Yoxuwa 4:3 - BIBELE Mahungu Lamanene

³ kutani mi va lerisa mi ku: ‘Tekani maribye ya 12 kwala xikarhi ka nambu wa Yordani; mi ma teka laha vaprista a va yimile kona, mi ma rhwala mi famba na wona, mi ya ma rhula laha mi nga ta fika mi xwa kona vusiku bya namuntlha.’ ”

Xitsonga (Bibele)

³ mi va lerisa, mi ku: ‘Tekani kwala exikarhi ka nambu, laha vaprista va yimeke kona va tiyile, maribye ya 12, mi ma rhwala, mi ma veka laha mi nga ta gova kona vusiku lebyi.’ ”

Yoxuwa 4:3 Referans Kwoze

Yoxuwa 4:8

Kutani vavanuna va Israele va endla hilaha Yoxuwa a va leriseke hakona: Va teka maribye ya 12 exikarhi ka nambu wa Yordani, lama ringanaka ntsengo wa tinyimba ta Vaisraele hilaha HOSI Xikwembu xi byeleke Yoxuwa hakona. Kutani va rhwala maribye ya kona va famba na wona va ya ma rhula laha va nga fika va xwa kona.

Yoxuwa 3:13

Loko vaprista lava rhwaleke Areka ya Ntwanano wa HOSI Xikwembu xa misava hinkwayo va peta minkondzo ya vona ematini ya nambu wa Yordani, mati ma ta yima ku khuluka, kutani lama taka hi tlhelo ra hala henhla ka nambu lowu ma ta hlengeletana ndhawu yin'we ma endla ndhundhuma.”

Luka 19:40

A va hlamula a ku: “Ndza mi byela leswaku, loko vona va miyela, maribye ma ta huwelela.”

Pisalema 103:2

Ina, ndzi lava ku nkhensa HOSI Xikwembu, mintirho ya xona leyinene ndza yi tsundzuka hinkwayo.

Pisalema 11:4

HOSI yi le ndlwini ya yona leyo hlawuleka, xitshamu xa yona xa vuhosi xi le matilweni. Mahlo ya yona ma languta vanhu, hi ku copeta ka tihlo, yi va kambela.

1 SAMIELE 7:12

Samiele a teka ribye, a ri yimisa exikarhi ka Mitspa ni muti lowu vuriwaka “Tino”. Kutani a thya ribye leri evito ra “Ebenezere”, hi leswaku “Ribye-ra-Vuponisi”, a engeta a ku: “Ku fikela siku ra namuntlha, HOSI yi hi ponisile.”

Yoxuwa 24:27

Yoxuwa a byela Vaisraele hinkwavo a ku: “Vonani, ribye leri ri ta va mbhoni ya hina, hikuva marito hinkwawo ya HOSI Xikwembu lawa xi hi byeleke wona, ri ma twile. Loko mo sungula ku xisa Xikwembu xa n'wina, ribye leri ri ta va mbhoni leyi yi nga ta mi kaneta.”

Genesa 28:22

Ribye leri ra xitsundzuxo leri ndzi ri yimiseke, ri ta va yona yindlu ya wena Xikwembu. Eka hinkwaswo leswi u nga ta ndzi nyika swona, ndzi ta ku humesela vukhume bya swona.”

Yoxuwa 4:4

Kutani Yoxuwa a vitana vavanuna va 12 lava a a va hlawurile exikarhi ka Vaisraele; eka nyimba yin'wana ni yin'wana ku huma wanuna un'we.