Yoxuwa 5:11 - BIBELE Mahungu Lamanene

¹¹ Siku leri tlhandlamaka ra nkhuvo wa Paseka, Vaisraele va lumile swa tiko ra Kanana: Hi siku rero va dyile swimbhundzwa leswo-ke-comela ni tindzhoho leti oxiweke.

Xitsonga (Bibele)

¹¹ Hi siku leri tlhandlamaka Paseka va dya mavele ya tiko: xi ri xinkwa lexo kala comela ni tindzhoho leti oxiweke.

Yoxuwa 5:11 Referans Kwoze

Levhitika 23:14

Loko ku nga si fika siku leri mi tisaka ha rona magandzelo ya mina Xikwembu xa n'wina, mi nga tshuki mi dya swa nguva leyintshwa, xi nga va xinkwa, kumbe tindzhoho leti oxiweke, kumbe letimbisi. Nawu lowu mi fanele ku wu landza hilaha ku nga heriki, n'wina ni vatukulu va n'wina, hinkwako lomu mi nga ta va mi tshama kona.

Levhitika 23:6

Kutani hi siku ra vu-15 ra n'hweti leyi, ku ta sungula Nkhuvo wa Xinkwa lexo-ke-comela wo tlangela mina HOSI, lowu wu nga ta dyiwa masiku ya 7.

Tinhlayo 15:19

mi fanele ku ndzi humesela nyiko mina HOSI, loko mi luma nguva.

Yoxuwa 5:10

Vaisraele va endlile nkhuvo wa Paseka erivaleni ra Yeriko, hi minkarhi ya madyambu hi siku ra vu-14 ra n'hweti leyi a va govile eGiligala.

Yoxuwa 5:12

Ku sukela siku leri Vaisraele va sunguleke ku dya swakudya swa le Kanana ha rona, a ka ha vanga na manna, kutani Vaisraele a va nga ha dyi manna, kambe lembe rero a va dya swakudya leswi humaka etikweni ra Kanana.