³ Siku rin'wana loko Yoxuwa a ri kusuhi ni muti wa Yeriko, ú te a tlakusa mahlo, o vona wanuna a yimile emahlweni ka yena a khomile fumu. Kutani Yoxuwa a ya eka wanuna loyi a fika a ku ka yena: “Xana u yima na hina, kumbe u yima ni valala va hina xana?”

Xitsonga (Bibele)

¹³ Kuteloko Yoxuwa a ri ekusuhi na Yeriko, a tlakusa mahlo a languta; kutani waswivo, wanuna a a yimile emahlweni ka yena, a ri ni tlhari leri vangamaka evokweni ra yena; Yoxuwa a ya eka yena, a ku: “U wa ka hina xana, kumbe u wa valala va hina?”

Yoxuwa 5:13 Referans Kwoze

Tinhlayo 22:23

Kutani mbhongolo yi vona ntsumi ya HOSI Xikwembu yi yimile endleleni, yi khomile fumu; mbhongolo yi hambuka yi nghena enhoveni, kambe Balaama a yi ba leswaku yi vuyela endleleni.

Genesa 18:2

Loko Abrahama a tlakusa mahlo, o vona vavanuna vanharhu va yimile emahlweni ka yena; hiloko a suka enyangweni ya ntsonga wa yena hi ku tsutsuma, a ya va hlanganisa, a fika a korhama,

Tinhlayo 22:31

Kutani HOSI Xikwembu xi endla leswaku Balaama a kota ku vona ntsumi ya xona leyi yimeke endleleni yi khomile fumu; kutani a korhama, a wela hansi hi mombo.

1 TIKRONIKA 21:30

kambe Davhida a a nga ha swi koti ku ya kona a ya vutisa timhaka eka Xikwembu, hikuva a a chava fumu ra ntsumi ya HOSI Xikwembu.

Daniele 10:5

Ndzi lo na tlakusa mahlo, ndzo vona munhu la ambaleke swiambalo swa ntsembyani, a tikhame hi vamba ra nsuku lowu tengeke.

Eksoda 23:23

“Ntsumi ya mina yi ta rhanga emahlweni ka n'wina, yi ya mi fikisa eka Vaamori, ni Vahiti, ni Vaperesi, ni Vakanana ni Vahivhi, ni Vayebusi, kutani ndzi ta nyamalarisa vanhu lava.

Timhaka 1:10

Va te va ha tlakusile mahlo va languta etilweni loko a ri karhi a tlhandluka, hi nomu lo vavanuna vambirhi lava ambaleke swo basa, va humelela kwala va nga kona,

Zakariya 1:8

Kutani Zakariya a ku: “Ndzi vonile munhu hi xivono nivusiku, a gadile hanci yo tshwuka, a yimile exikarhi ka mirhi ya mirta exinkobyaneni; endzhaku ka yena a ku ri ni tihanci tin'wana to tshwuka, ni tin'wana to tshwukanyana, ni tin'wana to basa.

1 TIKRONIKA 21:27

Kutani hi ku lerisiwa hi HOSI Xikwembu, ntsumi yi tlherisela fumu ra yona enkotlotweni.

Vaavanyisi 13:11

Kutani Manowaka a suka a landza nsati hi le ndzhaku, a ya fika eka munhu wa kona, a ku ka yena: “Xana hi wena u nga tshama u vulavula ni wansati loyi xana?” Yena a hlamula a ku: “Hi mina.”

Daniele 8:3

Kutani loko ndzi tlakusa mahlo, ndzi vona nyimpfu ya khuna yi yimile eribuweni ra nambu wolowo. A yi ri ni timhondzo timbirhi, ti ri leto leha hi vumbirhi bya tona, kambe lerin'wana a ri lehile ku tlula lerin'wana, hambileswi a ri mirile endzhaku.

Vaavanyisi 13:22

Kutani Manowaka a ku ka nsati wa yena: “Hakunene hi file, hikuva hi vonile Xikwembu!”

Yoxuwa 6:2

Kutani HOSI Xikwembu xi ku ka Yoxuwa: “Vona, ndzi ku nyiketa muti wa Yeriko ni hosi ya wona ni tinhenha ta wona ta matimba.

Genesa 33:5

Kuteloko Esawu a tlakusa mahlo, o vona vavasati ni vana, kutani a ku: “Lava u nga na vona i vamani xana?” Yakobo a ku: “I vana lava Xikwembu xi ndzi nyikeke vona mina nandza wa wena, hikwalaho ka tintswalo ta xona.”

Genesa 33:1

Kuteloko Yakobo a tlakusa mahlo, o vona Esawu a ri karhi a ta ni vavanuna va 400. Kutani Yakobo a hambanyisa vana va Leya, ni vana va Rahele, ni vana va malandza ya yena lamambirhi.

Nhlavutelo 1:13

ni un'wana la fanaka ni N'wana-wa-Munhu a yimile exikarhi ka swona, a ambele nguvu leyi fikaka emilengeni ya yena, a ri ni vamba ra nsuku exifuveni xa yena.

Genesa 18:1

Siku rin'wana ninhlekanhi, dyambu ri ri karhi ri hisa, HOSI Xikwembu xi humelela eka Abrahama le ka Minkuhlu ya Mamre, xi n'wi kuma a tshamile enyangweni ya ntsonga wa yena.

Genesa 28:16

Kutani Yakobo a phaphama evurhongweni, a ku: “Hakunene HOSI Xikwembu xi kona endhawini leyi! Mina a ndzi nga swi tivi!”

1 TIKRONIKA 12:22

Siku rin'wana ni rin'wana, a ku ri ni vavanuna lava yaka eka Davhida ku ya n'wi pfuna, ku kondza a va ni masocha layo tala ngopfu.