Yoxuwa 5:1 - BIBELE Mahungu Lamanene

¹ Kuteloko tihosi hinkwato ta Vaamori lava a va akile entsungeni wa nambu wa Yordani hi tlhelo ra vupeladyambu, ni tihosi hinkwato ta Vakanana lava a va akile kusuhi ni lwandle ti twa leswaku HOSI Xikwembu xi phyiserile Vaisraele mati ya nambu wa Yordani va kondza va wu tsemakanya, ti tshuka ngopfu, ti hela ni matimba hi ku chava Vaisraele.

Xitsonga (Bibele)

¹ Tihosi ta Vaamori leti nga evupeladyambu ka Yordani, ni tihosi hinkwato ta Vakanana leti nga eribuwini ra lwandle, kuteloko ti twile leswaku Yehovha a omisile mati ya Yordani emahlweni ka vana va Israele va ko va pela, timbilu ta tona ti nyuka, ti tsemeka mihlana emahlweni ka vana va Israele.

Yoxuwa 5:1 Referans Kwoze

Tinhlayo 13:29

Hi vonile ni Vaamaleke lava akeke edzongeni, ni Vahiti, ni Vayebusi, ni Vaamori lava akeke emagangeni ya tiko, ni Vakanana lava akeke kusuhi ni lwandle ni le tindhawini leti lulamaka ni nambu wa Yordani.”

1 TIHOSI 10:5

ni swakudya leswi dyiwaka laha ntsindza, ni matshamele ya tindhuna ta yena, ni matirhele ya lava va n'wi phamelaka swakudya kumbe ku n'wi kela swakunwa, ni maambalele ya vona, ni ndlela leyi a humesaka ha yona magandzelo lama hisiwaka, endlwini ya HOSI Xikwembu; kutani yi hela matimba hi ku hlamala.

Nhlavutelo 18:10

Ti ta yimela kule hi ku chava maxangu ya yena, ti ku: “Yo! Yo! Wena muti lowukulu, wena Babilona muti wa matimba, ku avanyisiwa ku ku fikele hi nkarhinyana ntsena.”

Amosi 2:9

Kasi hi mina ndzi va heriseleke Vaamori, vanhu lava ringanaka ni mirhi ya kedari hi ku leha, lava tiyeke ku fana ni mirhi ya minkuhlu; ndzi mbumburhuxile mihandzu ya kona, ndzi tsema ni timitsu ta kona.

Daniele 5:6

Kutani a basuluka xikandza hi ku chava, a pfilunganyeka miehleketo, mahlakala ya yena ma gudlagudla, a dzunga ni matsolo.

Ezekiele 21:7

Vona va ta ku vutisa va ku: ‘Xana u rilela yini xana?’ U ta va hlamula u ku: ‘Ndza rila, hikuva ndzi twile leswaku makhombo ma le ndleleni; loko ma fikile, vanhu va ta hela ntamu, va tsemeka nhlana; va ta titivala, va nga ha tikoti hi ku chava. Makhombo lawa ma le ndleleni, swi tiyile sweswo, ku vula HOSI N'wini wa hinkwaswo.’ ”

Ezekiele 16:3

N'wi byele leswaku mina HOSI N'wini wa hinkwaswo ndzi ni rito eka yena leri nge: U tumbulukile ni ku velekiwa u ri Mukanana; tata wa wena i Muamori, ni mana wa wena i Muhiti.

Pisalema 135:11

va nga va Sihoni hosi ya Vaamori, na Ogo hosi ya le Baxani, ni vafumi hinkwavo va le Kanana;

Ezra 9:1

Endzhaku ka loko swilo leswi swi endliwile, varhangeri va ta eka mina va fika va ku: “Vaisraele, ni Valevhi, ni vaprista, va tinyiketile eka manyala lama endliwaka hi vamatiko, a va tihambanisanga ni Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta, ni Vaamori.

2 SAMIELE 21:2

Hiloko Davhida a vitana va le Gibiyoni, a vulavula na vona. (Va le Gibiyoni lava a va nga ri va rixaka ra Israele, kambe a va ri masalela ya Vaamori; Vaisraele a va tibohile hi ku hlambanya leswaku va ta va tsetselela, kambe Sawulo a a ringetile ku va herisa, hikuva a a hisekela vanhu va Israele na Yuda.)

1 SAMIELE 25:37

Nimpundzu wa kona, loko Nabala a xalamukile, Abigayele nsati wa yena a n'wi rungulela timhaka hinkwato; kutani Nabala a wa a titivala, a oma ni swirho.

Vaavanyisi 11:23

HOSI Xikwembu xa Vaisraele, hi xona xi tekeleke Vaamori tiko ra vona, xi ri nyika vanhu va xona va Israele. Xana wena u lava ku va tekela rona xana?

Vaavanyisi 4:2

Kutani xi va nyiketa emavokweni ya Yabini hosi ya Kanana, loyi a a fuma a ri eHasoro. Mufambisi wa mavuthu ya yena a a ri Sisera, loyi a a tshama eHaroxete-wa-Vamatiko.

Vaavanyisi 3:3

Vamatiko va kona hi lava: Tihosi ta ntlhanu ta Vafilista, ni Vakanana hinkwavo, ni Vasidoni, ni Vahivhi lava akeke etintshaveni ta Lebanoni, ku sukela entshaveni ya Baala-Herimoni, ku ya fika exiphandzeni xa Hamata.

Vaavanyisi 1:1

Loko Yoxuwa a file Vaisraele va vutisa eka HOSI Xikwembu, va ku: “I mani exikarhi ka hina loyi a nga ta rhanga a huma, a ya lwa ni Vakanana xana?”

Yoxuwa 24:15

Loko mi nga swi lavi ku tirhela HOSI Xikwembu, namuntlha hlawulani loyi mi rhandzaka ku tirhela yena: Ku nga va swikwembu leswi vatata wa n'wina va swi tirheleke exifundzheni lexi xi nga entsungeni wa nambu wa Yufrata, kumbe swikwembu swa Vaamori lava mi tshamaka etikweni ra vona; kambe loko a ri mina ni ndyangu wa mina, hi ta tirhela HOSI Xikwembu.”

Yoxuwa 17:18

Tiko ra le magangeni ri ta va ra n'wina, hambileswi ri nga ni swihlahla; mi ta ri tshetsha, ri basa, mi ri teka ri va ra n'wina ku ya fika emakumu ka rona. Mi ta hlongola Vakanana va suka etikweni leri, hambileswi va nga ni makalichi ya nsimbhi, va tlhela va tiya swinene.”

Yoxuwa 17:12

Vakanana a va sukanga, kambe va tshamile emitini leyi, hikuva va ka Manase a va swi kotanga ku va tekela yona.

Eksoda 23:28

Ndzi ta rhumela mimpfi emahlweni ka n'wina, leyi yi nga ta hlongorisa Vahivhi, ni Vakanana, ni Vahiti, va suka emahlweni ka n'wina va famba.

Genesa 48:22

Sweswi, xintshabyana lexi ndzi xi tekeleke Vaamori hi fumu ra mina ni vurha bya mina, ndzi xi nyika wena, ku nga ri vamakwenu.”

Genesa 12:6

Loko va fika eKanana, Abrama a rhendzeleka na tiko a kondza a ya fika eka Nkuhlu wa More, yi nga ndhawu leyi nga Xikeme. Enkarhini lowu, Vakanana a va ha tshama etikweni leri.

Esaya 41:5

“Vanhu va le matikweni ya le kule, va swi vonile, kutani va chava; misava hinkwayo ya ninginika, vanhu va hlengeletana, va ta.

Yoxuwa 3:16

kutani mati lama khulukaka ma ta hi hala tlhelo ra le henhla ka nambu ma yima, ma endla ndhundhuma ma ya fika ni le mutini wa Adama lowu nga kusuhi na Saretani. Mati lama khulukaka ma rhelela ma kongoma eLwandle ra Araba, ri nga Lwandle-ra-ku-fa, ma tsemeka, ma nga ha khuluki, kutani Vaisraele va pela nambu wa Yordani, ku langutana na Yeriko.

Yoxuwa 3:17

Loko Vaisraele hinkwavo va ri karhi va pela nambu hi laha ku omeke, vaprista lava rhwaleke Areka ya Ntwanano wa HOSI Xikwembu vona a va yimile laha ku omeke exikarhi ka nambu wa Yordani, ku kondza Vaisraele hinkwavo va khupuka.